الجمعة، 6 نوفمبر 2009

كان اجمل يوم


دي صورتنا فى نادي الاطباء كلنا ومش واضحه وتقريبا انا كنت قاصده ولا ايه عشان لو كانت واضحه ما كنتش هانشرها ههههههههههههههههههههههههههههه





السلاااااااام عليكم




كان يوم جميل جميل جميل بالنسباااااالي على الاقل





بالغيظه فى كل الناس الى ما جوش




بجد انا كنت فرحااااااااانه اوي يا جماعه عشان اليوم الحمد لله كان ناجح والناس كانوا مبسوطين وكفايه ان انا شوفتهم كلهم



نقول بقى احنا عملنا ايه




اولا هاقولكم الناس الى جت بغير ترتيب




فاتيما حبيبتى روح قلب ماما


داليا قوس قزح


خالد همس الاحباب


خيخه


بن حجر العسقلاني


أحمد حسن البنا


عاشقة وغلبانه


اميره على كوكب مهجور


دعاء مجرد حلم


بوبو / وكنج توت


محمد عبد الرحمن شحاته بلاد السحر والخيال


مصطفى محمد فك زنقه


ابراهيم العدوي كأنى اتكلم


صلاح العميري مسدس صغير


حلم كان


شيماء شعب لابد له من حكومه تشكمه

ساسو mourninig love


ميرا امرأه بعقل رجل


ليسندرا


ضياء abeautiful mind


محمد الغرباوي رحلة بحث


ساره طوبار محاولات للبحث عني


روح طفله مش عايزه تكبر


ايمان سما مصر


سوووول وبنت خالها
مياده ايامنا الحلوه
بنت المنصوره
استاذ عبد الجليل
ساسو الى كنت ناسياها وهي اول واحده اتبرعت



طبعا طبعا انا ناسيه ناس كتير لان العدد كان 30 تقريبا ودول الى انا لحقت اكتبهم والى انا نسيته بقى يستاااااااهل عشان فضلت اتحايل عليهم يكتبوا اساميهم


اليوم بقى


اولا روحنا على المستشفى واتبرعنا الحمد لله اغلبنا اتبرع وفى ناس طلعوا ما عندهم دم يا عينى


وفى ناس طلع عندنا دم بزيااااااااده يا صلاح يا عميري


وفى ناس ما رضيوش اصلا يعملوا تست الهيموجلبين احسن يتبسوا زي محمد يا ابراهيم يا عدوي


حلو التصييح ده صح ؟

الحمد لله كله مشي تمام فى المستشفى بالرغم من انى عملتلهم هوليله اول امبارح وروحت كلمت من اول نائب مدير المستشفى لحد العمال الى بيشتغلوا فى بنك الدم


الا انك ابتسم انت فى جمهوريه مصر العربيه روحنا لقيناهم مطلعين امعاء بنك الدم بره وبينضفوه ناس نضااااااااااف


بس حطولنا كراسي التبرع بره واتبرعنا والحمد لله تعالى وافتكر كده كان احسن حتى


وانا اتبرعت

نعم نعم نعم لقد فعلتها

بعد 13 سنه عمر الهيموجلبين بتاعي ما وصل 12 ابدا الحمد لله وصل واتبرعت وهبط هبط هبط وقعدوا يشربوا فيا عصير وفيييييييين على ما عرفت اخد نفسي شويه


بعد كده طلعنا على الصلاه وانا طبعا عشان قويه وكده ما قدرتش اوصل للجامع ورحنا على كوك دور على طول


اتغدينا والبت داليا كانت هاتلتهم الواد الى بيشتغل فى كوك دور عشان قال خليكوا فوق عشان ما اطلعش وانزل

هههههههههههههههههه


وبعد الغدا روحنا على نادي الاطباء الناس هناك اخر احترام بصراحه وعملولنا المكان الى قعدنا فيه ده عشان عشان نتلم كلنا فى مكان واحد


قعدنا شويه والاستاذ احمد حسن البنا

كان عنده موضوع عايز يناقشنا فيه


الراجل كتر خيره كان مهتم وجاي مخصوص عشان كده واعتقد ان الناس احبطته ومن الزحمه والدوشه ما حدش عرف يسمع اوي


وان شاء الله انا هابقى اناقشكم فى فكرته مره تانيه


وبعدين قعدنا نرغي ونرغي ونرغي


وبعدين ركبنا مركب فى النيل ساعة الغروب





وكان وقت جميل جدا جدا جدا


وبس خلاص خلص اليوم خدنا بعضنا ومشينا كل واحد فى سكته



ده بقى خالد همس الاحباب الى اصر اصر انه يلم مننا فلوس وياخدها ونقنع فيه بلاش كده يا خالد ليه كده يا خالد


قال ايدكم كل واحد على اربعه جنيه ماليش دعوه ودي صورته وهو بيعد الفلوس








الحقيقه طبعا انا دبسته هو وداليا قوس قزح يلموا الفلوس بتاعة المركب من الناس عشان انا كنت خلاص فضيت شحن



وناس كتير كتير كتير كتير كتير اتصلوا بينا لما جالي هسهس من التليفون


هاقول بعضضضضهم الى فاكراه طبعا



استاذ وليد مدونة عارفه مش عارف الكويت

وده حقيقى ربنا يكرمه كان بيسعى انه يوفرلنا نادي قريب لنا بس كتر التليفونات خلت الاخ الى المفروض يوصلنا للنادي ما عرفش يكلمنى



م . هاني ابو زيد السعوديه

كلمنا اكتر من مره وانا صحيته من النوم بالغلط هههههههههههه


أ عمر بدر الى اتصل علينا وما عرفش يجى ربنا يتم شفاه على خير يارب


بدراوي الي كان مقترح التجمع من الاول ما عرفش يجى مش عارفه ليه


شمس النهار الى برضه ما عرفتش تيجى


مفروسه حياتي


وحنين القلب


وعاشقة الرومانسيه

ابو خالد

وكلمتنى كمان امبارح احساس طفله من اليابان وسلمت على كل الناس



وناس كتير كتير كتير بجد مش عارفه احفظ ولا اركز دلوقتي مين اتصل بينا


الناس الى كانوا موجودين بجد انا سعدت بهم جدا جدا


البت داليا مصممه مش عايزه تاكل فى كوك دور ويا حبة عين امها كانت جايه فكره اننا هانتقابل على شط الترعه والبط والوز يكاكي من حوالينا وناكلها فطير ومورته وقشطه وعسل فاحنا احبطنا املها ولقت مافيش اي حاجه خالص من ده


البت خيخه من الصبح لاخر اليوم وهى ماسكه علبة الكيك الى كنت واخداه بتنتحر قدامه عشان بالشيكولاته . ولسانها فيه 3 متر زياده مش عارفين نستاصلهم ازاااااااي . بس عسل باموت فيها وبعدين انا كنت صعبانه عليها النهارده وقعدت تطبطب عليا وخدتنى فى حضنها كنت هنام ههههههههههههههه


صلاح العميرى بهدتله الصراحه كل ما اتزنق يا صلااااااااااااااااح بس عادي يعنى امال هايسبنى لوحدي ولا ايه


ومين كماااااان يا جدعان


اه وبوبو وكنج توت وابنهم الجميل وبوبو معلم فيها المسقعه بتاعتي اوي هههههههههههههههههههه وجوزها حييت فيها تكبير الدماغ جدا جدا جدا واحنا بنتناقش عقباااااااااااااااالي اعمل كده


اه ومحمد الغرباوي الى ما كنتش اعرفه وحقيقى حاسه انه شخصيه كويسه اوي وانا وداليا مسكنا فى زمارة رقابته وقلناله هانجوزوووووووك يعنى هانجوزووووووووك هههههههههههههههههههههههه وخلاص هو دلوقتي هايهرب يرجع الصحرا ارحم تقريبا



والبناتيت الصغنين ميرا وشيما وليساندرا وكل الشله عسولين اوي هاريتهم معاكسه


المهم يعنى كان يوم جميل جميل جميل


وانا اتبسط اوي بجد وحاسه ان الناس كانوا مبسوطين برضه


واتمنى نكرر الموضوع ده ان شاء الله


وبس كفاااااايه بقى كده رغي والى يفتكر حاجه يقول يا رجاله


والبت شيما اتكلمت هنا عن اللقاء


مش عارفه مين تاني كتب لسه



اقولكم شكرااااااااااااا لكل الى جه


وشكرا لكم جميع يا اصدقائي انكم موجودين فى حياتي فعلا


انا باحبكم اوي بجد


وعقبال كل مره متجمعين على خير ان شاء الله


هناك 100 من التعليقات:

مسدس صغير يقول...

وكمان اول تعليق؟؟؟؟؟؟؟
شفتى بقى خيرى على المدونين ازاى؟؟
ههههههه

مسدس صغير يقول...

كان يوم جميييييييييييييييييييل
بجد ياريت يتكرر
بس متكونيش انتى اللى منظماه
ههههههههههههه
وانا بردة
بس انا زعلان
عشان انا اتبرع وانتى متتبرعيش؟؟؟؟؟؟؟
وتقولى انك اتبرعتى؟؟؟؟
يااااااااه
مش مصدق نفسويتى
هههههههه
وفين الكيك اللى انا قايلك عليه؟؟
وفين........... اللى انا قايلك عليها؟؟
ههههههههه
يلا بقى
بجد انا سعيد جدا انى اتبرعت وانتى لأ
وسعيد انى شفتكو كلكو النهاردة
وبقول لبتوع القاهرة نورتونا ونورتو المنصورة

مجرد حلم صغنتوت يقول...

:)
مبسوطة اوي اني قابلتكم كلكم النهاردة
ومبسوطة اكتر انك افتكرتيني :$

شكراً على اليوم الجامد ده ويا رب دايماً نتقابل على خير كده

عاشقه وغلبانه يقول...

كل اللي اقدر اقوله من موقعي هذا اني زعلانه جدا اني مركبتش المركب معاكوا ويخربيته الشغل واللي عايزين يشتغلوه .... واني رجعت البيت بعد يومين شحططه بره حرارتي مرتفعه وعندي التهاب في زوري وحتي مش قادره اكتب بوست عندي بس هاحاول
اليوم كان جميل اوي وانا كنت مبسوطه جدا
وانا طالعه في الصوره هيييييييييييه بس مش باين وشي الحمد لله

صبرني يارب يقول...

عاشقه وغلبانه

ليه يا جمييييييييل مالك
الف سلامه عليكى ربنا يشفيكى يارب

صبرني يارب يقول...

مجرد حلم

عيب عليكى يا فندم مش هانفتكر برضه

نورتي يا جميل

صبرني يارب يقول...

مسدس صغير

ال ...... الى قلتلى عليها ما انت مش راضي ياعم

وبعدين انا ما اتبرعتش ماشي ماشي

ده انا لسه مهبطه

والكيك وانا مالي ياعم البت خيخه استولت عليه

أميرة علي كوكب مهجور يقول...

بجد كان يوم تحفه وانتم ناس بجد روعة
الشوكلت كيك كانت حلوة موت ضربتها انا وخيخه بجد تسلم ايديكي

ويارب اشوفكم تاني ع خير

حلم بيعافر يقول...

يابختكووووووووووا

بدراوى يقول...

ازى حضرتك انا بدراوى
:-)
ازيكم منورين بجد
ديه قبيلة بقى اللى حضرت مش
يارب دايماً متجمعين فى الخير

قوس قزح يقول...

كان يوم راااائع
اينعم مفيش وز و بط و فطير و حركات بس كان فيه ناس جميلة اوى و اولهم انتى يا صبرنى يارب عليكى :))
انت حتة سكرة و لازم تفكرى تغيير الجنسية و تبقى قاهرية علشان نتقابل دايما
و الكيك كان تحفة تحفة تحفة
و نسيتى تقولى عن الاتوجرفات اللى كانت عمالة تتحدف عليا و لا نجوم السينما ههههههههههههه
انا سعيدة انى كنت معاكم النهارده اوى
و ان شاء الله تتكرر تانى

بدراوى يقول...

*قصدى مش عدد قليل

الشعب لابد له من حكومه تشكمه يقول...

انا جيييييييييييييييييت...
كان يوم جلو فعلا واللى محليه الناس اللى فيه:)
انا مكتبتش فى الكشكول ههههههههههههه..
بس سؤال هى الصوره الاولانيه بتعبر عن اييييييييييه:) لا بجد برافو ليكى مستقبل فى التصوير:) فعدت ادور على نفسى ملقتهاش هو انا كنت فين:)

يارب تتكرر تانى ونتقابل على خير يارب:)

سومه...مجنونه فى بلد عاقل يقول...

كان نفسى اكون معاكم ياله نصيب بقى
جزاكم الله كل خير يا شباب

صبرني يارب يقول...

حلم بيعافر

خلاص يا امي بلاش حقد بقى
هههههههههههه

صبرني يارب يقول...

اميره

تسلمى يا جميل و الف هنا يارب

صبرني يارب يقول...

بدراوي

ايوووووه بالغيظه فيك يا باشا

هههههههههههههههه

صبرني يارب يقول...

قوس قزح

يا جميل انتى الى كنتى منورانا

ان شاء الله المره الجايه نامن لكم موضوع الفطير ده ربنا يسهل

صبرني يارب يقول...

سومه

المره الجايه يا جميل ان شاء الله

وتجيبى معاكي استاذ فشكووووول الى عشمنا وما جاش

صبرني يارب يقول...

شيماء

انتى اسمك مش مكتوب يا بت
ههههههههههههههههههه

يلا بس حسك معانا


وبعدين ماله التصوير ياا ختي
حد شاف منكم انتم صور
وروني الشطاره كده

انا الكاميرا عندي بايظه اصلا

وبعدين وانا باصور كل شويه حد يتصل على الموبايل جننتوووووووني

مصري جدا يقول...

اية الصور المهولة دي؟

انتي زي عبسلام النابلسي

صورتيها
وانتي منبطحة وداستك الاقدام

ولا توتالة

وكمان صليتي في كوك دور؟

فعلا

صاصا دي مبتكرة جدا


المرة الجاية

على قلبك
بس فطير والذي منة

اتفرج بس اصلي ممنوع منة

فكرة من الزمن ده يقول...

كل تجمع وانتم بخير يارب
واتمنى ربنا يسهل لي ظروفي واكون بينكم في يوم من الايام
تحياتي ياجميلة اوي حبيتك من كلامهم

------ يقول...

بصى بقى

انا هموت من الزعل والله

نفسى تعملوا لقاء فى الشرقية
بجد يعنى ساعتها مش عارفة هقولك ايه

والحمد لله انكم رجعتوا مبسوطين

فشكووول يقول...

انا زعلان والله يا صبرنى وكان نفسى احضر .. بس اقول لك

من شبين الكوم للمنصوره لازم الواحد ياخد مواصله لحد طنطا .. وبعدين يركب مواصله من الموقف لحد المحطه وبعدين مواصله تانى من المحطه للمرشحه وبعدين البيجو لحد المنصوره .. بيبقى مشوار هنا ربنا ما يوريه لك ..

بعدين قلت بقى ما بداهاش اروح بالعربيه وبعدين كنت باعمل يوم الخميس مرش دى زنقت فى عربيه تانيه والمرايه اليمين اتكسرت .. رحت اشترى مرايه قال بـ 250 .. قلت والله ما انا شاريها خلى العربيه من غير مرايه وقعدت زعلان يوم الخميس واتقفلت قدامى لا أنا قادر على المواصلات ولا عارف اخد العربيه عشان المرور ما يقفشهاش .. خصوصا وان انا حاروح المنصورله خصب عنى يوم الاثنين الجاى فى شغل والشغل يحكم بقى ..

تمنيا تى لكل اللى حضروا وان شاء الله فى مره قادمه ..

تحياتى

بنت قلبى يقول...

اه يا عم على اليوم الا مفروسه ومتغاظه وانا بقرا كل كلمه فيييييييييييه
الحمد لله يارب
وخير بقا
وانتى عارفه الاستاذ حمدى قال ايه رايك يا انجى بدال امال مصممه نفسح البنات وبالمره نودى امال
راحت قلتله ماشى ونسيت ونامت
انا اول ما عرفت كده من البنات ومنها تنحت وكنت هعيط والله العظيم
بس برضو خير يمكن لو كنت جيت كانت حاجه حصلتلى بس خير بقا
وكده كده انا وابله انجى هنجيلك مخصوص يا ستى خلاص
دا مش استاذن دى عافيييييييييه

bobo يقول...

وبعدين في التسييح دا ع الصبح؟ لازم يعني كل الدنيا تعرف اني جربت المسقعة اللي نزلتيها على طابخين ايه النهاردة؟ ماشي.. انا من موقعي هذا اعلن ان المسقعة كانت تحفة بصراحة والمنصورة حلوة بناسها والله .. كان لقاء حلو اوي ربنا يكرمك ويكرم كل اللي ساهم فيه يا رب ، ودايما كدة متجمعين على الخير

!!! عارفة ... مش عارف ليه يقول...

الحمد لله إن اليوم كان جميل

وده واضح أووي من إحساسك

وأنت بتكتبي البوست

والناس فعلا كلها جميلة وربنا يبارك لهم

وكان نفسي فعلا أكون موجود معاكم

لأني كنت حضرت تجمعين قبل كده في القاهرة

والناس بصراحه أكتر من رااائعين

علشان كده كان نفسي اقابلهم في المنصورة

والحمد لله إن ربنا خيب ظن قوس قزح


وجزاكي الله خير عن كل مدونين المنصورة

وإن شاء الله الظروف تسمح بلقاءات تانية

ويكون لي شرف المشاركة معاكم

وليد

رحــــيـل يقول...

انا كنت سعيده جدا انى قابلت كل الناس الحلوة دى بجد ربنا يجمعنا دايما على خير
تشكرى كتير جدا على مجهودك وتعبك

هو فى حاجه بس انا اسمى مكتوب مرتين هههههه
انا رحيل وانا برضه ساره طوبار مدونه محاولات للبحث عنى
الاتنين واحد يا افندم بس عادى لوا يهمك تاكيد حضور
:))

كاتب مصري يقول...

تمام تمام الحمد لله انه كان يوم جميل ورائع والكل كان مبسوط

أنا كمان اتبهدلت مش روحت جبت المركب مع صلاح وقعدت أتكلم مع الناس يعني بردو اتبهدلت ههههههههههههههههههههههههههههههههههههههههههههههههههههههههههههههههه
شكرا ع التصييح ع الملأ ده انا كنت محتاج كيسين دم عاوزاني أعمل تست وأخسر قطرة دم أنا أولى بيها ههههههههههههههههههههههههههههههههه

قلتلك مسجد السلاب بيطول جدا انت روحتي كوك دور علطول أحنا باه الي صلينا في السلاب مع الناس وخلصنا واحدة والجمعة مأدنه 11 و 35 تقريبا الشيخ محمد حسان بعت خليفته هناك ولا ايه

يلا خير

انا سعيد جداااااااااااا

سلام

مواطن شووجااع يقول...

متجمعين دوماً علي الخير

احساس طفلة محبة للرومانسية بس واقعية يقول...

يعنى كان يوم جميل
يا بختكم يابختكم يا بختكــــــــــــم
انا عايزة من الكيك اللى كان مع خيخة دا
وعايزة اركب مركب فى النيل برضو مليش دعوة
رتبوا لقاء بقى من هنا على ماجى الصيف اللى جى كدا هانت اهو :)

دمتى بكل خير يا قمر
سعيدة جدا انى كلمتك
وعقبال ما نتقابل ان شاء الله
تقبلى مرورى

Cute Kitty **sookra يقول...

كدا كدا
انا اتنسيت
دا انا اول واحده قصت شريط التبرع بالدم
ماشى ماشى
زعلانه وكمان موش هااكل الكيك اللى هتعمليها المره الجايه
ها يلا بقى

همس الاحباب يقول...

امممممممم
ليه كده ياصبرنى الفضايح دى ومال لو ما كناش ولاد الرايق وفرنسا كنتى عملتى فيه ايه
وبعدين ايه الصورالرائعةدى اعتقد انك حطيتى النيجاتيف ونسيتى الصور ههههههه
بس بجد اليوم كان رائع جدا والصحبة رائعة جدا
ربنا يجازيكم خيرا
ومتجمعين دائما فى الخير
على فكرة انتى نسيتى نصف الحضور العدد كان بسم الله ماشاء الله فوق الاربعين
عامة كتر خيرك انك افتكرتى تكتبى البوست اساسا
مش كفاية انك اتبرعتى بالدم بعد رحلة عذاب
تحياتى للجميع

أحــوال الهـوي يقول...

اجمل حاجه في اللقاءات دي انك بتشوفي ناس بتحبيهم من كتاباتهم و افكرهم يعني سطور و حروف و بعدين تشوفيهم لحم و دم
صحيح انتوا اتبرعتوا بالدم

ربنا يجمعنا جميعا علي خير و يجعل خطاكم الي البر و التقوي

تحياتي

فاتيما يقول...

إيه يا صبصوتى دا
بقى امبارح اكتب البوست بتاعى
و احط لينك بوستك
و اقول هنام شوية بس و اصحى اعلق عند كل الحيايب الاقى خمسة و تلاتيييين تعليق ؟!!
ماشى ماشى
المرة الجاية هعلق قبل
ما تكتبى البوست أشاسا على رأى عادولة ابنى ....
اليوم كان جميل قوى بيكم
و بسببكم يا صبصب
و المنصورة روعة
و سابت عندى أثر خيالى
حتى اسألى البنات القمرات
انا قولتلهم فيه فنادق مناسبة و كويسة عشان لما يسوفة يرجع هاجيبه
و آجى أقعد ييجى اربع خمس تيام عندكو افسحه و افرجه البلد الجميلة دى و يتعرف عليكو
و يشوفكم بقلبه زى ما شفتكم
انتم بجد ناس طيبيبن قوى
قوى
قوى
و ربنا يجمعنا تانى على خير و فرح
خالص حبى يا صبصبوتى

صبرني يارب يقول...

مصري جدا

الله بقى مش تحمودوا ربنا انى عرفت اصور فى المولد ده

وبعدين ممنوع من الفطير ليه يا اخويا هاتاكل يعنى هتاكل
ومش هانسااااااالك انك ما جيتش المره دي

صبرني يارب يقول...

همسات

اتفقى مع بتوع الشرقيه واعملي لقاء واعزمي الناس وهما يجولك ان شاء الله
ربنا يسهل

نورتي يا جميل

صبرني يارب يقول...

فكره من الزمن ده

متشكره اوي يا جميل ربنا يكرمك

يحبك ربنا يارب

وان شاء الله نتقابل فى التجمع الجاي

صبرني يارب يقول...

استاذ فشكوووووول


معقوله كده كل ده عشان المرايه ولا تعكر مزاجك يا فندم فدان مرايات نجبهولك

بس والله كان نفسي تكون معانا بجد وقعدت اقول لرضا عمو فشكوووول جاي وبعدين سألنى عليك قلتله لا ادانا بمبه ههههههههههههههههههههههه

صبرني يارب يقول...

بنت قلبي

البت دي بتحقد بسواد العوامله عارفاهاااااااااا

وفى حد يعتمد على انجي
ما لازم تنام وتنسى فعلا
هههههههههههههه

ان شاء الله تشرفوني يا جميل

صبرني يارب يقول...

رحيل

معلش يا جميل اصل انا ماكنتش اتشرفت بيكى على البلوج ومش عارفه اسم مدونتك

سوري يا قمر هاصلحها

صبرني يارب يقول...

بوبو

طبعا لازم ايه ده مش الواحد يبنى مجده المطبخي
ههههههههههههههه

امبارح ياما قلت لجوزك يخووونك المسقعه

ربنا يكرمك يا جميل انتى نورتي

صبرني يارب يقول...

عارفه مش عارف ليه

استاذ وليد حضرتك الى احرجتنا بذوقك وكفايه اهتمامك والله

وان شاء الله التجمع الجاي نظبط معاك وتكون هنا ونشوفك على خير

متشكره لحضرتك اوي

MaNoO يقول...

فى بلدنا ومقدرتش اجى شكل اليوم كان حلو جدا والحمد لله ان الكل انبسط انا عرفت عن اللقاء متاخر واهلا بكل الناس اللى جت المنصورة وان شاء الله تتعوض ودايما متجمعين على الخير يارب دايما

تقبلى تعليقى واحترامى

صبرني يارب يقول...

مواطن شوجاع

متشكرين يا فندم يا مصيتنا على الفيس تؤ

شكرا يا باشا

صبرني يارب يقول...

كاتب مصري

انت تسكت خاااااااالص

قطع نفسه راح جاب المركب مع صلاح

ده انا كل ما اقوله على حاجه يقولي لا ما اعرفش انا
هاروح لوحدي

هاتبرع ده مافيش فيا

حتى ما رضيش يحلل

انا هاورييييييييك المره الجايه هانكتفوك على الكرسي تتبرع

صبرني يارب يقول...

ساسو

اتنسيتى

ده هاقطعععععععععك عشان ما كتبتيش اسمك يا هااااااانم

ههههههههههههه

صبرني يارب يقول...

احساس طفله

ايوووووووه هانستناكي طبعا نعملك تجمع مخصوص

وانا قعدت اقولهم احساس طفله كلمتنى من اليبااااان يا جدعان اول مره تليفوني يكلم حد فى اليابان هههههههههههههههههه

كده يعنى

صبرني يارب يقول...

خالد همس الاحباب

بجد كان فوق الاربعين ؟

طب ماتلحقوني يا جماعه كده قلولي الاسامي اعمل ايه ريقى نشف اقول كل واحد يكتب اسمه عذبتوني يا بشر

عموما انا متشكره اوي من غيرك وداليا ما ننفعش فى اي تجمعات يا باشا

صبرني يارب يقول...

احوال الهوى

ان شاء الله نشوف حضرتك على خير لما تكون هنا

وداليا قوس قزح شوقتنى اكتر اتعرف على حضرتك بجد وقالتلى ان حضرتك انسان محترم وذوق
ربنا يكرمك

صبرني يارب يقول...

فاتيما

فندق ايه يا باشا تعالى عندي انا عندي فول اوبشن بس انت ترضىىىىىى

انا عونيه ليوسف

تعالوا انتم بس

ان شاء الله انا خلاص نويت اشحططكم كده كل سنه مره على الاقل واشوفكم هنا حدانا

صبرني يارب يقول...

مانو

ليه ما جيتش ليه بقىىىىىىىى
المره الجايه هاخليك تيجى واعذبك زي ما عذبت صلاح كده
ههههههههههههه

ان شاء الله

اهلا بك

Lady E يقول...

صبصب حبيبتي سعيدة اني اتعرفت عليكي يا قمر وبعدين كان في كيك وانا مشوفتوش خالص عااااااا المرة الجاية ليا كيكة لوحدي

وبعدين احنا فين من صور؟ مش قولتي الصور دي ليكي بس :(

سومه...مجنونه فى بلد عاقل يقول...

معلشى انا عارفه ان الاعلانات غتته وانا نفسى مبحبهاش
لكن مدام بنعمل الحمد لله خير عاوزين نتوجه وندعمه فى جهات كتير حاولى تنضمى معنا فى حمله سفينه نوح للاعمال التطوعيه الفرديه
التفاصيل عندى فى المدونه
وبعتذر تانى ع الازعاج

فتاه من الصعيد يقول...

كل تجمع وانتم بخير

تحياتي

صبرني يارب يقول...

ليدى

هى فين الصور يا بنتى

هى صوره جماعيه من بعيييييييد خالص ايه ده هو في حد ظاهر فيها اصلا

انا كمان اتشرفت بيكى يا جميل

Tamer Nabil يقول...

بجد حاجة جميلة

تسلموا عليها


مع خالص تحياتى

محمد عبدالرحمن شحاته يقول...

انا بجد سعيد باليوم ده وبكل المدونين اللي نورونا
بصراحه كانت المنصوره كلها نور بيكوا
وياريت اليوم ده يتكرر باستمرار
بس انا بعترض على حاجه لو سمحتوا
انا بعترض ... انا ماظهرتش في الصوره
ان شاء الله المره الجايه اللي بيصور يصورني اول واحد
وانا سعيد جدا بجد وكان يوم لا يعوض
تقبلوا مروري

ريتاج يقول...

مساء الخير

متجمعين دايمآ فى الخير

تحياتى ليكم كلكم
ادعوكى لزيارة مدونتى

انا جديدة فى عالم التدوين
ريتاج

Anonymous يقول...

سعيد جدا ان اري هذا التجمع في مدينة المنصورة وكانت سعادتي اشد ان اعرف ان هناك مدونين نشطاء من المنصورة

عبد الجليل

صبرني يارب يقول...

سومه

عونيه يا جميل اشوف موضوع سفينة نوح ده حاضر

صبرني يارب يقول...

تامر نبيل

شكرا لك الله يكرمك

وان شاء الله تبقى معانا

صبرني يارب يقول...

فتاه من الصعيد

متشكره يا جميل

صبرني يارب يقول...

محمد عبد الرحمن

واحنا والله كنا سعداء بك

يا باشا انت هانصورك لوحدك البوم ولا يهمك
بس مش بالموبايل بتاعي ده عشان صوره زي ما انت شايف

صبرني يارب يقول...

ريتاج

اوك يا جميل ان شاء الله تعالى نزورك

نورتينا

صبرني يارب يقول...

استاذ عبد الجليل

حضرتك نورتنا

وربنا يكرمك

حنين القلب يقول...

اتبرعتى يا صبرنى
لولولىىىىىىىىىىىىىىىىى

طبعا يا بنتى لازم روحك تروح وتدوخى علشان هما مش اخدوا منك دم ده عسل يا حبيبتى

ربنا يتقبل منا ويجعل اليوم ده فى ميزان حسناتك

كان نفسى فى حته من الكيكه دى
وعينى فيها
بس بقى يلا
الف هنا عليكم كلكم
صبرنى
انا ليه واحده لوحدى لما اجى ازورك
ماااااااااااااشى

م/ الحسيني لزومي يقول...

انا اغبطكم علي هذه الروح الجميله وانا بحاول اجمع مدوني اسيوط من سنه مش قادر
ربنا يجمعكم دائما في الخير
----------

من اجل
وطن آمن مستقر...حياة افضل.
من اجل
محاربة الفساد....مقاومة التزوير
من اجل
ان تكون مقدرات هذا الوطن بأيدينا
شارك في الحملة الشعبيه للقيد بالجداول الانتخابية
ضع شعار الحملة علي مدونتك

ستيته حسب الله الحمش يقول...

متغاظة
مفروسة
محبطة
مش معلقة
ربنا يهني كل اللي حضر ويصبر امثالي
عقبال ثانويتك العامة
اشوف فيكي وصول مريم للثانوية واكون حية ألدغ وألاقيقي انت و كل اللي عندهم عيال صغيرة ومطلعين لنا لسانهم مكاني يااااااااااااااااارب
خد من قلبي وصر

حـــلـــم كــــان يقول...

بجد اليوم كان تمام

وده طبعآ بسببك انتى

بجد انا عارفه اد ايه انتى تعبتى فى اليوم ده

وجتى فى الاخر وفصلتى شحن

بس بجد كان يوم تحفه

رحله البحث يقول...

صبرنى يا رب
اولا صبرنى يارب طلعت قاطعه على سكه المرواح من المنصوره وانا قلت لها انى ممكن اتخانق فى الحته دى براحتى واى حاجه تحصل هاطلع اجرى على باباها على طول
اولا شكر واجب لصبرنى يا رب اللى اول مره اتعرف عليها
فعلا شكرا لانك تعبتى جدا فى ترتيب اليوم خصوصا ان اكيد ده اخد منك وقت ومجهود وانتى برضه وراكى التزامات كتير
دينامو مدونى المنصوره ظريفه جدا وانا سعيد جدا بالتعرف عليها
بس موضوع التدبيس بتاع العروسه ده طلعيه من دماغك ههههههههههه
انا راجع الصحرا كمان 9 ايام وعاوز اقولك انى هادعيلك عشان اخيرا بعد سنين حضرت لقاء مدونين
ومش اى مدونين احلى واظرف مدونيين
بجد ربنا يبارك لك اللقاء كان جميل والناس كلها كانت جميله جدا
هوا انتى كنتى منقياهم ولا ايه؟ ههههه
يارب دايما متجمعيين على الخير واشوفكم تانى على خير ان شاء الله

Lyssandra يقول...

فعلاً كان يوم جميل أوي :)

وسعدت بمعرفتك ومشاركتك بعض الوقت
لذيذة انتي يا صبّر :)
أول مرة .. وان شاء الله مش تكون الأخيرة

دمتِ بكل خير :)

Lyssa

بسنت صلاح الدين يقول...

كده بتغيظونى ،،، كل ماروح مدونه الاقيها بتحكى على اليوم الرائع و الكريم ده ،،، يارب دايما تتجمعوا فى الخير و اعرف انضم ليكم فى يوم من الايام الحلوه دى

صبرني يارب يقول...

حنين

شادر كيك بحاله لعيونك يا قمر

والله يا بت تصوري الواحد لما بيكون بيعمل حاجه لناس بجد بيحبهم بتطلع تحفه

حقيقى دي يمكن من احسن الكيكات الى عملتها

يا كوتي انتى هاتلنا حنونه الصغيره بس ومالكش دعوه

صبرني يارب يقول...

م حسين لزومي

عونينا ليك تحب اجي انا اجمعهم
انا خبره دلوقتي فى التجمعات

نورت يا فندم

صبرني يارب يقول...

حلم كان

اه يا اختي انتى عارفه حكم السن بقى وكده
لازم تقدروا برضه العضمه الكبيره
ههههههههههههههههههه

نورتينى يا جميل انتى عسوله

صبرني يارب يقول...

ستيتتتتتتتتتتتته

والله والله والله كانت ناقصاكي

بجد كنت معشمه نفسى اوي بيكى وباستاذ عمرو واستاذ فشكول وشمووووووسه واحمد سكر الى يا عينى عمل حادثه

بجد بجد كان نفسي اشوفكم

عموما مش هاسيبكم برضه هاجيلكم مخصوص

صبرني يارب يقول...

رحله بحث

محمد الغرباوي المتغرب الهااااااارب من العروسه الموعوده
ههههههههههههههههههه

بعينك مش هاصرف نظر هاتتجوز يعنى هاتتجوز

شوف يا ابنى خدها مني نصيحه وانا زي والدتك برضه
حاول تلطش فى العشرينات وانت متجوز يعنى انشاله تتشعلق في ديلها كده يعنى
ههههههههههههههههه

مش عارفه ليه بس جوزي بيقول كده

انا بجد سعدت جدا جدا بمعرفتك انت من الناس الى ارتاحتلهم جدا نفسيا فى اللقاء

وربنا يكرمك ويوفقك يارب

وخلى بالك بقى انا ساعات باحدف حاجات من البلكونه
ههههههههههههههههه

صبرني يارب يقول...

بسنت صلاح

احنا ما لناش بركه الا انتى نغيظك كلنا
ههههههههههههه

ان شاء الله يا جميل نشوفك قريب

صبرني يارب يقول...

ليسندرا

انتى عسوله بجد وانا حبيتك

بصرف النظر عن المسلسلات المكسيكى
ههههههههههههههه

بس انتى عسوله بجد وان شاء الله كله من ده كل شويه هاجمعكم

Lady E يقول...

هبقى اقولك بيني وبينك موضوع الصور ده ضايقني ليه

وبعدين برضه مقولتيليش المرة الجاية ليا كيكة لوحدي ماشي :) ايوة مليش دعوة كيكة وبالشوكولاته وانتي اللي عملاها ومعرفش انها كانت موجودة كمان لااا لازمن ولابندق يبقى لي كيكة من صنع ايديكي المرة الجاية وناكلها سوى ماشي ؟ :)

mayada يقول...

مرسي علي اليوم الجميل ياامي
اها كان عيني في البيتزا ههههههههههه
بقي اكلمك وانت ولا بصالي حتي ومركزه قمت قلت لما ابص هي مركزه في ايه لقيتها بيتزا وفي كوك دور كمان يالهوتي اعضك يعني

بصي تيجي اعزمك علي بيتزا علي حق في في برج السوسن محل اسمه فطومه انا هناك كل يوم خميس انا واصحابي من 2 تعالي وانا اوجب معاكي ايه رائيك؟!!!!!!

مرسي علي اليوم ياجمر

Darsh Basha يقول...

كان يوم رائع بوجدكم
وانا كنت مبسوط جدا معاكوا
وشكرا ليكى يا صبرنى على الاجتماع الجميل دة .
وانا اتشرفت بمعرفتك .
وتسلمينا على الكيك الحو اوى دة

عاشقه الرومانسيه يقول...

انا عايزه كيكه بالشيكولاته
عااااااااااااااااااااا
انا عايزه اشوف صبرنى وخيخه وداليا
عاااااااااااااااا
انا عايزه اروح المنصوره
عاااااااااااااا
انا عايزه اعضك ياست انتى جايه تغيظينى
عاااااااا
سيبونى عليها
هاتى دراااعك

صبرني يارب يقول...

ليدى

طيب ماشي ولا يهمك ياجميل

نسمع ايه ضايقك لو تحبي اشيل الصوره اليتيمه الغلبانه الى مش واضحه دي قولي

والكيكه عنيه والله حدد المكان والزمان وانا جبلك لحد عندك

انا وزعت على كل الى كانوا موجودين فى بنك الدم
بس البت خيخه فى الاخر استولت على العلبه وقالت انا بس
هههههههههههههههههه

ঔღঔ نـــوارة ঔღঔ يقول...

ياااه يابختكم بجد يوم هايل

ربنا يوعدني واكون معكم يوما ما :(

وحشتني ياحبيبتي بقالي فترة مقصرة معك ياريت متكنيش زعلانة مني

ربنا يجمعكم على فعل الخير دايما يارب

صبرني يارب يقول...

مياده

يا جميل والله انتى مش عارفه انا كنت تعبانه ازاي ساعتها

كنت تعبانه اوي والله انتى مش متخيله اصل انا كنت متبرعه بالدم وهبط شويه ودوخه وحاجات كده

وبالنسبه لفطومه البت اختي صايعة المطاعم قالتلى عليها برضه

بصي مافيش حل غير انك تيجى تاخدينى بالعافيه ساعتها ممكن ينفع
ههههههههههههههههههه
نورتي يا جميل

صبرني يارب يقول...

درش باشا

يا باشا انت الى كنت منور والف هنا الكيك

اي خدمه
هههههههههههههه

صبرني يارب يقول...

نواره

لا حبيبتى مش زعلانه ابدا والله انا كمان بقالي فتره مش بازور حد تقريبا

متشكره ليكى اوي وربنا عالم ان شاء الله نتجمع يوما

صبرني يارب يقول...

عاشقه الرومانسيه

بصي بصي بصي عض لا انا عارفاكي بت مفتريه

وبعدين ما انتم غظتوني يوم التجمع بتاعكم يا اختي
هههههههههههههههههههههه

امشي يا عضاضه

بنت قلبى يقول...

صبرنى
انا اخذت رقم تيلفونك من ابله انجى
وما تقلقيش والله ما هتصل قولى لييييييه
قلتى ليه طاى
اولا بتكسف جدا رغم انى عشريه اووووووى
وكمان انا خته علشان بعد شهر كده ابقا اتكلم اسئل اذا كان فى لقاء ولا لاء
لان انا يوم 16\10
معنتش هدخل النت ولا هعرف اتابعكم ابدااااااااا
فا هعف منين بقا وابله انجى بتنسا يعنى لو قولتيلها هتنسا تعرفنى
بالله عليكى نفسى اشوفكم تانى انا بقلك ايهون
ماتنسيش

كلمة صدق يقول...

السلام عليكم انا قرأت عن الرحلة دى كثير اليوم وياريت ياجماعة تعتبرون اخ ليكم وتدعونى وخصوصا اننا بلديات واتمنلكم التوفيق والسعادة وابقو زورونا وشكرن

صبرني يارب يقول...

بنت قلبي

لا تجمعات فى المنصوره بقى ما اعتقدش هايكون فى حاجه قريب

التجمع الجاي ان شاء الله فى القاهره بؤجةالخير

وربنا يسهلها ان شاء الله ونعرف احنا نروح

ويا ستى اتصلي امري لله هههههههههههههههههههههه

صبرني يارب يقول...

كلمة صدق

لا بقى ده انا كان فاضل انشرها في الجرايد
ده احنا بقالنا اسبوعين بنتكلم فى الموضوع ده يعنى الحكايه طولت خالص

ان شاء المره الجايه بس ابقى تابعنا انت

وباذن الله نزورك يا فندم

Soul.o0o.Whisper يقول...

صبرنىىىىىىىىىىى

صباح الخير عليكى يا جميل

أنا قلت اصبح ، و اقولك فعلا اليوم كان رائع جداااااااا
و ربنا يجعله فى ميزان حسناتك عشان تعبتى فيه معانا اوى

كفاية عليكى التليفونات هههههههه


يارب نتجمع على خير دايما
و مستنية نمرة شمس
ماتنسيش

صبرني يارب يقول...

سول

حاضر يا جميل عنيه والله

على فكره هى شمس خدت الرقم بتاعك اصلا بس هابعتلك حاضر رقمها فى رساله

قلب ارهقته الاحلام يقول...

انا زعلاااانه ياصبصب :((


بجد كان نفسي اشوفكم اوي ومن كتر ال سمعته عليكي كان نفسي اشوفك


يلا مش لييه دعوة المرة ال جاية اعملي حسابك

عشان هتاخديني معاكي وانتي رايحه بؤجة الخير :)

ةاعملي حسابي ف حتة كيك شكولا

عشان انا اتغاظت ع الاخر خلااااص

اشوفكم ع خير ان شاء الله

نهر الحب يقول...

مبروك يا صبرنى
وعقبال المرات الجاية اللى ان شاء الله اقدر اشارك فيها
بس والله خدعونى فقالوا؟؟؟

ربنا يتقبل ودايما متجمعين على خير

صبرني يارب يقول...

نهر الحب

ايه خدعوكي فقالوا ايه

مش فاهمه يا جميل

وما جتيش ليه التجمع ؟؟

اعضك دلوقتي ولا ايه

وحشاني

صبرني يارب يقول...

قلب ارهقته الاحلام

طب بس انا اروح انا بؤجة الخير
ههههههههههههههه

ما تعرفيش انتى ماساتي

ههههههههههه

عونيه يا جميل الكيكه وصاحبة الكيكه