الأحد، 20 ديسمبر 2009

لقاء مدونين فى المنصوره(تحديث)


تحدييييييييييييييييييييييييييييييييييييث
يا جماعه عندي رساله لكم من رامز عباس يعنى هى متاخره شويه بس برضه هاعرضها
يتعلق بدعوتكم لحضور اليوم العالمى السنوى الرابع عشر لمتحدى الاعاقةبكلية الطب جامعة المنصورةاحتفال شامل المعارض والعروض الفنيةوورش العمل الخاصة ببحث واقع ذوى الإعاقةثم التكريم وإعطاء شهادات التقديريحضره فنانون ووسائل اعلامبناء علي دعوة المركز الفرنسى للثقافة والتعاونوالجمعية الفرنسية للتعاون بالمنصورةوجمعيه أنس الوجود التعليميةوعشرات المؤسسات والجمعياتوبصفتى من ذوى الإعاقة وأحد أصحاب القضيةومن منطلق نشاطى بدمج المجتمع وتعريفه بنا وهو نشاط خاص بى أدعوكم خاصه انكم قاطنى المنصورةواعتذر لتأخرى عن دعوة مبكرةالاحتفال غدامن التاسعة صباحا وحتى التاسعة مساء بإستطاعتكم القدوم وقتما يتاحفالمعارض والاحتفالات ستكون طوال الوقت والاحتفالات من المغرب حتى الانتهاءوهذا سبق تنفيذه العام الماضىوفقكم ووفقنا الله
***********************************************
السلام عليكم يا مدونينا الكرام


عندنا تجمع فى المنصوره يا قوم
قولوا هيه بقى وزيطوا وكده


تعالوا الاول احكيلكم الحكايه

من يوم ما اتقابلنا كلنا فى المنصوره المره الى فاتت فى لقاء التبرع بالدم والبت شيما صاحبة مدونة الشعب لابد له من حكومه تشكمه


وكل ما تشوفني تقولي البنات بتوع المنصوره عايزينا نتقابل تاني كده فى الخباثه نتعرف على بعض اكتر اصل احنا ما لحقناش نشوف بعض

قلتهم يا مرحبا ياريت رتبي يوم ويكون جمعه كده وانا معاكم فى الحلاوه ان شاء الله


ومن يومها كل ما نظبط يوم يحود على اليوم الى بعده فطبعا انتم عارفين مافيش حاجه بتستخبى الكلام بقى راح شمال ويمين وقالك صبرني هاتعمل كيكه تاني وكلام ده (شكلي هافرقعكم )


فالمهم حريم الدهاشنه خدوا خبر فى المحافظات الاخرى يعنى وفى زمره من البنات قالوا جاااااااااين فيها لنخفيها (كل ده طمعا فى الكيك انا عارفه )


قوم برضه الشوباب بتوع المقاطعه هنا قالوا لا ممكن ابدا هانيجى يعنى هانيجى وفيها لاخفيها والناس الى ما حضروش المره الى فاتت بالذات


شيما قلقت بقى وقالت وبعديييييييين مش عازين حد من معسكر الاعداء احنا عايزين نقعد قاعده حريم كده مع بعضينا

ونرغي بقى وكده يعنى


وعليه بقى بعد ما عملنا لجنه عليا اخدنا القرار انه لقاء مفتوح الى عايز يجى يجى اهلا وسهلا ما نقدرش نقول لحد لا


واي عناصر طمعانه فى الكيك حسابهم معايا هناك بقى


واللقاء يا ساده يا كرام هايكون يوم الجمعه الجايه الموافق 25 ديسمبر


في تمام الساعه العاشره صباحا فى نادي الاطباء بالمنصوره


يعنى باقي تفاصيل اليوم بقى نبقى نتفق عليه لما نتقابل عشان مش عايزه رغي كتير بقى


وطبعا يوم اللقاء هايكون معايا التليفون بتاع اللقاءات الى هو ده


0126379796


وهافتحه يوم الخميس شويه كده اخر النهار عشان لو حد له استفسار عن الطريق او اي حاجه


وطبعا يوم التجمع هايبقى مفتوح من الصبح



وان شاء الله المنصوره هاتنور بضيوفها يا جماعه


ومتشكره اوي على لكم جميعا

عايزه بس اقولكم كلمتين يا جماعه
اولا اشكركم بجد اوي على كل الناس الى قلقوا عليا والله ما كان قصدي اقلقكم ولا اعمل فوازير ولا حاجه بس ما كانش عندي مزاج ولا وقت ارد على الناس فقفلت الردود


وعشان فى ناس كتير اوي سألوني فى ايه ومش فهموا الموضوع معلش هاقوله بسرعه


كل الحكايه انى من بعد ما واحد ابتز مشاعري لمده سنه ونص ومفهمنى انه عنده مرض عضال وقعدت اعيط عليه لما شبعت واتألم معاه لما شبعت برضه والاخر طلع بيلعب بينا جميعا وكذاب ومش عارفه حتى كذبه واصل لحد فين


المهم انا قررت انه كفايه كده وانى اه اعرف كل الناس من غير شروط لكن من حقي لما اعتبر شخص منهم صديق فعلا انه يعلن عن شخصيته ويقولي هو مين وبيشتغل ايه وفين وده اقل واجب


وعليه (مش ده بس لا شوية حاجات فوق بعض) قررت ان كل من يرجو صداقتي واخوه صادقه فى الله يجيب بطاقته فى ايده وهو جاي غير كده يقدر يكون برضه موجود بس مش صديق بالمعنى المعروف للصداقه


صدمت شويه ان اثنين هما اعز اصدقائي (الى مش من عالم التدوين ريحوا نفسكم )رفضوا وقرروا يخسروني عن انهم يعلنوا عن شخصيتهم وده ضايقنى لكن مافيش مشكله هاتعدي
انا حاليا عندي شوية ظروف مش فاضيه اساسا ازعل يمكن لما افضى ابقى اكمل زعل

طبعا لهم مطلق الحريه وليا انا كمان مطلق الحريه

بس خلاص

فهمتواااااااا ؟؟ مش عايزه دوشه وكلام فى الموضوع ده تااااااااااني


اه معلش يا جماعه لو اتاخرت عليكم فى الردود والزيارات لمدوناتكم عندي ضيوف الاسبوع ده وظروف كده فمش هابقى فاضيه خالص

هناك 41 تعليقًا:

طهر فؤادك يقول...

السلام عليكم ورحمة الله وبركاتة

حمد الله علىسلامتك يااختنا الكريمة صبرنى وكل سنة وانتى طيبة بمناسبة العام الهجرى الجديد وان شاء الله عام سعيد علينا كلنا باذن الله والمسلمين اجمعين اللهم امين

وتانى حاجة دعوة مفتوحة الله يكرمكوا شاركونى فيها ... وياريت تطرحوها فى اللقاء بتعكوا بأذن الله وهى .. وياريت تتابعوا التفاصيل على المدونة بأذن الله ...

شاركونى ياأحبائى فى حملة " اكفلة وهيدخلك الجنة " ,,,

صبرني يارب يقول...

طهر فؤادك

متشكره اوي

وعلى عينى حاضر اول ما افضى هاروح عندك اشوف ايه الموضوع

شاب فقرى يقول...

بقالى كتير مجيتش المدونة هنا

فمش عارف المشاكل اللى كنتى بتمرى بيها او اخر حاجة اتكتبت ايه

بس اللى متاكد منه


ان اى حد يكدب المفروض ميبقاش ليه مكان فى حياة أى حد

لان الكدب بيدل على قلة الإحترام والضعف والخبث
وكمان النبى عليه الصلاة والسلام قال ان المؤمن ليس بكاذب

بالنسبة للقاء بقى

فانا احد احلامى انى ازور المنصورة يوم

وان شاء الله يتحقق

ربنا يوفقكم فى هذا اللقاء وتحياتى للجميع

شاب فقرى :)

قلم رصاص يقول...


ان شاء الله يكون لقاء ناجح وتطلعوا منه بحاجة مفيدة

سواء كان حوائي او هيحضره آوادم(جمع آدم طبعا)

ووجهة نظرك وصلت بوضوح

نفسي احضر بأمانة بس مش عارف هقدر المرة دي ولا لأ ^_^

بالتوفيق ان شاء الله للجميع

أسماء أحمد فى حفلة تنكرية يقول...

حمدالله على سلامتك ياقمر
انا اسماء احمد من المنصورة
عندى 13 سنه
بكتب شعر ع ادى
يعنى باعتبار انى عندى مدونة ممكن احضر معاكم اللقاء ده
والبلوج بتاعك تحفه ياقمرايا

الشعب لابد له من حكومه تشكمه يقول...

انا مأكلتش الكيكه المره اللى فاتت اعملى حسابى فى قطعه:))

اشوفك على خير ان شاء الله:)

moory-mero يقول...

السلام عليكم و رحمة الله و بركاته
كان نفسي اعلق على كلامك
بس انتي بتقولي موش حابة تتكلمي في الموضوع ده

بس هقولك نصيحة بتعامل بيها مع الناس
في حياتي بوجه عام وخاص
عاملي ربنا في الناس ولو موش عاملوكي زيك موش تتضايقي انتي كسبانه اكتر كسبتي نفسك ومبادئك
وهما خسرانين كتير

روقي ياقمر

وبجد كان نفسي اكون وياكم عمري ما حضرت لقاء مدونين خالص

بس الجو متقلب وانا عندي انفلونزا وخايفه تزيد او اتعب اكتر

ربنا يوفقك واكيدهتبقى مقابله لذيذه بيكي وبيهم

عجبتني روحك جدا كتير خفيفه وفكاهه طبيعية موش متكلفه

كل سنة وانتي طيبة يا كميلة

في رعاية الله

كاتب مصري يقول...

أنا جي بإذن الله
طالما مفيش حقن ولا دم أنا جي بقلب جامد ولو ان الواحد قلبه مكسور كسرة هباب بس يمكن أفك شوية لما أشوف الوشوش الحلوة والنفوس الطيبة دي

حنين الذكريات يقول...

وعليكم السلام
ياريت يكون فيه لقاء مدونين كل جمعه مش طمع فى الكيك قد ماهوا طمع فى رؤية ناس حلوين زيكوا
بس كان هيكون احسن لو لقاء حريم من غير عوازل
ربنا يوفقك وتفضى لمدوناتك

أحمد عاطف يقول...

ربنا يجمعكم على خير ويجعل لقائكم خير

وكنت اتمنى اكون معاكم بس الظروف

ربنا يعينكم

حـــلـــم كــــان يقول...

ازيك ياصبرنى

وحشانى كتير

ان شاء الله ربنا يسهل واقدر اجى

Mr.Hazem يقول...

يعطيكم العافية ونيالكم باجتماعاتكم
طبعا انا ححاول اشاركم بالطريقة يلي بلاقيها مناسبة , ويمكن هلأ عرفتي كيف مشاركتي حتكون , :$

فتاه من الصعيد يقول...

رلقاء موفق بعون الله

على فكره .... من حقك اصلا ده فرض ان اللي عايز يعرفك يوضح هو مين

تحياتي

رامز عباس يقول...

السلام عليكم ورحمة الله وبركاتة

أولاً: بالغ إعتذارى للمكالمة السريعة الغير مفهومة

ثانيا: لدى حماس شديد لمشاركتكم لقاء يوم الجمعة ولكن نظراً لندرة معلومات تتعلق بالجامعة ودراستى فسوف أذهب للجامعة يوم الجمعة لأنهم يمنعون الطلبة بالتعليم المفتوح من الدخول فى يوم غير الجمعة بعكس المنصورة



ثالثاوهو ما أردت أن أبلغك به وهو غرض مكالمتى

يتعلق بدعوتكم لحضور اليوم العالمى السنوى الرابع عشر لمتحدى الاعاقة
بكلية الطب جامعة المنصورة

احتفال شامل المعارض والعروض الفنية
وورش العمل الخاصة ببحث واقع ذوى الإعاقة

ثم التكريم وإعطاء شهادات التقدير
يحضره فنانون ووسائل اعلام
بناء علي دعوة المركز الفرنسى للثقافة والتعاون
والجمعية الفرنسية للتعاون بالمنصورة
وجمعيه أنس الوجود التعليمية

وعشرات المؤسسات والجمعيات

وبصفتى من ذوى الإعاقة وأحد أصحاب القضية

ومن منطلق نشاطى بدمج المجتمع وتعريفه بنا وهو نشاط خاص بى أدعوكم خاصه انكم قاطنى المنصورة

واعتذر لتأخرى عن دعوة مبكرة
الاحتفال غدامن التاسعة صباحا وحتى التاسعة مساء بإستطاعتكم القدوم وقتما يتاح


فالمعارض والاحتفالات ستكون طوال الوقت والاحتفالات من المغرب حتى الانتهاء
وهذا سبق تنفيذه العام الماضى


وفقكم ووفقنا الله

!!! عارفة ... مش عارف ليه يقول...

إن شاء الله يكون يوم موفق بإذن الله

وبعيداً عن اليوم والكيك واللذي منه

بي كووول

كلنا هذا الرجل

أزمة وتعدي إن شاء الله

وترجعي أقوى منها ميت مرة

أنا لسه جاي من عند كيارا

وعاملة مظاهررررة هناك علشانك وعلشان كل المدونين اللي زيك

!!! عارفة ... مش عارف ليه يقول...

اه صحيح نسيت اسأل ... الضيوف اللي عندك الاسبوع ده ومش هتيجي المدونة بسببهم

أنت عاملة لهم كيك :$ ؟

تامر علي يقول...

ياريتني كنت معاهم علشان آكل كيك :(((

عملوها الوحوش :)

أحمد شريف يقول...

أتمنى لكم التوفيق بصدق وأتمنى لو كانت لدي فرصة للمجيء سأحاول أن أقحم نفسي في لجاء أظنه سيكون خلاق إن شاء الله

بالنسبة لنهجك الجديد أحييك تماماً عليه
هذا شخصياً مبدأ لي .. لا أسماء مستعارة ، لا خفايا ، لا شخصيات خيالية

لأن الشفافية والصدق والصراحة التامة مفتاح الفلاح
أتمنى كل الشباب والشابات يكونوا شفافين في علاقاتهم لأنه لا يوجد ما يستحق أن نمارس دور التخفي والتواري لأجله

دمتِ بكل ود

sweet angel يقول...

فين نادي الاطباااااااااااء ده

انا اعرف الجامعه وكليتي بالعافيه

عاوزة ابص عليكم كده وانا ماشيه

صبرني يارب يقول...

شاب فقري

طيب ما تيجى المنصوره ياعم حد قالك لا

صبرني يارب يقول...

شيماء

انتى الى هاتمسكي مفتاح المخازن ياعم ولا يهمك

صبرني يارب يقول...

اسماء المتنكره

تشرفي يا جميل

صبرني يارب يقول...

قلم رصاص

كل مره تقول جاي وتطنش ولا ايه

مافيش اعذار يلا تعالى

صبرني يارب يقول...

ابراهيم

ياا بنى يا حبيبى قلتلك بطل سهوكه شويه تعبتنا ياعم

وعموما تعال بس وانا هاجيب معايا شكارة جبس ونقعد نجبس بعض كلنا

صبرني يارب يقول...

موري

خليها على الله وتعالى فى وسط النهار شويه قبل البرد

صبرني يارب يقول...

حنين الذكريات

معلش هانبقى نعمل قسم للنساء فقط فى التجمع

وشكرا ليكى يا حنين

صبرني يارب يقول...

حلم كان

ان شاء الله يا جميل هاتنوري

صبرني يارب يقول...

احمد عاطف

معلش المره الجايه نشوفك ان شاء الله

متشكره اوي لك

صبرني يارب يقول...

فتاه من الصعيد

شكرا يا جميل ونورتي

صبرني يارب يقول...

حازم

طب انا لسه ما عرفتش

عموما شكر لك

صبرني يارب يقول...

رامز

لا ده انا فرحت بتليفونك خالص والله وفهمت منه كل حاجه

بس كنت عايزه تفاصيل ومواعيد بقى

ومتشكره اوي لثقتك وياريت كنت اقدر اعمل حاجه اكتر من كده

ومتشكره لك اوي يا رامز

صبرني يارب يقول...

عارفه مش عارف ليه

ياريت يا فندم الضيوف الى عندي عاملين عمليه والله

متشكره اوي لحضرتك

صبرني يارب يقول...

تامر علي

الحكومة بتاعتك اخد الطريقه خلاص هتاكل يعنى هتاكل
ههههههههههه

صبرني يارب يقول...

احمد الشريف

شكرا لك

صبرني يارب يقول...

سويت انجل

نادي الاطباء فى طلخا تشرفي فى اي وقت

Abu ShoSho يقول...

الكريمة أم مريم ألهمك الله الصبر
بدي أجول كلمتين:

ما يهمكاشي من البدون بطاجة دولم طالما العداد بيعد

يارب يكون لجاكو يوم الجمعة على طاعة إن شاء الله و أمنك أمانة يا أم مريم أنكو تدعوا لشوشو

تحياتي
أبو شوشو

Anonymous يقول...

السلام عليكم ورحمة الله
مش عارف اذا كنتى هتفتكرينى ولا لا لكن أقول لكى هنا أنك يا بنتى لك على حق الاعتذار الفتره اللى فاتت كلها ظننت أن صاحب المرض العضال قريب لك .. ومش هتصدقى لو قلت لك انى اليوم قد دخلت هنا وبالصدفه يارب يكرمك يا ام خالد .
عمو مدحت أو راجل صعيدى .

مواطن شووجااع يقول...

أنا من المنوفية أجي إزاي من شبين الكوم

شفـقــة و إحســــان يقول...

ربنا يكرمكم يارب ويجعلوا فى ميزان حسناتكم

الازهرى يقول...

للأسف لسه راجع البيت من ساعات معدودة بعد رحلة طويلة جدا
وصعب اسافر بكره تان
لو عرفت بدرى كان ممكن تأجيل رجوعى يوم واكون معاكم
لكن قدر الله وما شاء فعل

باذن الله تتعوض


وبخصوص الكلام التانى ومن غير تكتير
ربنا يعينك لكن هى دى سنة الحياة اننا نقابل ناس ونخسر ناس
والله المستعان

Mr.Hazem يقول...

عرفتي هلأ كيف مشاركتي كانت :$:$