السبت، 15 مايو 2010

اضراب 17 مايو ... لا تفسد ابدأ بنفسك




السلام عليكم


السنه الى فاتت زي الايام دي يا جماعة الخير  الدكتور اسلام  ايوب  مدونة حانعيش يعنى حانعيش

دعى الى اننا نعمل اضراب  يوم 17 مايو

بيقول ايه الاضراب ده

بيقول اضرب عن الفساد

فسادك الشخصي اولا

يوم واحد فى السنه جرب تعيش انسان بدون افساد وفساد

اعمل الى عليك كما يجب ان يكون بدون حجج ولا شماعات لاخطاءك وتبريرات لممارسة الفساد

كل واحد يروح شغله فى معاده ويعمل الى عليه
كل طالب يروح كليته ومدرسته ويتعلم ويفهم ويذاكر كما يجب ان يكون

كل عامل يدي الشغل حقه وبلاش كروته واهمال فى مال مش هو صاحبه

كل ست  تدي لبيتها وجوزها وعيالها حقهم كما يجب ان يكون

كل  واحد ما يقولش اشمعن انا
ما يقولش مصالحي هاتقف من غير رشوه

ما جاتش من يوم

يوم واحد بسسسسسسسس من غير فساد ولا افساد

السنه الى فاتت كتب الدكتور اسلام البوست ده يوم الاضراب

والدكتور اسلام هايقولكم عنده في مدونته  ايه الجديد السنه دي ؟
17 مايو هايوافق يوم الاثنين

همتكم معايا يا اصدقائي المدونين بجد عايزه الناس تسمع صوتنا واليوم ده يكون كل مدون منزل البانر ده عنده على الاقل
ولو بوست كمان عن الموضوع يبقى كتر خيركم يعنى

يلا عايزه شغللللللللل

وتحياتي الكبيره اوي لدكتور اسلام صاحب الفكره والدعوه للاضراب الايجابي ده

والى كان عايز يخلع ويدبسني لكن هيهاااااااات


وكل سنه انتى طيبه يا ريم وفاتيما وداليا قوس قزح  والبت اختي  واي حد عيد ميلاده الايام دي
ومعلش ما عرفتش اعمل معاكم واجب عشان الظروف وكده  زي ما قلتلكم

ولكل مدون سولت له نفسه انه يخلع ويسيبنا  يستناني البوست الجاي بعد الاضراب هاقطعكمممممممممممممممممممم



هناك 16 تعليقًا:

mrmr يقول...

ندى حبيبه قلبى
بصراحه فكره الاضراب دى فكره جميله قوى
انا بجد الفكره عجبتنى وح اطبقها اولا بنفسى ونفسى انشرها واوسع الفكره بس مش عارفه اذاى
ياريت الافاده
سلام يا قمر

قلم رصاص يقول...

الفكره جميله فعلا
احيي صاحبها عليها جدا
واحييكِ على التنويه الهام

وان شاء الله بلا شك مشارك معاكم في اليوم دا بإذن الله

وهيكون يوم بالتأكيد تاريخي
بلا فساد وبلا إفساد

تقبلي مروري وتحيتي

غير معرف يقول...

معاكم ان شاء الله

sony2000 يقول...

معاااااااااااااااااااااااكو
بالرغم من الامتحانات
بس معاكو:)

حنعيش يعنى حنعيش يقول...

شكرا يا ست الكل على الحماس العالى قوى دة للاضراب
الاهم بقى انى مش حاسامح نفسى على ان بوست نضارة شمس ده فات منى ... ولسه قريه دلوقت ...بجد روعة روعة روعة روعة روعة روعة ..... لو فاضيه تسمعى لغايه الاسبوع الجاى حافضل اقول روعة ...تسلم ايدك

shimaa elkholy يقول...

مرمر

اوك يا ست الكل وربنا يخليكى يارب وتنورينا

shimaa elkholy يقول...

قلم رصاص

متشكره يا سيد ربنا يخليك ونورتنا

shimaa elkholy يقول...

غير معرف

اوك تنورينا

shimaa elkholy يقول...

سوني

ايوه كده يلا اشتغلي خلاص يعنى مقطعه نفسك مذاكره حركات ولا ايه

shimaa elkholy يقول...

حنعيش يعنى حنعيش

العفو ياا ستاذنا ده من بعض ما عندكم

ومبسوطه اوي ان بوست النظاره عجبك ربنا يخليك

ويا باشا انت تتاخر براحتك واحنا نجيبلك البوست لحد عندك

متشكره لك اوي

باحث عن حب يقول...

جميل
الاضراب عن الفساد الشخصى
بس لو كان الموووضوع
ده
بالنسبه لينا
كل يوم
نحاسب انفسنا
وبلاش
نعمل اى
حاجه
غلط
يااااااه
نكون فعلا
شعب
مثالى

bastokka طهقانة يقول...

اوك انا مضربة

shimaa elkholy يقول...

باحث عن حب

طب بس انتم ابدأوا بيوم وقولولي عملتوا ايه

نورت

shimaa elkholy يقول...

طهقانه

اوك يا جميل اتفضلي طبعا :)

غير معرف يقول...

اليوم عدى بس اعتقد اني عملت حاجات زي كده :)

تحياتي

shimaa elkholy يقول...

uوالله يا جميل انا لقيت نفسي عملت اكتر من كده قوم قلت الله الله ما احنا حلوين برضه اهو

الحقيقه هى حاجه واحده بس الى ما عملتهاش من كلام الدكتور اسلام انى ما زورتش حد قريبى ما زورتوش من زمان

اصل عندي ضيوف من امبارح

نورتي يا جميل