الخميس، 10 يونيو 2010

الملامح الاساسيه للقصه والشخصيات

ايه ده بتستعجلوني كمان
ايه الدلع ده يا اخواتي
لا بصوا بقى انا ريس باحب اسوي كل حاجه على نار هاديه
هاسويكم يا حلوين
هههههههههههههههههههههههههه
وبعدين يا خواطر كنت باخلص يا اختي شغل البيت
لازم تقدروا ان الريس الجديد عنده مهام مختلفه
ههههههههههههههههههه

هيا الى العمل



البوست ده يا جماعة هايكون ثابت ان شاء الله وهاسلمه يكون مع الرئاسه دايما

وهو هايكون عباره عن رسم لملامح القصه وشخصياتها
عشان الناس ماتوهش

والبوست هايبقى مسؤلية الرياسه دايما كل ما شخصيه تزيد  يزودها على البوست
(عداني العيب يا دوك خدت راي المجلس الموقر وبعدين وضبت القرار بقى بالتفصيل )


هيا بنا الى ملامح وشخصيات القصه

المكان : مصر المحروسه (او الى كانت محروسه)
الزمان : الثمانينات (احنا بدأنها فى نهاية السبعينات وحاليا وصلنا لبداية الثمانينات)

الشخصيات :

ميار (محور القصه) : وهى بنت جميله وذكيه ولها تطلعات ماديه واجتماعيه تفوق مستواها الحقيقى وتسعى لتحقيق تطلعاتها بكل الطرق ولكن جوانب شخصيتها لا تخلوا من النقاط البيضاء فهى ليست شريره وسيئه على طول الخط


فهمى : والد ميار .. موظف محترم من الطبقه المتوسطه الكادحه شخص طيب وراض وضعيف احيانا ولكنه يحب اولاده واسرته جدا

زنيب: والدة ميار ... مثال للست المصريه الجدعه قوية  الشخصيه الى حد ما وكل حياتها تدور فى فلك  اسرتها

ابنائهم على الترتيب بعد ميار

محمد : شاب مجتهد وخلوق  تخرج من كلية الطب حديثا هاديء الطباع ليس ماهرا اجتماعيا ولكنه محبوب لاخلاقه وحكمته

دعاء: اخت ميار الصغرى طالبة فى كلية الاداب ونفسها تطلع صحفيه وهي تقل عنها فى الجمال ولكنها تتميز بجمال  الروح محبوبه من الجميع تحاول تثبت نفسها وذاتها دائما رغم  انها تكاد لا ترى دايما بجانب ميار وتستطيع فعلا ذلك

احمد : اصغر الابناء دلوعة  مامته   فشل فى التعليم ومش نافع فى شغلانه وملموم على شله بايظه فى الحته وبيحب وعايز يتجوز

منال: حبيبة احمد ... بت غلبانه وبتحب احمد .. وبتشتغل فى الصيدليه وكانت الممول لاحمد واصحابه فى حبوب  الهلوسه وامثالها

عم حنفي : ابو منال والى بيشتغل فراش فى الشركه الى بتشتغل فيها ميار

زملاء العمل مع ميار

ياسر : رئيس قسم المحاسبه شاب وسيم ومن عائله محترمه كاد ان يقع فى حب ميار ولكن الحب انقلب على عقبيه الى رغبه فى الانتقام

خالد : اخو ياسر وكان حبيب قديم لميار فى الجامعه تركته محطم القلب



وائل : اخو ياسر الطبيب الذي سافر الى انجلترا من سنين للدراسه وعاده بعد فتره طويله



سلمى: زميلة ميار فى المكتب .. كانت تكن مشاعر غيره من ميار حيث كانت ميار تتفوق عليها فى العمل وتلفت لها الانظار ولا سيما ياسر

شعبان : مدير ادارة المشريات  .. متزوج وعينه زايغه وكانت ميار احد قصصه الى ما لحقش يبدأها

حازم : صديق ميار من ايام الجامعه .. شاب وسيم وفى مستوى اجتماعي عالي وعمله مرموق حاليا وكان حب ميار الصامت ... ولكنها لما تانس منه يوما استعداد لذلك فاثرت ان يظلوا اصدقاء
واصبح  الان خطيب دعاء
حبيبه: اخت حازم التى نشأت فى ملجأ وتعاني مشاكل نفسيه وكان حازم يخفي ذلك 
سامي : الدكتور المعالج لحبيبه

************************************
عم لطفي: صاحب ورشة الموبليا التى يعمل بها احمد فهمى رجل ودود وطيب  القلب
هدى: ابنة عمل لطفي وهى طالبه فىكلية  اداب قسم انجليزى

هند : رئيس قسم المحاسبه فى الفرع الرئيسي للشركه
************ 
عبد العظيم بيه : رئيس مجلس ادارة الشركه
صفاء: زوجة عبد العظيم بيه
طارق : ابن صفاء زوجة عبد العظيم ولكنه يعتبر عبد العظيم فى مقام والده
 سوزي : اخت طارق وكذلك عبد العظيم ليس والدها

****************************

شوفوا يا شعبي الحبيب المطيع المهاود
خطة النشر ماشيه زي ما هى
وان شاء الله الجزء ال 11  بقلم د اسلام ايوب هايتنشر النهارده فى السهره كده على ما تقروا انتم البوست ده


يلا هاروح اودي العيال  تدريب الباسكت ارجع الاقي الكل قري  وقاعدين مبرقين ومستنيين الجزء الجديد


مش قلتلكم الريس بتاعكم الجديد له مهام مختلفه فى الحياه

هناك 12 تعليقًا:

فتاه من الصعيد يقول...

طيب يعني كل واحد يكتب قصه عليهم ولا ايش

يا اخوانا انا موش فاهمه :(

تحياتي

star in the sky يقول...

ايييه ده كله
اييه ده كله
اييه ده كله

الله ينور

ريسة تمام جداا:D
هتضبطينا اخر حاجة


ملاحظة صغنطوطة كده
فى شخصية سلمى لو توضحى انها دلوقتى خلاص مش بقيت بتحب ياسر يكون افضل


كويس متابعة معاكى
وهتلاقينى كل حلقة ان شاء الله

star in the sky يقول...

بعد اذن ندى طبعا

الفكرة كلها ان استاذ اسلام فى مدونة هنعيش يعنى هنعيش قال هنكتب حاجة اسمها ليالى مصرية
وكل مدون هيكتب حلقة
والحلقات دى هيكون في بينها ترابط كان شخص واحد بس اللى كتبها

وفى عشر حلقات نزلت وهى موجودة دلوقتى فى مدونة حنعيش يعنى حنعيش

وانهاردة بالليل هتنزل الحلقة ال 11

كل يوم على حسب معلوماتى بينزل جزء جديد

وفى اللى يحب يشارك فى الكتابة بيقول انه عاوز يكتب وبيكتب حلقة حسب ترتيبه فى الجدول

يارب اكون قدرت اوصلك الفكرة كويس

ومكونش اتعدين على حق ندى لما رديت عليكى

خواطر شابة يقول...

ههه ضحكتيني شعب نمرود احنا أكل وبحلقة. عزيزتي هذه الجملة مقتبسة من حلقتك السابقة:" انما ما شاء الله الواد محمد دخل كلية الطب وهايبقى دكتور" يعني هو لسه طالب في كلية الطب لسه متخرجش يا ست الريسة أرجو تعديل هذه النقطة عشان اللي حيكتب يكتب على نور

فاروق بن النيل يقول...

ندى ....
الياسمين ....
إيه الغلاسة دى مافمناش حاجة موش لازم تكون القصة لها بداية ونهاية لكل مقطع فيها أو " حلقة " ماتنفعيش كاتبة تنفعى بس ريسة غلسة متكبرة ...
ماتزعليش باهزر وشكرا لك

خواطر شابة يقول...

فاروق ابن النيل
القصة موجودة في مدونة"حنعيش يعني حنعيش" ستجد هماك عشر حلقات ندى اعطت فقط ملخص ولمحة عن كل الشخصيات فقط من باب الافادة اما الاطلاع على القصة كاملة فينبغي فيه الرجوع الى المصدر
اليوم ليلا سيكون هناك جزء جديد يمكن عندما تقرأه ستتوضح الصورة امامك تماما ان شاء الله
تحياتي

ندى الياسمين يقول...

انا جييييييييت

يا شعبي الحبيب

بسم الله ونبدأ العمل


فتاه من الصعيد انتى بالذات هاوجهلك دعوه رسميه انتى وازهري عايزاكم تشاركوا معايا عاجبنى اسلوبكم القصصي

ستار شرحتلك اهو لو ما فهمتيش روحي عند الدكتور اسلام

واقري البوست الى فات عندي
ركزوا بقى

ندى الياسمين يقول...

ستار

مرسي يا جميل

لا لا لا اولا عادي جدا خدي راحتك مدونتك وزياده

ثانيا انتى ناسيه ان احنا فى دوله ديموقراطيه

براحتك يا باشا

ندى الياسمين يقول...

خواطر شابه

ايوه ماهو ما تنسيش ان احنا فات علينا سنين
يعنى احنا بدأنا وميار كانت فى الكليه ودلوقتي هى اتخرجت

ومحمد يا ستى الى وراها على طول بالتالي هو ليه فى امتياز
اوك ؟

هاتشوفي ا لنهارده حلقة د اسلام هاتظبط المسأله دي وتحسمها

حلااااااوتك وانت صاحي للون

ندى الياسمين يقول...

استاذ فروق

غلاسه .. احم

حد يقول للريس غلاسه برضه

ماشي يا فندم حضرتك ابونا كلنا تقول الى انت عايزه

حضرتك ارجع للبوست الى فات عشان تفهم ايه الموضوع

وهاتلاقي هناك وصله توديك على مدونه تانيه
هى مدونةحانعيش يعنى حانعيش
والى فيها اول عشر حلقات من القصه

تحياتي لحضرتك

نورت

أبو ريان يقول...

طيب يا ريسة..
ثمانينات ثمانينات
أرى أن ملامح ديكتاتورية الكرسي ظهرت عليك هههههههه
أنا مش حمل بهدلة ومعتقلات عشان كذه..
عاش الرييس

ندى الياسمين يقول...

ابو ريان


لا والله مش ديكتاتوريه ده بالتشاور مع المجلس الاعلى والله

ما تنساش اننا لسه فى مرحله انتقاليه
وبعدين بما انى مسؤله لازم يبقى ليا سلطه
لازم شويه ديكتاتوريه برضه
هههههههههههههه

نورت