الأحد، 18 يوليو 2010

تبرع بالدم فى المنصورة

اعزائي المدونين

ان شاء الله تعالى هايكون فى تبرع بالدم فى المنصوره  يوم الجمعه الجايه الموافق 23/7/2010

وبدعوه من رحيل  محاولات للبحث عني  وبالتنسيق مع بنك دم المدونين 

وان شاء الله بعد التبرع هايكون فى لقاء للمدونين

خيخه يا منقطعه هانعمل التبرع من غيرك ولا ايه ما ينفعش هاستناكي

وطبعا اي لقاء ما ينفعش من غير خالد همس الاحباب وفاتيما وداليا قوس قزح لازم لازم اشوفكم

الحقيقه هو كان فى الاول الفكره اننا كنا هانتقابل  مجموعه صغيره كده فى الخباثه مع ايناس الى جايه المنصوره الاسبوع ده

بعدين لما فضل المعاد يتاجل ليوم الجمعه  ساره رحيل قال خلاص ما دام جمعه نخليه تبرع

وعليه بدأنا فى الاعداد للامر لسه بقى شويه على ما نعرف تفاصيل اللقاء وترتيبه ومواعيده وكده


وان شاء الله نوافيكم بالتطورات والمواعيد اول ما نعرف حاجه يا حلوين

الى ناوي يجى يحاول يقولنا من فضلكم يا قوم  عشان بس يبقى عندنا تصور كده لعدد الى هايكون معانا


هناك 15 تعليقًا:

خواطر شابة يقول...

الله الموفق ان شاء الله بعد المسافة يجعل المشاركة قلبية فقط مع تمنيات بالتوفيق
دمت بود عزيزتي

غير معرف يقول...

دم؟؟؟؟؟؟؟؟!!!!!!!!!!!!

أنا ياختي ما عنديش

واذا كان فيه فمحروق زي الزيت بتاع الطعميه اللي من أيام عمك الحاج أبو منقرع ولا يزال يحترق عبر التاريخ الى الان

تفتكري ينفع يا صاصا؟

ولا اروح اديه لبتوع الأثارات

هتشوفوا يقول...

مقدرش اقول يا رب دمكم ينشف وتأجلوا اللقاء شهر لحد ما اجي او تتخانقوا مع بعض فيتعكر دمكم أو تشربوا ميه كتير فيخف دمكم أكتر ماهو خفيف,

كفاية اقول يا رتيني كنت معاهم

رحــــيـل يقول...

تم العمل البوست يا زعيم :))
ان شاء الله يكون يوم جميل
وابقى ردى عليا فى موضوع المستشفى وبصى على الفيس بوك

جنّي يقول...

السلام عليكم

ربنا معاكم .. ليتني كنت معكم ولكن عندنا فرح بنت اخي يوم الجمعةالقادم

فاتيما يقول...

ازيك يا صبصب


طب اللى اتبرع خلاص مع خيخة
هييجى يعمل أيه ؟؟


طب آجى
عشان اشوفكم


يا ريت



بصى انا معرفش الظروف عندى ايه


بس لو توفرت الميزانية
اكيد هاجى و مش هتأخر


انا نفسى اشوفك جداااا
و أستاذ عبدالجليل
و ايمان سما مصر
و اشوف اميرة على كوكب
و رحيل و ليساندرا
و ميادة ايامنا الحلوة
و بنت قلبى لو نفع تيجى
و كل بنات المنصورة الحلوين
و كمان محمد الغرباوى قبل ما يسافر
و منونا لو نفع تيجى
و هشوف بسكوتة
لو تقدر تيجى و لا متقدرشى ...
يا لهوى دا فيه ناس كتير
حلوة اهو الواحد لو جه
ممكن يشوفهم


طب ربنا يكرمنى بفلوس
و وقت
و نفس
و يسهلى انى آجى


عموماااااا
هعلن عن اللقاء ف الشريط الجانبى عندى
و ربنا يكرم الكل ان شاء الله


و لو مجتشى انتى عارفة انى بدعيلكم
تكنوا مبسوطين و موفقين
يا ست الصبصوبات


و بوساتى
و حضوناتى
يا حبيبتى

mrmr يقول...

بالتوفيق ان شاء الله

shimaa elkholy يقول...

خواطر شابه

ربنا يخليكى يا جميل

shimaa elkholy يقول...

مصري جدا

ينفع

هاته واحنا نوديه احنا هههههههههههههههه

shimaa elkholy يقول...

هتشوفوا

كده يا عم طارق الله يسامحك

يا سيدى لما تيجى نبقى نعملك لقاء تاني

او تعزمنا ان شاء الله على فرحك بلاش كده بقى

ههههههههههههه

يارتك تبقى معانا

shimaa elkholy يقول...

رحيل

كله تمام يا جميل

شوفلنا بس موضوع النادي وبرنامج اليوم

shimaa elkholy يقول...

جنى

خساره يا فندم لينا كنا هاتشرف بك والله

shimaa elkholy يقول...

فاتيما

اجي اخدك انا يا بطوط على راسي يا جميل

بجد مش لازم تتبرعوا تعالوا بسسسسسس اشوفكم واحشينىىىىىىىىىىىى

بجد حاولي تيجى

shimaa elkholy يقول...

مرمر

تسلمى يا جميل منوره

غير معرف يقول...

ربنا يوفقكم يا رب

جازاكم الله خيرا

تحياتي