الاثنين، 9 مارس 2009

عووودي يا هاااااااميس ...لا لا قصدي ياااااا موني

السلام عليكم
الاول كل سنه وانتم طيبين يا جماعه
المولد النبوي الشريف
واللهم صلي وسلم وبارك على محمد وعلى اله وصاحبه وسلم
وان شاء الله كل واحد فيكم يكون اكل حلاوة المولد
ومبيت ومأمن على الفته واللحمه او اي اكله متينه بكره
واي حد ............. هايقول الاحتفال بالمولد النبوي واكل الحلاوه حرام وبدعه بصوابعي العشره وفي عنيه على طول
وعلى راي رحمه بنتى .. ياماما بكره اجازه عشان عيد ميلاد سيدنا محمد الى هو الرسول والنبى يا ماما هو احنا هانعمله تورته ؟؟؟
ده اول هااااااااااام الى فات ده
تاااااااااااااني هاااااااااااااااام بقى
هااااااااميس ........... يوووووووووه قصدي موني
مـــــونـــــي
صاحبة
مدونة مذكرات زوجه شابه جدا
ومدونة مدام سلاموني
حبيبتى ورفيقة الجهاد المطبخي بتاعي
مدونه رقيقه وهاديه وفى حالها ولا بها ولا عليها
بس مش عااااااااارفه راحت فين اختفت يا اخواتي
مدوناتها بقالها كام يوم مش موجودين المدونتين الاثنتين
والنهارده سبتلها اوف لاين وما رديتش عليه
ومن الجدير بالذكر ان زوج المذكوره اعلاه هو الاخ تامر علي
صاحب مدونة الدنيا ريشه وقلم
وبما ان الاخ تامر علي متواجد هو ومدونته على هذا البلوج ولسه يعنى بخير والحمد لله فاحنا مضطرين للقبض عليه
يوه قصدي للعسكره هناك قدام مدونته عشان يقب بالبت موني الغلبانه لان احنا مش لاقينها ويقولنا راااااااااحت فين
اعضاء جمعية المرأه المتوحشه كل يسن ضوافره وسنانه ويجى هناك
الا تكون البت فى زنقه وعايزانا
بجد بجد زعلانه يا موني وعايزاكي ترجعي تاني للتدوين ولا تقولي حصل ايه يا جميل
ولو ما قلتيش هانخلصلك على الشاب بتاعك لانه لسه حدانا ااااااهو
تحياتي لكم
وتاني كل سنه وانتم طيبين

هناك 71 تعليقًا:

عاشقه وغلبانه يقول...

كنت اول تعليق
هيييييييييييه


كل سنه وانتي طيبه ياروح قلبي

عاشقه وغلبانه يقول...

والله والله لسه في بالي

من كذا يوم فتحت مدونتها مالقتهاش بتفتح
بس انا مش معايا ايميلها

عوووووووووووووودي ياموووووووووووني

we miss you sooo much

صبرني يارب يقول...

وانتى طيبه يا جميل

ومنوره اول التعليقات ومشرفااني دايما يارب

فاتيما يقول...

يا ام الجدعنة كلها يا صبرنى
طب يا ستى بضم صوتى لصوتك
و اوجه النداااااااااء
كى تعود مونى
و كل سنة و إنتى طيبة و القمرين طيبين
و ابوهم مالى عليكوا الدنيا
خالص حبى ليكى

ستيته حسب الله الحمش يقول...

تصدقي بالله .. ها تصدقي ان شاء الله

لسه بسأل نفسي
موني راحت جونينة الحيوانات ثم احتفلت بالانافرسري واختفت ياردالة

بس اول مرة اعرف ان الرفيقة موني زوجة شقيق المدونات تامر علي


لألألألألألألألألألألأ لازمن يأب بالبنت ونطمن عليها
كويس انك ها تعملي اعتصام على باب مدونته

البلد مليانة اعتصامات

عوووووووووووودي يا موني

أب بالبنت يا تامر
من يوم ما كتبت عن شهريار وانا بقول يا تورى مراته عاملة فيها مسرور ولا أيه؟

حلو الموضوع يا صبرني يا اختي
لازمن نسأل عن بعضيتنا وخصوصا ان النهاردة يوم النسوان العالمي
هههههههههههههههههههه

حاجات جوايا يقول...

ياااااااربى
المدونة تم إزالتها
ليييييييه بس كده
ده قضاء وقدر ولا بفعل فاعل ولا اييييييييه ؟؟؟؟

سألتى جوزها يا صبرنى ولا ايه الاخبار ؟؟

اما بلوجر ده عليه حركات
ربنا يسترررررررررر



كل سنة وانتى طيبة يا حبيبتى وبكل الخير والهنا والرضا انتى واسرتك الكريمة والامة الاسلامية

mayada يقول...

كل سنه وانت طيبه ياام مريم
بصي هااادميس جايه في دماغي من امبارح
بالليل حتي في الشغل النهارده طول النهار اقول للعيال هي موني فين
يقوللي موني مين اقولهم اجمد واحده الساعه واحده
عووووووووووووودي ياموني ولو حد يعرف تليفونها ياريت يكلمها ويطمنا بقي

احساس طفلة محبة للرومانسية بس واقعية يقول...

اعضاء جمعية المرأه المتوحشه
انا عايزة انضم للجمعية دى
واخلى اسمى احساس طفلة محبة للرومانسية بس واقعية متوحشة احياناً
عشان ستيتة كانت عايزانى اختار اسم اصغر هاهاهاهاها

نيجى للجد بقى
الاول كل سنة وانتى طيبة ربنا يعودة عليك بخير

انا دخلت عند مونى كذا مرة
وكنت فكراه انها غايبة عادى وبتكتب كل فترة كبيرة
انا بضم صوتى لصوتك وبنادى بعودة مونى لان بجد مدونتها جميلة واسلوبها حلو اوى وياريت زوجها يطمنا عليها

تقبلى مرورى

كيــــــــــــارا يقول...

عووووووووووووووودي الي اخيكي اخيتاتوووووووون

ان شاء الله بعد البوست دا لازمن تعوووووووووووووووود


والا هنجيب ريا والبت سكيننه :)

د.خالدأمين يقول...

معاااااااااااااااكم

فينك بس يا موني



روحتي فين وغبتي قوي كده










يا موني ارجعي تاني


وحشتينا ووحشتنا تعليقاتك ومواضيعك














عودي يا مووووووووووووووووووووووووني






















واخيرا













مين موني دي؟؟



اصلي بجد لسه جديد في العالم ده ومعرفش موني



ثلام عليكم

الشموع البيضاء يقول...

كل سنة وانتى طيبه
فعلااا انا كنت حاطة الدونة عندى فى الفيفورت وكل مادخل الاقيها اتشالت بس معرفش السبب لانى بقالى مده كنت متغيبه
ان شاء الله تكون بخير وترجع تانى
تحياتى ليكى ولبنتك رحمة :-)

تامر علي يقول...

أنا أضم صوتي لجميع الأصوات الموجودة والغير موجودة وهيا بنا إلى الأمام فإما أن نكون أو لانكون :)
أولأ : بصراحة أنا اللي (اقترحت) موضوح اغلاق المدونة لوجود بعض المضايقات والمعاكسات من أشخاص (زبالة) ضايقتني على المستوى الشخصي فطلبت إغلاقها لأجل غير مسمى لحين ما أدرس المدونات (علمياً) واشوف امكانية التحكم التام فيها لمنع تكرار ذلك .
وشكراً للأخت "صبرني يارب" على سؤالها وايجابيتها مع اخواتها ونسأل الله أن يجعل ذلك في ميزان حسناتها .
لاتنسوا الصلاة والسلام على النبي كثيراً لأن دي أفضل هدية (عيد ميلاد) :)

حواء يقول...

ازيك ياصبرني
عامله ايه
كل سنه وكلنا طيبين
اما بخصوص موني فأنا كنت داخله اقول نفس الكلام اللي قاله الاستاذ تامر
لاني سئلته علي مدونته وقالي نفس الكلام اللي قاله دلوقتي
بس هو جه خلاص وقال الكلام اللي قالهولي علشان اقولهولكم
حد فاهم حاجه
ههههههههههههههههههههههههههههه
انا فاهمه
تحياتي

شمس النهار يقول...

الحقيقه انا للأسف مابدخلش مدونتهم بس لو احتجتي اي خدمه انا تحت امرك انا رجعت من شويه اهو من سفريه صغيره كده تلات ايام علي الماشي لزوم الاجازات
احنا في الخدمه ياموداااااااام

شمس النهار يقول...

اه انا كتبت التعليق قبل ما اقرا باقي التعليقات وعلي فكره انا دايما احب اعمل كده عشان مااقراش تعليق يؤثر في كلامك
المهم لاقيت الريس تامر عنده حق والمدونه مغلقه للتحسينات
بس هو كان المفروض يعلنوا عن الاغلاق في المدونه قبل الاغلاق عشان الناس ماتقلقش
خلاص خلاص حصل خير يارجاله كله يرجع لقواعده سالما الموضوع طلع اهالي في بعض

mahasen saber يقول...

كل سنه وانتى وبنتك واسرتك يا صبرنى يا حبيبتى بالف خير وصحه وستر

ده على صعيد المولد النبوى

اما على صعيد مونى فبلاش توليع يمكن الست بتستجم شويه من التدوين خصوصا ان جوزها لا غبار عليه ونحسبه على خير كمدون وانسان

ولا ااقولك يله نولعها اليى تشفيه طبعا انا من دراعك ده لدراعك التانى

nody يقول...

اولا
كل سنه وانتى طيبه وبصحه وسلامه


ثانيا هو لازم يعنى فته ولحمه ماينفعش محشى وبط؟؟؟

ثالثا انا بحاول افتح مدونه مطبخ مدام سلامونى من امبارح فعلا ما بتفتحش يارب تكون بخير

mahasen saber يقول...

بجد يا صبرنى كل مولد نبوى وانتى بالف خير يا حبيبتى

ربنا يجعل ايامكوا كلها اعياد

اللهم امين

reem يقول...

كل سنة وانتى طيبة ياصبرنى يا جميلة
وانا كنت مستغربة ان مدونة مونى مش موجودة لانى كنت بقراها باستمرار يمكن مش كنت بعلق هناك ولكن كنت من متابعينها وطبعا الاخ تامر رد على تساؤلاتنا وعموما احنا في انتظار رجوعها باذن الله بعد دراسة جوزها للموقف طبعا
الجميل يا صبرنى فيكى بجد سؤالك دايما عن الناس بجد انتى انسانة جميلة والله
بس ياصبرنى انا مش كلت حلاوة مولد لسا يرضيكى كدا ؟
كل سنة وانتى بالف خير ياقمر وصحة وسعادة انتى وأولادك وجوزك يارب

mony يقول...

ازيك يا صبرني

كسفتيني خالص و الله
(وش عامل زي الطماطاية من الكسوف)

علي فكرة انا لسة شايفة الموضوع بالصدفة البحتة

و الحاج طامر ولا جاب سيرة و لا خبر
رد علي الموضوع كُتيمي ولا قاللي


ربنا يكرمك يا رب علي سؤالك علي انت و كل اللي علق علي غيابي

بس للاسف انا قفلتها علشان الناس اللي تامر قال عليهم
و ماكانش ينفع اكتب و اقول السبب لان ده عايز شرح كتيييير



و بيني و بينك قلت بعد ما الموضوع يتنسي احاول معاه مرة تانية علشان ارجعها تاني


ربنا ييسر و يهديه
و يبعد عني الناس اللي مش ولا بد دول لحسن انا من اقل كلمة ممكن اتعور


ادعيلي بأه ربنا يهدي كابتشن طامر
و نرَجًع المدونات تاني


و جزاك الله خيرا علي السؤال
و كل سنة و انت طيبة يا جميل

romansy يقول...

كل سنه وانتى طيبه

ويارب تحققى احلمك وكل سنه وكل الناس طيبن

صبرني يارب يقول...

بسم الله نفتتح الجلسه

عندي شغل كتير يا جودعان ايه ده انتم رديتوا ده امته مسافة ما روحت كتب الكتاب واتغديت وجيت

فاتيما

كل سنه وانتى طيبه يا قمر ومنوراني دايما

صبرني يارب يقول...

ستيته

والله يا اختي لا انا كنت اعرف برضه انها مراته الا بالصدفه البحته يعنى

بس اهو تامر ظهر واقر واعترف ان هو الى اصدر فرمان الغلق

تفتكري نسيبه ولا ايه ؟؟؟؟

ايه ده الستات عادو هفيه على البلوج ده ولا ايه ؟؟؟؟؟

صبرني يارب يقول...

بيبرس

عارفه ان انت عينك كان فى الاكل عاااارفه

وبعدين انا مش عارفه الناس الى بتقفل مدوناتها دي نعمل فيهم اييييييييه

واخدلي بالك انت يا سهران لوحدك سابقا

والى مش هايرجع مدونته زي الاول هايعرض لمسأله تدوينيه من هيئة التدوين العامه

صبرني يارب يقول...

حاجات جوايا

والله يا سالي هو جه تحت اهو واعترررف خلاص

بس انا ما كنتش لسه روحت سألته امبارح يادوب نزلت الموضوع والنت قطع ما لحقتش اروح اقوله

صبرني يارب يقول...

مياده

كل سنه وانتى طيبه يا قمر

وموني مش معايا الا اميلها ومش بترد عليا وهاتضرب دلوقتي
هههههههههههه

صبرني يارب يقول...

طفله محبه للرومانسيه

اه شوفيلك حل فى موضوع الاسم ده هههههههههههههههه

والجمعيه مفتوحه بس ربي ضوافرك وسني سنانك وروحي لستيته تديكى كارنيه
هههههههههههههه

صبرني يارب يقول...

كياااااارا

انتى فين يا بنتى

وبعدين ايه حكايه انا هنا ومش عايزه اكلم حد ده

بتستعبطي يا اختي ماااااااااااشي ايامك مش معديه معايا

وخلي بالك انك مش شايفه شغلك ههههههههههههههه

موني هاترجع ان شاء الله

فاهمنى يا عم تامر هاترجع ولا نفسحوووووووكوا
ههههههههههههههههههههه

صبرني يارب يقول...

خالد امين


هههههههههههههههههههههههه

ماشي خلي بالك وانا قاعده اقرا الكلام

عماله اقول مين ده ؟؟

مين ده ؟؟؟

هههههههههههههههههههههه

انت نورت ا لاسره التدوينيه يا خالد وموني هاتعرفها لما ترجع ان شاء الله

صبرني يارب يقول...

الشموع البيضاء

اهلا يا جميل وان شاء الله هاروح اجيبها موني غصب عنها

صبرني يارب يقول...

حواء

الله يسلمك يارب

ايوه وصلنا اهو واقر واعترف بمسؤليته عن الحدث

هههههههههههههههه

صبرني يارب يقول...

اه نسيت اقولك نورت يا اخ تامر

صبرني يارب يقول...

تامر علي


أن أن أن أن تتتتتتتتتش

يعنى انت اعترفت اهو بلسااااانك ان انت الى ورااختفاء البت موني ا لمسكينه

ومين زعلها بس ولا ضايقها على البلوج قولي وانااخده على مدونه المطبخ واعمله بسطرمه وحياتك

احنا لا نسمح كلا البت لاي حد انه يعطل مسيرة التدوين

خليها تنفض للجميع وتعمل موديرشن وما تردش على حد خالص

وبرضه لو ما رجعتش هانيجي عندك فى المدونه نعملك قلق جامد

احنا مين ؟؟؟

اعضاء الجمعييييييييه

صبرني يارب يقول...

شموووووووووووسه

نورتي يا جميل

حمد الله على سلامتك وكل سنه وانتى طيبه

وتحياتي ليكى يا قمر تم العثور عليها خلااااااااص

بس لسه لما تكلمنى على الاميل نشوف عايزه مساعده ولا ايييييييييه

صبرني يارب يقول...

محاسن

حبيبتى كل سنه وانتي طيبه يا جميل وبوسيلى بيرو وربنا يكرمك

ونورتي ياقمر

صبرني يارب يقول...

ريم

تسملى يارب والله انتى الاحسن

وموني كمان عزيزه علينا كلنا وان شاء الله هاترجع


هاترجع يعنى هاترجع يا ستموني

صبرني يارب يقول...

نودي

والله يا اختي انا اكلت بط برضه ومن ساعتها وهو كابس على افكاري مش قادره اتنفس يعنى

ههههههههههههه

الف هنا يا جميل المحشي والبط وكل سنه وانتى طيبه

صبرني يارب يقول...

مووووووووني

هااااااااااميس عالم التدوين

ايه ده بتهرجي


يا بنتى اعملي موديرشن وما ترديش على حد ما يعجبكيش

نفضيييييييي

يا لهوي ده احنا بقى جودعان اوي بالصلاة على النبي


بصي اي خدمات صفري بس تلاقي اعضاء الجمعيه كلهم عندك يا باشا


سامعني يا الى فى باااااالي اهووووووو قاعدين اهووووووووو

صبرني يارب يقول...

رومانسي

كل سنه وانت بخير وسعاده يارب

ايه ده انت كنت مختفي فين يا رومانسي

نورت

جنّي يقول...

السلام عليكم

وكل عام وانتم والامة الاسلامية بخير

بس ليه العنف صوابعك العشرة مرة واحدة .. وايه المانع ان يكون هناك اختلاف في الرأي بالحسنى وفقه الاختلاف ..

تحيتي

صبرني يارب يقول...

جني

لا انا كده بقى مش باحترم الاختلاف تقول ايه بقى

افترا
ههههههههههههههههههههههه

باضايق من الناس دي يا استاذنا جدا وفعلا بابقى عايزه اعمل فيهم كده

نورت

شمس النهار يقول...

صبرني يارب ده مش نداء ليكي ده انا بقول صبرني يارب
افهم بقه ايه حكاية الازواج المدونيين دول والغير مدونين
قبل كده سبهلله الجميله جوزها اغلق لها المدونه في ظروف امنيه عائليه سريه بحته
وكمان موني
لا الموضوع كده مايتسكتش عليه ياابله
المفروض ان الانسان يكون واثق من نفسه ومايسبش حد غير مسؤل يحددله هيعمل ايه واقصد هنا القله الغريبه اللي بتدخل تضايق الناس
وعليه اناشد الاخ تامر انه يفرج عن مدونت المدام ولا يتعسف ومايديش الفرصه لحد ينتصر عليه ويحرم مراته من حاجه هي بتحبها ويحقق للقله دي هدفها ويديهم اللي همه عايزينه علي طبق من فضه

سيف الدين اليزل يقول...

اختي الغالية
سؤالك علي الناس كلها بخاليني اغير واقول لنفسي انا عاوز اختي تسأل عليا انا وحدي علشان انا عارف ان ربنا بيحبها وعوازها تركز معايا انا في الدعاء لوحدي علشان ارجع لناس انا بحبهم من قلبي بس لما عرفت انها شغاله في المباحث وبداور علي موني قلت خلاص زي بعضو مع اني عارف ان تامر مش خطر قوي بس مفيش حاجة مضمونة دلوقتي قولي لتامر الدنيا فيها ناس كويسةعاوزين ديما يسمعوا عنك وعن موني كل خير وبالمناسبة كنت مرة في تركيا ونازل من الطيارة لقيتهم بيدوني ملبس قلت خير انتم عمركم ماعملتوها قلولي اصل انهاردة قنديل قلتلهم اية قالولي انهاردة قنديل قلتلهم يعني اية قالولي انهارة حظرات محمد صلي الله عليه وسلم مولود وكل بيت لازم يولع قنديل قلتلهم لا دانا كدة بقي هولع في تركيا كلها اكراما لاشرف خلق الله وكل سنة وانتم طيبين
والله العظيم بحبوا ياناس
والسلام علي من اتبع الهدي

حاسوباتيه يقول...

كل سنه وانتي طيبه يارب وصحيح موني مش بشوفها من زمان وحشتنا

صبرني يارب يقول...

شموسه

انا ورضا على فكره كنا لسه بنتكلم فى الموضوع ده

وفى الحقيقه انا مستغربه بعيدا عن حالتك يا موني انتى وتامر

ان هل فعلا لمجرد ان شخص رخم او شخص قليل الادب قل ادبه على اصحاب البيت (المدونه يعنى ) قوم اصحاب البيت يعزلوا ويسيبوله البيت ؟؟

طيب ما يدافعوا عن بيتهم او على الاقل يتجاهلوا الموقف
وذنبها ايه طيب الزوجه انها تتحرم من حاجه بتحبها عشان واحد مثلا اترازل عليها ولا حتى عاكسها

يعنى لو كان حد عاكسها في الشغل كانت هاتقعد من الشغل؟؟؟؟؟؟؟؟

المهم يعنى فى الاخر رضا قالي هى فكره الواحد يبقى يتجنن عليكى ويقفلك المدونات
هههههههههههههههههههه

بس اناساعتها بقى فكرته بطقم السكاكين ابو ساطورين الىكان جايلي هديه وانى لسه ما استعملتوش ولاااااا مره
هههههههههههههههههههه


تحياتي يا شموسه ومش لازم نسكت لهم ابداااااااااااا

صبرني يارب يقول...

سيف

تعيش يارب يا سيف

يارب ينجيك وتقوم بالف سلامه ان شاء الله اتعشم انت فى ربنا خير بس

وكل سنه وانت طيب

وحلوح حكاية القناديل والملبس دي

اظن مااحنا هنا بيدولك ملبس برضه فى المطار هههههههههههههههههههههه

صبرني يارب يقول...

حاسوباتيه

تسلمى يارب وكل سنه وانتى بالف خير

عمرو يقول...

كل سنه و أنتى طيبه يا أم خالد و ربنا يعيد علينا و عليكم الأيام بخير و يطمنك على مونى اٍن شاء الله
بس خصيمك النبى ما تكترى من حلاوة المولد حكم دى فيها سعرات حراريه يعجز العقل عن تصورها ده غير تبويظها للأسنان و خاصة الأطفال
سلامى للأستاذ رضا و العيال و كل سنه و كلنا بخير يا رب

ahmed_k يقول...

كل سنه وأنتي طيبه يا ام مريم
وبعوده عليكي الأيام بخير وسعاده

وبالنسبه لموني فعلا أنا إستغربت أن مدونتها مغلقه حيث أني مليش يعني في مدونات الطبخ وكده
وإن شاء الله تكون بخير وأحسن حال
وتعود سريعا لعالمها التدويني التي هي جزء أصيل منه

خالص تحياتي

صيدلانيه طالعه نازله يقول...

كل سنه و انت طيبه يا جميل

لو عايزه افراد تنضم لقوات تحرير الرهائن قصدى مونى قوليلى و انا مستعده اتطوع على طول
طبعا جمعيه المراه المتوحشه اما كانتش حتتحد فى موقف زى ده امال حتتحدامتى يعنى

Appy يقول...

يعنى اروح اقلب المدونة ولا اخد الخرفان واعمل هجوم عليه حددى الهدف وانا هروح

صبرني يارب يقول...

استاذ عمرو
كل سنه وانت طيب وبخير يارب

لا ما تخافش انا ماليش تقل عل الحلاوه دي خالص وبتعملي حموضه اساسا

وجالي موسمين كمان السنه دي ههههههههههههههههه

واحد من بابا وواحد من عمي والحلاوه جوه اهي اجيبلك حته ؟؟

وكل سنه وانت طيب ياا ستاذنا

ونورت

صبرني يارب يقول...

صيدلانيه طالعه نازله


والله يا اختي انا قلت كده برضه اعضاء الجمعيه فيهم الخير

وروحت حذرت تامر ان فى حشد قوات عندي ههههههههههههههههه

نورتي

صبرني يارب يقول...

استاذ احمد

كل سنه وحضرتك طيب يا استاذنا

وموني ان شاء الله ترجع

ونورت

صبرني يارب يقول...

آآآآآآآبي

ايوووووووه اصحوا معايا كده

خليكى على اهبة الاستعداد انتى وخرفانك يا جميل اول ما موني تدينا بس الاشاره هجوووووووووووم على طول

ضايع يقول...

كل سنه وانتي طيبه واسرتك الكريمه
انا ماكلتش حلاوة المولد
وووااااااااااااااااااااااء
هنا رجز من عمل الشيطان وممكن يقيموا عليه الحد والاتنين والتلات لو سالت بس عليها
ده غير انه لا شفت فته ولا غيرة لاننا اصلا لان المودام عملت فيها الي مش واخد باله عادي يعني

عموما كل سنه وانتم جميعا طيبين وعلى نهج الحبيب المصطفى وصحبه على حوضه انشاء الله

صبرني يارب يقول...

بيبرس

ماحدش منعه من الغيره يا اخويا

لكن يعنى هايعملوا فيها ايه على المدونه

اللللللللللللللله اسكت يا لساني هاعور بيبرس خلاص

هايخلينا نقول كلام يزعل مننا الناس



بطلوا غيره وحقد بقى يا ساااااااااااتر


تامر ما تسمعش كلام بيبرس مش هاينفعك بقولك بخاخه وبتاع وهو يادوووووووووووووب احد اعضاء الجمعيه تقريبا قرصته في ... ودنه باين قوم قفل المدونه خالص بتاتا البته

انا باقولك اهووووووووووووووو


قشطه يا بيبرس ؟؟؟
هههههههههههههههههههههههه

صبرني يارب يقول...

ضايع

يا ضنايا يا اخويا تلاقيك فى السعوديه

ايوه انا كلمت البت اختي برضه لقيتها ناسيه اساسا الموضوع

وعليه فكرتها عملت الواجب بقى وطبخت

طيب ابقى روح عندنا مدونة الطبيخ لقط رزقك كده ما دام المدام لبست وش الطناش


تحياتي لك ونورت يا استاذنا والله

تامر علي يقول...

إحنا ممكن نعمل زي الحكومة ونقايض الرهائن في مقابل مادي بحت ...يعني مثلاً زي برنامج النفط مقابل الغذاء ويبقى المدونة مقابل الغذاء برضو وكمان يبقالنا حق في جمعية الرجل المستوحش علشان المساواه :)

- حقيقي الموضوع مؤقت لحد ما أوصل لحاجة بس في برمجة المدونات وترجع تاني مش مشكلة ... شوية(سكعورتي )بس:)

حبيبه سى السيد يقول...

كل سنة وانتى طيبة واللهم صلى وسلم وبارك على سيدنا محمد

انا اكلت الحلاوة اه

بس انا الصراحة متعرفتش على مونى
بس انا بضم صوتى لصوتك

وان شاء الله لما تقرر انها ترجع هبقى ازورها


تحياتى

سومه...مجنونه فى بلد عاقل يقول...

كل سنه وانتى طيبه

سومه...مجنونه فى بلد عاقل يقول...

متشغليش بالك يا صبرنى تلاقيها بتاخد فمين غسيل ولا حاجه:))
يا بنتى الدنيا تلاهى والمشاغل كترت
والله يكون فى عون الناس بجد محدش بقى فيه نفس

شمس النهار يقول...

الي الاخ تامر
معلش ياصبرني اكلم الاخ تامر كده كلمتين
علي فكره انا مابحبش اتدخل بين اي اتنين وخصوصا المتزوجين
بس الموضوع هنا عام يعني ايه
يعني الناس الوحشه دي
كل ماتحب تقفل مدونه ماعليهم غير انهم يعملوا كده وخلاص
وتاني يوم المدونه تقفل
ماينفعش لازم ندافع عن الوضع ومانسمحش لحد يختار لنا
وربنا يكرمك ويوفقك الي ماافيه الخير

صبرني يارب يقول...

تامر علي

تييييييييييييب ماشي احنا منتظرينك اهو تخلص الكعورتي بتاعتك كلها

بس ما زلنا فى حالة تأهب واحتشاد ههههههههههههههههههه

واعمل كده جمعيه الرجل المستوحش ولاااااااااا يهمنا

نكسب يا عمنا طبعا

تحياتي لك وسلملي على موني

صبرني يارب يقول...

سومه حياتي


منوره يا جميل وكل سنه وانتى طيبه

وموني لا خلاص تم العثور عليها غسيل ايه بس برضه احنا يعطلنا الكلام ده
ههههههههههههههههه

تحياتي يا جميل

صبرني يارب يقول...

شموسه يا حيااااااتي


قلتلك مدونتك وزياده ردي على الى يعجبك يا برنسيس على راي استاذ عمرو

وانا معاكي تماما فى كل الى بتقوليه عن موضوع المدونات وقفلها


منوره يا قمر

صبرني يارب يقول...

بيبرس
وراك وراك لحد ما اضمها للجمعيه يا معلم واديها كارنيه عضويه
هههههههههههههههه

حنعيش يعنى حنعيش يقول...

شكرا ليكى ولانيس عبيد

MaNoOoSh يقول...

والله انا جايالك وانا مكثوفة خالث ياعثل
بس اعمل ايه بقى كل اجهزة البيت كانت متآمرة عليا
انا جاية اقولك كل سنة وانتى بصحة وسعادة وربنا يحققلك كل احلامك

صبرني يارب يقول...

هانعيش يعنى هانعيش


العفو يا فندم ده احنا اتشرفنا ونورتنا

صبرني يارب يقول...

مانوش

ليه بس يا جميل


ده انتى تنوري فى اي وقت

واي خدمه بس قولي انا كهربائي قديم

هههههههههههههههههه

نورتي يا قمر وكل سنه وانتى بالف خير