السبت، 21 مارس، 2009

امهاتي الحلوين ... كل سنه وانتم طيبين(تحديث)

تحدييييييييييييث مهم جدا يا جودعان البت مريم بنتى اول لما صحيت الصبح لقيتها عاملالي المفجأه دي وعاملالي كارت على الكمبيوتر
والله فرحت اوي بجد وهما جابولي هديه اه بس الكارت ده بجد كان مفجأ÷ حلوه ما كنتش اعرف اصلا ان مريم بتعرف تشتغل كده على الكمبيوتر
والاجمل بقى انها عملت لباباها كمان كارت
البت دي جدعه على فكره طالعالي
ههههههههههههههههههههههه
وعلى فكره انا نسيت افكركم امبارح انك تحاولوا تجيبوا كمان هديه بسيطه لباباكم عشان بجد بيفرحوا بها اوي
انا من كام سنه كده جبت لبابا هديه يوم عيد الام ولقيته فرح اوي اوي ومن يومها وانا لازم يوم عيد الام افتكره باي حاجه ولو صغيره
وطبعا ولادي قرروا بهذه المناسبه السعيده انهم يودوني النادي اه اه يودوني انا قال
المهم يعنى روحنا وادينا جايه مش شايفه قدامي





ايوه امهاتي انا عندي امهات كتير والحمد لله






ممنوع القر انا باقولكم اهو ربنا يديهم الصحه ويخليهم لنا






طبعا انا لازم اقولهم واحده واحده كل سنه وهما طيبين وكمان لازم احكيلكم عنهم












اول ام فى حياتي احب اتكلم عنها












هى جدتي الله يرحمها ايوه ايوه مش مشكله ما هى مامة ماما يعنى ماما مش هاتزعل






اصل انا كنت باحبها اوي اوي اوي بصراحه وكنت كمان باقعد معاها كتير اوي سواء وانا طفله صغيره او حتى بعد ما كبرت وهى كانت محتاجه حد يقعد معاها بعد وفاة جدي الله يرحمه والبيت فضي عليها بعد جواز الاولاد السبعه






تيته دي كانت طيبه بشكل مش معقول . يعنى كانت تلتمس الاعذار لكل الناس بجد وما تزعلش من حد ابدا يعنى قليل اوي اوي لما كانت تزعل من حد ولا تقول انها زعلانه عشان كده المرات القليله الى انا فاكره فيهم انها قالتلى انها زعلانه من حد او اشتكت منه انا مش بانساهم ابدا ولا ناسيه للناس الى زعلوها ابداااااااا انهم زعلوها






كانت بنت ناس . كانت حفيدة العمده(ايام ما كان فى عمد) نص المنصوره يبقوا قرايبها لانها كان لها 11 عم و11 عمه غير قرايب مامتها الى كانوا من اعيان البلد . ومع ذلك تيته كانت متواضعه جدااااااا بجد عمرها ما كانت تترسم على حد ولا حجه قاعده فى بيتها تستقبل الكبير والصغير والفقير والغني






اتعلمت لحد الابتدائيه بس ما كملتش اخر سنه وبالتالي ما خدتش شهاده وده لانها اتخطبت فى السنه دي واتكسفت تروح المدرسه وهى لابسه الدبله






وقالتلى انا رجعت من المدرسه وانا عندي 13 سنه لقيت في فرح في البيت والستات قاعدين يضحكوا ويتغمزوا وطبعا ده طلع فرحها وانه كان اخوها الكبير المتعلم ذو المركز فى الحكومه مصمم انها تكلم تعليمها بس ابوها ما رضيش وقاله البلد كلت وشنا من خروجها كل يوم على السكك (ههههههههههههههههههههه 13 سنه )






وبطلت تروح المدرسه الامريكاني العريقه لكن كانت دماغها صاحيه اوي وفاكره الى اتعلمته كله كانت بتذاكرلي انجليزى وانا فى اعدادي وبتقرا قرآن بصوت حلو وهى فاهمه كمان الكلام وحافظه احاديث وحافظه اعياد المسحيين كلها ومراسيمها لان مدرستها كانت تبشريه وقشطه يعنى






عاقله وحكيمه ومحترمه وطيبه وكريمه وكان عليها شوية مباديء مش بانساهم ابدا ولو قعدت اتكلم عنها سنه مش هايكفي الكلام وان شاء الله تعالى لازم اتكلم عنها تاني واحكيلكم عنها حكايات كتير اوي الله يرحمها يارب ويغفرلها ويدخلها جناته ووحشاااااااني اوي يا تيته والله









ماااااااامتي انا بقى






ايوه الى باهديلها اغنية شاديه الحلوه الى شغاله دي



ماما الى طلع عينها وخلفت اربع بنات طلعوا عليها القديم والجديد وعلى قولها بقالي 15 سنه باشتري فى جهاز بنات ولسه ما خلصتش واستحملت حاجات كتير اوي اوي عشانا وشقيت بجد معانا ولسه بتشقى بصراحه وبتتعب اوي واحنا مطلعين عينها



لا مش احنا بس امة لا اله الا الله . اصلها بنت تيته برضه بيتها مفتوح دايما للناس كلها والدنيا كلها متعشمه فيها لدرجة اننا ساعات نقولهم يا جدعان احنا ولادها سبولنا شويه بقى ارحموا يا بشر هههههههههههههههههه






طيبه اوي وطالعالي كده عصبيه ( ايوه هى الى طالعالي) بس قريبه وبتهدى وتروق بكلمتين . طبعا مش هاقولكم انا اتعلمت منها ايه عشان ما ينفعش يتعد



بس انا دايما اقولها كده يا ماما تفطمينى وانا عندي سنه ونص بس ؟؟؟ بيقولوا ان لبن الام بيزود ذكاء الطفل ... عجبك كده الى انا فيه دلوقتي ؟؟



عليكى ليا ست شهور ههههههههههههههههههههه تقولي يعنى كنتى هاتبقى اكبر من كده ايه هههههههههههههه



باحبك اوي يا ماما ربنا يديكى الصحه ويخليكى لنا ونفضل دايما مصدعينك












حماااااااااااااتي






ايوه مامتي برضه الحمد لله ربنا يشفيها يارب ويديها الصحه ويخليها لنا يارب .



مش تمثيل ده يا جودعان اينعم احنا بنختلف احيانا وبابقى عارفه اني ساعات مش عاجباها بس عادي ماهو امي برضه ساعات بابقى مش عاجباها باستنى شويه وبعدين اصالحها ما انا عارفه كل الزراير . بس انا عارفه ومتأكده انها بتحبنى زي ما بتحب اي حد من عيالها .



وهى فعلا ست قويه وقدرت رغم كل الظروف تربي 8 عيال ولحد الان واقفه فى وسطهم بعد وفاة جوزها ولسه بتجوز فيهم وتهتم بكل افراد اسرتها الى ما شاء الله كبيره ربنا يديها الصحه ويخليها لنا












ماما زينب






دي بقى مرات عمي الكبير . انا باقولها يا ماما برضه مش عارفه من امته من يوم ما عرفت اتكلم هى ربنا ما اعطهاش اولاد بس احنا كلنا ولادها بجد وهي فعلا بتحبنا وبتعاملنا على هذا الاساس وانا برضه باحبها واحترمها واحب عمي الى هو جوزها اوي اوي .وفعلا باعتبرها زي ماما . هى ياما دلعت فينا بصراحه وان شاء الله مره تانيه هاكلمكم عنها وقصتها مع الزمان .



وربنا يقدرنى وافضل اودهم وربنا يديهم الصحه يارب ويخليهم لنا .






الى فاتو دول الى بازورهم يوم عيد الام لاااااااازم واعمل الواجب .









وطبعا طبعا ليا امهات اكتر من كده بكتير (ممنوع الحقد ) بافتكرهم يوم عيد الام وادعيلهم بكل طيب






منهم خلاتي الاثنين الى لازم لازم اكلمهم اقولهم كل سنه وانتم طيبين واهزأ عيالهم لو ما جابوش لهم هدايا وراحوا زاروهم عادي فى من النوع ده يعنى .






ومنهم مدرساتي الى كنت باصاحبهم كلهم ولحد الان لو قابلوني بيعرفوني على طول وبالحضن والبوس وبنعمل فرح يعنى






ومنهم كمان جدتى لبابا الى ما شوفتهاش بس سمعت عنها كل طيب من الغريب والقريب وحسيت بمعانتها لانها خلفت 20 مره ومات منها كتير اوي اوي يعنى الحكايه صفت على سبعه وكلهم ولاد يعنى طلعوا روحها بالاضافه الى كميه لا بأس بها من الناس الى كانت مسؤله عنهم باعتبارها مرات الابن الكبير . الله يرحمها ونشوفها فى الجنه ان شاء الله لو كان لنا نصيب نروحها يعنى بس متعشمين خير فى ربنا ورحمته .






ومنهم ماما وفاء جارتنا فى البيت القديم الى طلبت مننا نقولها يا ماما عشان نفسها تسمعها .كان نفسها تخلف اوي بس بعد صراع مع المرض لعشر سنين توفاها الله . الله يرحمها يااااااارب ويجعله فى ميزان حسنتها ياااااارب .






وكفايه عليكم رغي بقى






سمعتوا الاغنيه ؟؟؟ كنت باغنيها وانا صغيره فى الحفله بتاعة عيد الام



هههههههههههههههههههههههه















هناك 74 تعليقًا:

احساس طفلة محبة للرومانسية بس واقعية يقول...

كل سنة وانتى طيبة يا صبرنى
طيب احنا كبار وبنعرف نعبر عن مشاعرنا لامهاتنا احنا مين يعبرلنا عن مشاعرة دلوقتى :)
انتى اكيد بتطلع عينك فى الهدايا
وتقعدى قبلها بشهر محتارة تشترى اية لمين ؟
هاهاهاهاهاهاهاها

ربنا يخليهوملك ويحفظهوملك
تقبلى مرورى

جنّي يقول...

السلام عليكم

كل عاو وكل ام بالف خير

ورحمة الله تعالى على أمي

ستيته حسب الله الحمش يقول...

كل سنة وانت طيبة
رضا جاب ايه واداه للعيال يدوه ليكي؟
انا جاية اهدي النفوس

ربنا يرحم تيتة
ويخليلك ماما وتكمل جهاز "يامخلفة البنات يا شارية الجهاز من الأكوزيونات"
ربنا يخلي حماتك ويكرمك بدعوتها اللي بتطلع للسما صاروخ موجهه
ويكرم زوجة عمك على طيبة قلبها

يالهويييييييييييي
ويخلي كل اللي قلتي عليهم ياختي
حلو يكون ليكي مامات كتير ما شاء الله وحاجة توجع القلب برضه ههههههههههههههههههههههه

كل سنة وانتي طيبة يا حبيبتي يا طيبة انتي

mahasen saber يقول...

للمره المليون كل سنه وانتى وكل ام يا صبرنى بالف خير وسلام

ঔღঔ نـــوارة ঔღঔ يقول...

كل سنة وانتي طيبة وكل امهات المسلمين

البوست جميل اوي

ويابختك بكل الامهات دي

ربنا يديم المحبة بينكم

دمتي بالف خير

صبرني يارب يقول...

احساس طفله

وانتى طيبه يا قمر

لا بصي يا بنتى انا لما كانت مريم صغيره كنت باطبق فى زمارة رقبة ابو رياض يجبلي هو هديه
هههههههههههههههههههههههههههه


بس لما كبروا شويه بقى يقولي خليهم هما يشترولك بقى اطلعي من دماغي

صبرني يارب يقول...

جني

استاذ سعيد وانت طيب وبخير ويارب يرحمها وموتانا وموت المسلمين جميعا

صبرني يارب يقول...

سووووووووووتيته

رضا يا ستى اعتزل هدية عيد الام من كام سنه وقالي عيالك كبروا يجبولك هما
هههههههههههههههههه

بس يعنى خدهم عنده المحل يا اختي وخلاهم نقولي ساعه للمطبخ عشان كنت عايزاها يعنى بس يعنى دي مفجأه ولسه هايدوهاني بكره
هههههههههههههههههههههه

انا ما اعرفش حاجه اهو مفجأأأأأأه

ويارب يخليهم كلهم

واه والله ماهماهاتي كلهم وحلو مش وجع قلب ولا حاجه

صبرني يارب يقول...

محاااااااااااسن


وانتى طيبه وبخير يا قمر ومنوره المليون مره

صبرني يارب يقول...

نواره

وانتى طيبه وبخير يارب

وتسلمى

kochia يقول...

كل سنة وانتي طيبة
وربنا يبارك في امهاتك

تحياتي

شمس النهار يقول...

كل سنه وانت طيبه وربنا مصبرك كده
انا كمان كان عندي اكتر من ماما
ماما اللي انجبتني طبعا وليها علي كل الفضل
وجارتنا اللي تحتنا كنت ولازلت بقول لها ياماماوليها علي افضال كتير وعلمتني حاجات كتير
ونينه ام والدي اللي اتعلمت منها معني الحنان قولا وفعلا
وعمتي الله يرحمهاكانت الام الحنون عليه اتعلمت منها الجدعنه في التصرف عشان امي كنت بعتبرها امي العقل
وكمان داده اللي اتولدت علي ايديهاانا واخوتي الصبيان الاتنين
وربتنابأخلاص شديد وكانت مثال للست المصريه بكل اصالتها واخلاصها
وكمان ربت معايا بناتي لحد ما توفاها الله وهي في حضني وفي بيتي
كمان حماتي الله يرحمهاكانت ام لي بمعني الكلمه واتعلمت منها حاجات كتير جدا نفعتني في التعامل مع قسوة الحياه ورغم كل الظروف عمرنا ماانقطعنا عن بعض خالص
دول همه الامهات اللي اثروا في شخصيتي جدا
كل سنه وكل ام بخير

صبرني يارب يقول...

كوشيا

وانتى طيبه يا جميل وربنا يكرمك

صبرني يارب يقول...

شموسه


ربنا يكرمك يا شموسه وكل سنه وانتى طيبه يا قمر

وما يحرمكيش من حبايبك كلهم

صبرني يارب يقول...

بيبرس

وانت طيب

على فكره هاعملك ممانعه من دخول البلوج بامر من جمعية المرأه المتوحشه

رابطه مدونون من اجل فلسطين يقول...

جـــــــربت مــــــــره تــعمل حاجه للاقـصي

لو ما جربتش جرب تشـــــــارك معــــــــــنا

يمكن نقدم حاجه تكــــــــون مفـــــيده تنفعــنا

ويمكــــن بيها في الجنه ربنا يجــــمـعنـــــــا

خليــــــــــــــــــك جـــرئ وشــاركنـــــــــــا

بامكناك ان تشارك في نهضه امــــــــــــــتنا

لا تقل لا استطيع المشاركه في بناء عزتـــنا

ان عــــــزتنا تكمن في تــحرير غفلــــــــتنا

ندعوك ان تشترك معنا للنهوض بدولتــــنا

لا تتردد فانها فرصتك في مساعده اخواتنا

حمله :بايدينا ندفع الخطر عن الاقصي
رابطه مدونون من اجل فلسطين

mohamed يقول...

الاخت المحترمه
=======
أولا رحم الله تعالى جدتك لامك ولابيك
وماما وفاء
ثانيا كل سنه والدتك وحماتك وماما زينب وبارك لهم فى صحتهم وأيامهم

وبالطبع لكى
دمتى بخير وسعاده

عاشقه وغلبانه يقول...

كل سنه وكل ماماتك طيبين يارب

وكل سنه وماماتي حبيبتي طيبه
وبمناسبه لبن الامم انا بحب اشكرها علي تعبها معايا في الموضوع ده جدا
لانها ياحرام كانت بتشتغل وتسافر وانا ماكنتش برضي اشرب اي حاجه وبفضل من غير اكل لحد ماترجع

شكرا يامامي علي الذكاء اللي اديتهولي
علي شويه عند وعصبيه
كل اللي يجي منك حلو ياست الكل
يارب اتجوز بقي واريحك مني
ههههههههههههههههههههههههههه

حبيبه سى السيد يقول...

كل سنة وانتى طيبه وامهاتك طيبين

ومش هقر عليكى

كل سنة وانتى طيبه ما انتى ام برضة

بنت مصر يقول...

صبرني يارب انا دي اول مرة ادخل المدونة بتاعتك وان شاء الله مش حتكون الأخيرة .. مش بس لأنها عجبتني لكن لأني رأيت من كلماتك انسانة وفية لكل أم قدمت لكي الكثير او القليل

تحياتي وحبي لأمي و كل أم

وتحياتي لكي يا صبرني وأكثر الله من أمثالك اللذين يعرفون قيمة الوالدين

reem يقول...

صبرنى
كل سنة وانتى طيبة وكل ماماتك طيبين
وربنا يخلى لك مامتك يارب ويقدرها على جهاز البنات وتعبه
على فكره احنا كمان اربع بنات بس عندنا ولد في الاخر
وربنا يرحم جدتك وماما وفاء

وبعدين كدا ياصبرنى شفتى عملتى فيا ايه
جيت ادخل مدونتك طابخين ايه النهارده
اتلخبطت ودخلت مطبخ مدام سلامونى ودا طلعا من الزهايمر اللى عندى ودخلت هناك وسبت تعليق على ان المدونة بتاعتك .. لا ومش اى تعليق كنت كمان بقولك انى عاوزه لو مش عندك مانع اديكى ايميلى لانى كنت عاوزاكى في حاجة مش عارفه اقولها في التعليقات
وطبعا كسقتى كانت كبيرة لما مونى قالتلى ان شاء الله صبرنى تشوف التعليق
ههههههههههههههههههههه
بينى وبينك احرجت اوى اوى من الغباء اللى انا فيه دا
كل سنة وانتى طيبة وربنا يخليك الاستاذ رضا وولادك الحلوين

عمرو يقول...

كل سنه و أنتى طيبه يا أم خالد :)
فى أحيان كثيره تكون الأم المفترضه فى غلاوة الأم الحقيقيه و ربما تفوقها فى المنزله لدى الفرد ..
أوافقك تماما على هذا ..
ربنا يسعدك و يجعلك سبب سعاده لمن هم حولك و يديم عليكى نعمة العرفان بالجميل و تذكر الأحباء ..
يالا أنا رايح على مطبخك نشوف أيه موضوع كفتة البطاطس دى و نشوف ناويه تبوظ لى الريجيم اٍزاى المره دى :)
تحياتى للأستاذ رضا و كل سنه و أنتم طيبين ..

فشكووول يقول...

ام خالد هانم ... غشيتها دى من عمرو
كل سنه وانت وكل امهاتك طيبين ويعيد عيك هذه الايام بالخير والبركات

بس انا مشفق عليك من هدايا عيد الام الكتيره دى..
تحياتى

Anonymous يقول...

كل سنة وكل الامهات بخير وانت كمان بخير
على فكرة انا منتظر تعليقك على اخر بوست

حنعيش يعنى حنعيش يقول...

كل سنة وكل الامهات بخير وانت كمان بخير
على فكرة انا منتظر تعليقك على اخر بوست

عابر سبيل (عبدالرحمن محمود) يقول...

انضموا معنا لحملة
الحرية للمدون الدكتور توكل مسعود صاحب مدونة بلا وطن
http://belawa6an.blogspot.com/
الحملة تنطلق من هذا الرابط
http://abersbel.blogspot.com/

دكتور حر يقول...

ربنا يخليلك أمهاتك يا أم رحمة

خاب وخسر من أدرك والديه أو أحدهما ولم يغفر له

فاللهم أعنا على برهم
واغفر لنا ولهم

تسلم ايدك على كلماتك الراقية يا أم رحمة

البحث عن أنا شىء جنونى يقول...

ان شاء الله سيتم اصدار كتاب قصة حب سرية للكاتب عمرو الجندى مع بدايات شهر ابريل ان شاء الله

مع شكر خاص لطاقم العمل

اللينك
http://www.amralgendy.blogspot.com/



http://www.facebook.com/inbox/readmessage.php?t=71789721807&mbox_pos=0#/topic.php?uid=45243591058&topic=7688

متمنين التوفيق للجميع

صبرني يارب يقول...

اخ محمد

الله يكرمك يارب وما نتحرمش منك يارب ونورت

صبرني يارب يقول...

عاشقه وغلبانه

وانتى طيبه يا جميل ويارب تتجوزي عشان ماما ترتاح هههههههههههههههه

صبرني يارب يقول...

زوجه عنيده

وانتى طيبه يا جميل وتسلمى يارب

صبرني يارب يقول...

بيبرس

مش عارفه نفكر بقى

صبرني يارب يقول...

بنت مصر

الله يكرمك يارب ونورتي المدونه وصاحبتها وانا الى اتشرف بيكى دايما يا ست الكل

صبرني يارب يقول...

ريم

يا قلبي شوفت التعليق هناك
هههههههههههههههههههه

والله بس انا الى الزهايمر اشتغل معايا ونسيت اسيبلك الاميل

اهو يا جميل

sbarny_yarb@yahoo.com

صبرني يارب يقول...

استاذ فشكول

اه والله طلع عينى على بس رسيت اجيب ايه لكل واحده
بس الحمد لله قضيت خلاص

كل سنه وحضرتك طيب

صبرني يارب يقول...

دكتور حر

الله يكرمك يا دكتور حر انت الى كلك ذوق والله ونورت

صبرني يارب يقول...

هنعيش يعنى هانعيش

هو في بوست فاتني ؟

هاخد اول طياره على هناك بس لما ارجع من بره اخر مشوار لعيد الام

اتشرفت بك وسعيده باهتمامك بتعليقى عندك

من غير عنـــوان يقول...

كارت جميل

كل سنه وانت طيبه

تحياتي

مـجـنـووون يقول...

كل سنه وأنتي بألف خير

وكل الناس الي بتحبيهم يكونوا بألف خير

تقبلي مروري
مجنووون

صبرني يارب يقول...

مجنووووووون

يا اهلا بك ونورت والله

صبرني يارب يقول...

من غير عنوان

الله يخليك يارب نورت يا استاذنا

KHALED يقول...

ههههههههههههههههه

رغاية آخر حاجة ......
أوعى تزعلى أنا بامرح ....

عموما كل سنة وانتى طيبة و كل الأمهات بألف خير

صبرني يارب يقول...

خالد


ازعل من ايه طيب ما هى دي الحقيقه وربنا
هههههههههههههههه
نورت

كفايـة طيبـة يقول...

كل سنة وانتى ماما حلوة وكل مهمهاتك ومهمهاتى حلوين يارب
D:

Appy يقول...

ههههههه مش انتى لوحدك اللى عندك خمسه انا كمان عندى خمسه يا ختى
كل سنه وانتى طيبه علشان انتى زى ماما الكبيرة برضه

reem يقول...

ميرسي ياصبرنى ياذوق انت

انا عارفه انى غلسة وطلبي غلس بس اعمل ايه ارتحت لك وحبيتك في الله بجد وحاسه انى اعرفك من زمان

انا ضفتك عندى وايميلى باسمى يعنى هاتعرفيه على طول بس على الهوت مش ياهوو

وما شاء الله الكروت بتاعة بنوتك زى العسل ربنا يخليهم لك ويخليكى لهم انتى وباباهم

حواء يقول...

السلام عليكم
كل سنه وانتي طيبه ياماما شيماء
ومرسي جدا علي المسج الظريفه ديه
تصدقي رفعت من روحي المعنويه جدا
انا بقي عملت لماما حته تورته اتنسفت امبارح
ولا طعمها بيقولوا عليها تحفه
وانا طول النهار اقول لماما صنع ايدي وحيات سيدي
صنع اديا وحيات عنيا
لما زهقتها
صورتها وهنزلها النهارده علي المدونه
بسط اوي من الاطفال لما بيعملوا حاجه لمامتهم
بيفكروني بنفسي وانا صغيره
كنت بعمل يجي خمس كروت مرسومه واحطهم اشي واحده تحت المخده وواحده في المطبخ وواحده في جيبها وانا رايحه المدرسه
وكده
هههههههههههههههههههههههه
ربنا يخلهالك يارب
ويجعلها قره عين ليكي ولابوها

ضايع يقول...

كل سنه وانت وكل امهاتك بالف خير وصحه وعافيه

لا حرمك الله منهم

تحياتي ......

شفـقــة و إحســــان يقول...

كل سنة وإنتي أم طيبة

همس الاحباب يقول...

كل سنة وانتى طيبة وكل امهاتك طيبين
وربنا يخليلك مريم واخواتها
دايما سباقة بالخير
هههههههه
تحياتى

البحث عن أنا شىء جنونى يقول...

كل سنه وانتى طيبه وكل ام بخير

ودمتى بكل خير وصحة وعطاء دايما :)

صبرني يارب يقول...

كفايه طيبه

تسلمى يارب يا جميل وانتى طيبه وبخير ونورتي ودايما منوره

صبرني يارب يقول...

آبي
وانتى طيبه يا اختي

ماما الكبيره مااااااااااشي لحد ما ننفذ الموضوع الى قلنا عليه
ههههههههههههههههههههههههه

صبرني يارب يقول...

ريم

ولا رخم ولا حاجه يا جميل ده انا اتشرف بيكى والله

وقبلت الاضافه يا جميل ناقص اشوفك بس

نورتي يا قمر

صبرني يارب يقول...

حواء

كل سنه وانتى طيبه وبخير وسعاده يارب

ومامتك طيبه وبخير وربنا يخليها لكم

وفين حقى فى التورته

صبرني يارب يقول...

شفقه هانم واحسان بيه

تسلمي يارب ونورتي والله وكل سنه وانتى طيبه

صبرني يارب يقول...

ضايع

ربنا يكرمك يارب

ونوووووووورت

صبرني يارب يقول...

البحث عن انا شيء جنوني

يارب تسلم وانت طيب وبخير وهنا يارب

صبرني يارب يقول...

همس الاحباب

تسلم يارب وكل سنه وانت بالف خير وسلام

ahmed_k يقول...

كل سنه وأنتي طيبه يا أم مريم
وعقبال متفرحي بولاد ولادك ويردولك وفائك لجداتك بوفاء

Rainbow يقول...

ربنا يخليلك ولادك وتفرحى بيهم دايماً

وجدة حضرتك اسمها ايه بقى يمكن اطلع قريبتها ^_^

ربنا يخليلك كل أمهاتك يارب

صبرني يارب يقول...

احمد كيه

الله يكرمك يا استاذنا نورتنا يارب

صبرني يارب يقول...

زهرة الامل

يا حبيبتى ربنا يكرمك

جدتى من عيلة الخولي يا جميل لو انتى من عيلة الخولي يبقى قرايب على طول
هههههههههههههههههه

انتى اكيد من المنصوره

نورتي يا جميل

hasona يقول...

السلام عليكم
كل سنة وانت طيبة

وكل سنة وكل امهاتك بخير

وكل سنة وكل أم في كل مكان بألف صحة و تفضل في حضن أولادها دايما

تحياتي

كيــــــــــــارا يقول...

عارفه اني مقصره بس والله غصب عني

كيــــــــــــارا يقول...

كل سنه وانتم طيبين انتي بونوتك الرقيقه ربنا يحميها ويوفقها وكل سنه ورضا طيب يلا بالمره مع انه عيد ام
كل سنه وانتي طيبه ياثكر

حسن حنفى يقول...

كل سنه وكل ام طيبه

اللي مش يقدر قيمه والدته ويعطيها حقها مش يستحق عطفها وحنانها عليه

صبرني يارب يقول...

حسونه

الله يكرمك يارب وكل سنه وانت بالف خير وسلام

صبرني يارب يقول...

حسن حنفي

قول ما يستحقش يعيش والله

نورت يا باشا

صبرني يارب يقول...

كيارا

وانتى طيبه يا قمر ربنا يكرمك

يا قلبي مش موضوع مقصره انتي بس بتوحشينى ربنا معاكي يا جميل

بس خلاص ... يقول...

كل سنه وانتى طيبه يا ام مريم .ز ربنا يخليلك مريم وابو مريم واخوات مريم وجدات مريم الغاليين
جميل جدا منك الوفاء العظيم ده
كل سنه وكل حبايبك بخير وجزاكى الله كل الخير انا باسمع معاكى الاغنيه اهه

Om HAGAR يقول...

يا سلاااااااااااااااااام يا صبرني خلتيني شفت مستقبل بنتي هاجر.

أنا متأكدة انها كمان هتطلع متعلقة بجدتها اللي هي والدتي زيك كدا بالضبط لأني بشتغل و كل يوم هي عند جدتها هي عمرها دلوقتي سنتين و 3 شهور.

دي من دلوقتي ساعات بتناديلها ماما و الساعات دي كتيرة على فكرة بس أنا بحاول ماعترفش بدا علشان مغيرش.

ربنا يخلي لك كل ماماتك الموجودين يا رب و يجعل مثوى كل ماماتكك اللاتي توفاهم الله الجنة إن شاء الله.

و كل سنة و انتي طيبة ما انتي كمان ماما و لا ايه؟؟

Om HAGAR يقول...

يا سلاااااااااااااااااام يا صبرني خلتيني شفت مستقبل بنتي هاجر.

أنا متأكدة انها كمان هتطلع متعلقة بجدتها اللي هي والدتي زيك كدا بالضبط لأني بشتغل و كل يوم هي عند جدتها هي عمرها دلوقتي سنتين و 3 شهور.

دي من دلوقتي ساعات بتناديلها ماما و الساعات دي كتيرة على فكرة بس أنا بحاول ماعترفش بدا علشان مغيرش.

ربنا يخلي لك كل ماماتك الموجودين يا رب و يجعل مثوى كل ماماتكك اللاتي توفاهم الله الجنة إن شاء الله.

و كل سنة و انتي طيبة ما انتي كمان ماما و لا ايه؟؟

Om HAGAR يقول...

بصي صحيح يا صبرني يا ريت لو تشرفيني بزيارة مدونتي و تبقى دي بداية لصداقة أعتز بيها.

آخر تدوينة عندي عن يوم النظافة المصري يوم 10 أبريل يا ريت لو تقرأيه و تنشريه عندك و بعدين كل اللي بيزوركي هم كمان ينشروه علشان زي ما انتي عارفة النظافة دي من مبادئ ديننا قبل ما تكون سلوك حضاري مش كدا و لا اييييييييييييييه؟

و ربنا يجعله في ميزان حسناتنا جميعاً اللهم آمين