الخميس، 10 يونيو 2010

توليت الرئاسه ... وهاشهيصكم

اصدقائي اعزائي رفقاء الكفاح

احب اقولكم انى مسكت الرياسه بصحيح  زي ما وعدتكم

هاتشوفوا ايام .... لووووووز

اه الرياسه بس مش بتاعتكم الى بتتخانقوا عليها
لا ده احنا عندنا حاجه جديده على نضافه

الرياسه على الليالي المصريه

هاشرح سريعا فكرة الليالي المصريه عشان تقدروا تتابعوا معايا

الفكره بدأها الدكتور اسلام زي ما قلتلكم من بوستين فاتوا
وهى الفكره على شرف الراحل العظيم اسامه انور عكاشه الى كلنا اتربينا على حكاويه

والدكتور اسلام قال
هانعمل احنا ليالي مصريه
بس هانتداولها كل واحد يكتب فيها حلقه بنفس الاشخاص وتسلسل الاحداث
وطبعا أي حد عايز يكتب يدخل بس يقول انا عايز اكتب وبينزل اسمه فى جدول الكتابه

وطبعا الى مش هايقدر يكتب يعتذر قبل معاده ب 48 ساعه عشان نتصرف احنا
(ايه رايك يا دوك ده اول قرار احادي للريس )

الدكتور اسلام بقى فجأه كده حب يدبسنى
وقال انا هاعمل تداول للسلطه وكل واحد يستضيف الليالي فى مدونته ويستلم القياده
وطبعا انا دايما عشان طويله شويه بيلقطنى اول الصف
هههههههههههههههههههههههههه

المهم
بالنسبه للحلقات السابقه هاتشوفها عند الدكتور اسلام  هنـــــا   عشان تقدروا تكلموا معايا هنا من اليوووم بس اخر اليوم يعنى

وهايبقى ليا الشرف انشر اول حلقه عندي بقلم دكتور اسلام ايوب

وعشان المؤلفين ما يتوهوش مني

انا هاعمل بوست  كمان قبل ما ابدأ النشر هالخص فيه ملامح الشخصيات وزمن القصه وكده يعنى

عشان كمان نحافظ على قوام القصه ما تبقاش مولد

تحياتي لكم يا شعبي الحبيب الجميل المهاااااااااود

والى اللقاء بعد وصلة نوم بقى
ايه ده حد يصحى فى نص النوم يكتب بوست وينام تاني
ناس غريبه

هناك 20 تعليقًا:

mrmr يقول...

ربنا يكون فى عونك يا ريس
ويجعلك زخرا لنا
أ
أ
أ
واخيرا
المنحه يا ريس
هههههههه

غير معرف يقول...

ربنا يستر
هقرأ كله بعد مخلص امتحانات ويمكن تعجبني وادخل معاكم في الجدول
بس دماغي تفك من التكاليف والاقتصاد والهم ده
دعواتك بقي
اوعي تنسي
سلام مؤقت ياريس يامز انت

سواحة يقول...

لسه كنت حقعد اهتف و اقوم لا شجرة لنا الا شجرة الدر
دردردرددردرددردرددردردرد
:-) و شوية حركات كده
جايز نستفيد بحاجة :-) طلع نقبى على ليلة :-))
ايه فكرانا كلنا شهريار يا شجرة الدر
و بعدين لو شهريار كا زمانك حطيتى رقببته تحت السياف مش قعدتى تحكيله حكايات :-)

و بعدين انا بتكتبى بوستات و انت نايمة
لا متمكنة يا دردر:-)))))

خواطر شابة يقول...

عزيزتي ندى احنا حنبتديها بشعبي الحبيب الجميل المهاود انت ناوية تطمعي في الرئاسة ونحتار ازاي نقومك من على الكرسي ولاايه ههههه
اعجبني اقتراحك في مدونة الدكتور اسلام بالجمع بين حسنات التداول بين المدونات وفي نفس الوقت ارشفة الحلقات في مكان موحد وهكذا نضمن عن طريق التداول توسيع دائرة المتابعين بحيث نكسب كل مرة قراء وزوار صاحب المدونة مستلم الرئاسة وفي نفس الوقت الرئيس الجديد يمكنه ان يحيل قراءه على رابط واحد فيه كل الارشيف القديم بدل ما يقعدوا ياولداه يلفوا بين المدونات انا معاك يا ست الريسة
ايضا احييك على اول قرار أحادي اتخذتيه حلو الربط والضبط مطلوب برضه
تحياتي وودي وتمنياتي بعهد زاهر ان شاء الله

shimaa elkholy يقول...

مرمر

منحه؟؟؟
احنا هانبدها كده من اولها داخلين على طمع
هههههههههههههههه

shimaa elkholy يقول...

غير معرفه


يا بت اعمليلك اسم بقىىىىىى

وبعدين ايه يا بت يمكن تعجبنى دي

طب ايه رايك بقى انتى الى مش هاتعجبيها
ههههههههههههه

مالها يا اختي التكاليف والاقتصاد ده عسل والنبى
وخلصي الامتحانات بتاعتك الجملي دي بقى

وحلوه يا ريس يا مز دي
ههههههههههههه

يلا خلصي وتعالى

shimaa elkholy يقول...

واندتي

طب اهتفيلى شويه ينوبك ثواب يا اختي

اه تقصدي جت فى بالي حكاية شهريار العصر دي انه كان هو الى هاتقتل ويتعمل كوفته كمان
ههههههههههه

واه والله قمت اصلي الفجر ايدى كلتنى اشوف عملوا ايه فى موضوع الليالي وقررت انزل البوست بقى واكمل نوم
ههههههههههههه

shimaa elkholy يقول...

خواطر شابه
ههههههههههههههههه

ايوه يعنى هى جت عليا وبعدين انا باقول شعبي الحبيب اهو ادلعكوا اكتر من كده ايه

تحياتي ليكى وفعلا هو ده الى احنا نقصده من التداول

وان شاء الله خلاص اتفقت مع الدكتور اسلام هارسي قواعد الحكم وارتب معاه قصة المدونه الجديده دي


ومرسيى على زاهر والنبى يا اختي
ههههههههه

نورتي يا خواطر

ربنا يخليه د اسلام هايجبلي بقى كل الناس الحلوه عدي

هيه هيه

richardCatheart يقول...

شهيصنا وبهيصنا ياريس

دى انتى رئيس والنعمه كويس

الميزه الحقيقيه اللى محدش واخد باله منها غيرى

انك اكيد هاتقومى بالواجب
وتنزلى البرمات بقى والمشويات والمحمرات والمشمرات مش ريسنا واحنا شقينين فى الكتابه
ولا هاتعملى زى الكبير المخلل شقينين وهو وابنه مجوعنا ربنا يخليكى ياندى مش عايزين ثورات فى اليالى


ربنا يقويكى
وانا متاكده انك فعلا هاتعملى شغل ممتاز
واولها موضوع تلخيص الحلقات دا للناس الجديده

الله معاك خايتى هههههههههههه

خواطر شابة يقول...

بلاها نادية خذي سوسو
بلاه زاهر يالله خلبي عهدك مزدهر ومليء بالانجازات ولما تيجي فترة رئاستك تنتهي كلنا نخرج نهتف ونقول لك لاتتنحى لاتتنحى مش احنا شعبك الجميل الحبيب المهاود ههه

shimaa elkholy يقول...

قطه

اااااااه قولوا كده بقى
داخلين على طمع بقى

هههههههههههههههههههه

لا بصي انا مش جايلي نفس خالص للمطبخ الايام دي

بالعافيه باطبخ للعيال مش عارفه ليه

عموما يا باشا نعملك مخصوص

shimaa elkholy يقول...

خواطر


وهو انا اعترضت على سي زاهر

بس عادي نخليها زاهر مزدهر ا لاثنين اصل انا طماعه

لا والنبى بلاش لا تتنحي دي

ده انا حجزت المنتجع الى جمب اسلام دفعت العربون تحويشة العمر على ما نبقى نقلب السبوبه بقى
ههههههههههههههههههههه

خواطر شابة يقول...

انا هاعمل بوست كمان قبل ما ابدأ النشر هالخص فيه ملامح الشخصيات وزمن القصه وكده يعنى عشان كمان نحافظ على قوام القصه ما تبقاش مولد"
نحن في انتظار التنفيذ ليبدي الجميع ملاحظاته ان كان هناك موضع لها فالكمال لله وحده جل من لايسهو لننتقل لمرحلة النشر للحلقات الجديدة فنحن متشوقون لمعرفة ماذا حدث لميار ومن معها
دمت بكل ود عزيزتي

أنا - الريس يقول...

مية مسه
امال انا اعمل ايه
أأشر بصل
وازاي اشترك
في الهدف
واوصيكي الحكم يبقي
بالشوري والديمو
مش بالديكو
ماشي
تحياتي

Remas يقول...

بجد رؤساء عسولين خالص خالص

سواء انتى او دكتور اسلام وخواطر بعد كدا ان شاء الله

مدلعينا يعنى بصراحة اخر دلع

ولو انى بقلق من كلمة شعبي المهاااااود دى جدا ههههههههههه


بصراحة كل اقتراحتك انت ودكتور اسلام حلوة اوى وهاتفيد الموضوع جدا


وايوا ممكن بئا بعد الكلام الحلو دا تعملى لى بلح الشام

انتى طبعا عارفه انى بعمله كويس جدا جدا هو واى حاجة في المطبخ ههههههه
بس احب بردو اتعرف على طرق الغير
هههههههههههههههههههه

في انتظار الحلقات الجديدة والتغيرات الى حاسه انها هاتحصل

ووحشتينى ياتوتة

shimaa elkholy يقول...

خواطر شابه

عمر ما شوفت شعب بيتامر كده الحقيقه

وما تقلقوش النشر فى معاده النهارده اخر الليل

shimaa elkholy يقول...

بريزنت

تحت امرك يا باشا

اقرا القصه وقولي عايز اشارك وانا احطك فى الجدول على طول

عونيه

ديمو اماااااال لا اماااااال طبعا

shimaa elkholy يقول...

ريم

حياتي

اجيبلك بلح الشام ونخل الشام كله ولا يهمك
تصدقي كنت عاملاه من كام يوم بس قرفنى فى عشتي ومش باحب قليته انا

قلت مش عاملاك تاني يا عم انت مالها لقمة القاضي

انتى كمان وحشتنى يا لولو انت فينك النهارده

أبو ريان يقول...

هشتكنا وبشتكنا يا ريسس..
فكرة ضبط الوقت ونشر فكرة عن الشخصيات جيدة..
فكرة التغيير ككل تمنح الليالي نكهة مختلفة..
بالتوفيق

shimaa elkholy يقول...

متشكره ابو ريان ربنا يخليك