ليالي مصرية
الحلقه الثانيه عشر
بقلم : ندى الياسمين
ميار راحت الشركه الصبح وكلها قوه واصرار
واول حاجه عملتها
كتبت طلب نقل للمركز الرئيسي للشركه
ميار وهى داخله الشركه قابلت كتير وشافت تشفي فى عيون بعض زملائها
وشافت شماته وشافت سخريه وشافت كمان اشفاق من قليل منهم
بس هى ما سألتش فى كل ده
ومشيت راسها لفوق زي زمان واكتر
ودخلت مباشرة على المدير العام وقدمت له الطلب فى البدايه المدير رفض واستغرب
لكن هى اصرت على طلبها وحاولت تستخدم اسلوبها الخاص فى اقناع المدير
وده خلى المدير يقولها طب سبيلى الطلب يا ميار وهارد عليكى بكره
وراحت ميار مكتبها وقعدت تشتغل بكل ثقه مفتعله ولم تتحدث فى شيء مما سبق
ولم تعطي الفرصه لاحد يتحدث اليها
وبعد الشغل ... راحت ميار تشتري هدوم جديده مش هدوم بس كل حاجه ومش أي حاجه حاجات فوق فوق اوي بكل الى معاها مش مهم
المرحله الجديده محتاجه كده
المرحله الجديده فوووق ولازم تكون هى مستعده
وتاني يوم لما راحت الشركه بعت لها المدير واشر على الطلب بتاعها بالموافقه وبدون أي كلام عن اسباب لان كان وصله شويه همس عن الى حصل فى بيت ميار
دعاء عنيها النهارده دبلانين ... ما نامتش بقالها يومين بتفكر
لا مش بتعد النجوم مش بتحب حازم للدرجه دي ما لحقتش هى بس اعجبت به
وزي أي بنت شافته فارس الاحلام
انما الموقف كله بتفكر فيه
ياترى حازم هايرجع فعلا زي ما امها قالت لها
يا ترى هى بالنسبه لحازم كانت ايه ؟ مجرد اعجاب سريع ولا كانت حلم ولقاه وعنده استعداد يتمسك به
طب لو رجع هى هاتقدر تكمل معاه ؟؟
هايبقى شكل العلاقه بينه وبين ميار ايه ؟؟
يا ترى ميار هاتضايق ؟؟
يا ترى هى ليه اتصدمت من انه حازم جاي يخطب دعاء
وتفتح عنيها دعاء اوي
ويجى على بالها ان جايز ميار كانت فاكراه جاي يخطبها ؟؟؟
وتهز راسها دعاء وتتنهد وتقول استغفر الله العظيم يارب وتسمع اذان الفجر وتقوم تصلي الفجر
ويادوب عنيها تغمض نص ساعه قبل معاد الكليه
احمد فتح عنيه الصبح لقى محمد لابس ونازل : على فين يا محمد بدري كده
محمد : نازل ا لمستشفى طبعا يعنى هاروح فين ...انت اخبارك ايه النهارده ؟
احمد : لا انا كويس اوي .. بس انا كنت عايزك فى موضوع كده ..
محمد : خير يا حموته قول
احمد : اهو هو ده .. انا مش عايز ابقى حموته تاني ...
محمد : طب ياعم مودي تمشي معاك ؟
احمد : لا ولا مودي انا عايز ابقى احمد . احمد وبس
محمد : اه فهمتك يا احمد .. طيب يا احمد وهو احنا نكره كلنا نفسنا نشوفك احسن الناس
احمد : انا عارف بس اعمل ايه غصب عني ساعة لما الدنيا بتقفل فى وشي باروح القهوه وغصب عني باتلم على الشله اياها
محمد : انا هاساعدك يا احمد بس تخليك راجل بقى واد المسؤليه المره دي
احمد : صدقنى المره دي حاجه تانيه ... جربنى بس
محمد : ماشي يا احمد .. هاقولك على حاجه انا فى واحد صاحبي ابوه عنده ورشة موبيليا كبيره اوي
انا هاسالهولك النهارده لو ينفع تروح تشتغل معاهم . انا عارف انك بتحب شغل الخشب
فاكر البرواز الاركت الى عملتهولي لما نجحت فى الثانويه العامه كان جميل اوي انت فنان فيه
احمد : ايوه طبعا فاكره وياريت ينفع اروح الشغلانه دي وان شاء الله هاتشوفوا احمد جديد
محمد : ماشي توكلنا على اقوم انا بقى اصل اتاخرت
احمد : محمد ما تسبنيش يا محمد ... ما تسبونيش كلكم انا عايز ابقى كويس
محمد : ابدا مش هانسيبك طبعا انت عبيط ولا ايه نسيبك ده ايه .. يلا كمل نوم .. ريح النهارده شويه من بكره مافيش كسل تاااااني
ميار تاني يوم راحت تستلم الشغل الجديد فى المقر الرئيسي للشركه
وراحت على الموظف المسؤل الى بص فى ورقها وقالها بس ده احنا عندنا استكفا فى قسم المحاسبه يا انسه ميار
ازاي وافقولك على النقل ده
ميار باستغراب : ازاي ده ؟
الموظف : طيب انا شايف انك بكالريوس محاسبه وادارة اعمال ايه رايك تشتغلى فى شئون العاملين ..
اقتضبت ميار : وقالت ما اشتغلتش قبل كده اداري ... وبعدين انا كنت طالبه نقلي لمكتب رئيس
الموظف : والله يا انسه ميار انا هارفع ورقك لمكتب رئيس مجلس الاداره وهما يشوفوا هايعملوا ايه .
ميار فكرت ثانيه وعنيها نورت .. وقالت ياريت والله
هناك 27 تعليقًا:
اول تعليق أأأىىىىىىىىىى
الله ينور عليكى ياست الريسة ...كدة تمام بدأنا نظبط... التطوير كدة فى محلة بالنسبة لميار واحمد ودعاء ... والنبى مش عايزين طربأة تانى ...
الله ينور
مية مية
تسلم الايادى يا جميل
الحلقة هادية وجميلة
ميار دى شغلوها فى الارشيف
انا مش بحب الناس الخنيقة دى بتجيبلى ارتكاريا
هههههههههههههههههه
ايوا كدا ياقمر
انتى بجد باتوتة كدا هديتى خالص الاجواء ومهدتى ان يكون في مرحلة جديدة
حلوة الحلقة وعسوله
انتى فييييييين ؟؟
وحشتينى
aasif 3andi mchkil fil 3arabi..
halaqa jayyida ya nada..
teslam idiek
الهدوء يسود لكن ربما فقط الهدوء الذي يسبق العاصفة فميار هدفها امام عينيها وتسير نحوه بخطى تابثة
حلقة جميلة ذات رتم هادئ يسلم قلمك
تجياتي
حنعيش يعنى حنعيش
يا فندم من بعض ما عندكم
ولو حد طرأبها تاني بصراحه هاعضه بقى
هههههههههه
ستار
ينور عليكى يا جميل
حاجات جوايا
هههههههههههه فكره برضه
ريم
ايوه باروق لكم الجو اهو اشتغلوا بقى
انا فى الدنيا
يا ريم
والله انتى كمان وحشاني
ابو ريان
تسلم يارب
طب صلح المشكله قبل النشر بتاعك بقى
خواطر شابه
اينعم يلا ورونا العواصف يا بهوات
ههههههههههه
لخصي
في الاخر هيموتوا ونخلص
مصري جدا
كلنا هنموت انت مستعجل على رزقك ليه
متابع
مصري جدا
عايز انت تدمر المنطقه
لا ياعم مش هايموتوا خالص دلوقتي
ها بقى
حد فاهم
اوك منور
ممكن نقول قصاصة ماهرة او اسامة انور عكاشة في ثوب قشيب
عبد الجليل
مع انك لخبتينى شويتين
بس بالتوفيق وتبقى صاحبه الشركه كمان
بجد ربنا يوفقك
تحياااتى ومودتى
ثقافة الهزيمة .. حلوة يا بلدى
فى كتاب داخل مصر"Inside Egypt": أرض الفراعنة على شفا الثورة الذى صدر عام 2008 يقول كاتبه الصحفي الأنجليزي جون برادلي عن مستقبل مصر أنه على رغم من بعض النجاحات الاقتصادية ألا أن توزيعها تم على من أرتبطوا بالنظام فقط دون أن يصل ذلك لباقي الشعب مما أدى"زيادة الحنق" بين المصريين. ويشير الكاتب إلى رؤيته في زياراته المتكررة لمصر كيف مثلا أن عدة ملايين من الثروة المصرية تنفق لأنشاء المصارف وتقديم المياه للقرى السياحية والفنادق الفاخرة التي يستخدمها السياح الأجانب والأغنياء المصريون فقط "في حين يموت الألاف المصريين كل عام نتيجة تلوث المياه التي تصل لهم"...
باقى المقال ضمن مقالات ثقافة الهزيمة بالرابط التالى www.ouregypt.us
و لايفوتك زيارة صفحة من الشرق و الغرب فى نفس الرابط و به الكثير من المقالات الجيدة.
الله ينور ديما ظبطه الملح ياندود تسلمى
والله جميل واحدثها فرشه حلو للجاى
تحياتى ياسكره
استاذ عبد الجليل
ربنا يخليك متشكره اوي
مش اوي كده يعنى
ولا ربع كده حتى :)
تحياتي يا فندم ونورتنا
سولو
ليه بس لخبطك
ده انا ماشيه اهو تاتا تاتا فى هدوء
عموما نورت يا فندم
الغير معرف
مش الى يلزق اعلان يستأذن صاحب البيت الاول يا ريس ولا ايه
ماشي ياعم
قلب القطه
تسلمى يا جميل ربنا يخليكى
لما نشوف ميار هاتعمل ايه
ليه ما بعتتليش الجزء وانا كده هاطبق عليها العقوبات
طريقة العرض مميزة وراسية .. تحية لك.
(حملة الجسد الواحد)
أرجوا من المدونين الموقرين أن يضعوا شعار الحملة في الشريط الجانبي لمدوناتهم تضامنا مع أمة محمد !!
صورة الشعار .. في مدونتي كركر .. ويكتبون فوقها ..
(حملة الجـسد الواحـد)
رابط المدونة
http://krkr111.blogspot.com
جعله الله في ميزان حسانتكم .. آمين
إرسال تعليق