الخميس، 24 يونيو 2010

دستور الليالي المصرية + تحديث

دستور الليالي المصرية

ماده رقم 1 :
ليالي مصرية قصه مصريه تدور احداثه بابطال مصريين وتم البدء فيها  على شرف الراحل اسامه انور عكاشه وهى مجموعة قصصيه كل قصه 30 حلقه

ويتم اختيار كل قصه جديده بطرح افكار من كل من يريد كتابة اول حلقه وعلى الرئيس اختيار الفكره المناسبه .

ماده رقم 2 :
ممنوع منعا باتا استخدام الفاظ خادشه للحياء او خارجه عن حدود اللياقه

ماده رقم 3:
ممنوع التعرض للاديان والمعتقدات بالسب او السخريه

ماده رقم 4:
ممنوع كتابة حلقتين متتاليتين لنفس الشخص

ماده رقم 5:
يتطلب تغيير اي ماده من مواد الدستور عمل استفتاء حقيقى مفتوح التصويت لكل المشاركين فى كتابة ليالي مصريه وتتولى السلطه القضائيه اتمام الاستفتاء

ماده رقم 6:

على كل من يتاخر فى تسليم حلقته المعنى بتاليفها ان يقدم اسباب للسلطه القضائيه والا وقعت عليه العقوبه  والتى ادناها كتابة اسمه فى اللوحه السوداء على السايد بار فى المدونه و اقصاها الحرمان من الكتابه لمدة عشرين حلقة لاحقه
وفى حالة التكرار يحق للسلطه القضائيه فصله نهائيا من الليالي

ماده رقم 7:
اختيار الرئيس يكون بالانتخاب من المرشحين وحق التصويت مفتوح للجميع مشاركين وقراء


ماده رقم 8:
المرشح للرئاسه يجب ان يكون سبق له الكتابه فى حلقات ليالي مصريه مرتين على الاقل واخر مره فى خلال شهر سابق على الترشيح
 وان لا يكون سبق له تولي الرئاسه لفترتين سابقتين على الاقل

ماده رقم 9: الفتره الرئاسيه مدة عشر حلقات من الليالي (ولا تحبوا نعملها اكتر ولا ايه )

مادة رقم 10 : بعد انتهاء الفتره الانتقاليه برياسة خواطر شابه تنقل الليالي لمقر ثابت بمدونه خاص بها يتولى الاشراف عليها وتسليم السلطات عليها د. اسلام ايوب حنعيش يعنى حنعيش

ماده رقم11 :

باب الاقتراحات والافكار مفتوح للجميع دائما

هناك 23 تعليقًا:

shimaa elkholy يقول...

طبعا الدستور ده انا كتباه من عندي

ولسه مش نهائي لما الدكتور اسلام يدينى رايه

خدت من د اسلام اقتراحات بس لسه التعديل فيه ممكن بدون استفتاءات ولا حاجه لما نقر الدستور بقى اي تعديل فيه يبقى باستفتاءات وموال ده انا هاقطعكم


كله يقول رايه يا جماعه من فضلكم

shimaa elkholy يقول...

نداء الى سايكو هانم

لو ما ظهرتيش لحد بكره الظهر هاكتب انا البوست وانا ما باصدق

mrmr يقول...

بالرغم من انى ماليش حق القبول او الرفض فى مواد الدستور
لكن انا ح اغلس واقول رأيى وامركم لله
انا موافقه على كل مواد الدستور
ما عدا ماده رقم 6 فهذا عقاب شديد
لا يستحق ان يحرم 20 حلقه افرض يعنى الشخص المعتزر كان عنده ظروف خارجه عن ارادته تحكموا عليه كده
ده حكم ظالم
اتمنى ان تعيدوا نظر فى الماده 6 من دستور الليالى المصريه
تصبحى على خير

shimaa elkholy يقول...

مرمر

لا حبيبى انتى ما فهمتيش

العقوبات دي فى حالة انه ما اعتذرش وما قدمش اسباب والامر فى ايد السلطه القضائيه

بس كده
وطبعا ليكى حق تتكلمى يا جميل امال ايه بقى

حنعيش يعنى حنعيش يقول...

تمام ياست الريسة ... دستور مايخرش المية
المادة 8 حلوة قوى ... المادة ستة مفترية قوى
المادة سبعة بقى مش عارف لية حاسس كدة انها شبة مادة شوفتها قبل كدة بس كانت سبعتين حنب بعض مش سبعة واحدة ...

خواطر شابة يقول...

حلو الصباح ده الواحد يصجى من النوم يلاقي نفسه اتعين في الهيئة الاستشارية بركاتك يا ست الريسة ههه
اقتراحاتي بالنسبة للموضوع
1 الليالي مصرية والاحداث تدور في مصر بشخوص مصرية هذا مؤكد ومتفق عليه واساس القصة كلهالكن هذا لايمنع امكانية ادخال عناصر اخرى كأن يسافر احد الابطال أو قدوم شخص من دولة تانية لا تقفلي هذا الباب
2 انا معك
3 انا معك
4 انا معك
5 انا معك
6 العقوبة قاسية جدا 20 حلقة عدد كثير يجب التفكير في شئ ظريف ومفيد للاخرين لااعرف ماهيته بالضبط لكن اكيد سنجد كأن يكلف بالكتابة في مدونته عن موضوع معين او أشياء من هذا القبيل يتحقق فيها الامران هي عقوبة وفي نفس الوقت افادة للاخرين
7 ماهذه الديموقراطية ثلاثة اشخاص يمثلون 50 في المائة من الاصوات انه احتكار مقنع للسلطة ههه
8 انا معك واصلا المفروض ان يكون كتب اكثر من مرة وليس فقط مرة واحدة
9 انا معك
10 انا معك
تحياتي للجميع

richardCatheart يقول...

فله شمعه منوره
حاجه موز موز موز

تحياتى

غير معرف يقول...

دسـتور بقى وبتـاع
هههههههههههههههه
حلوة طريقة الكتابه عجبتنى :)
نيجى بقى للدستور

مادة رقم 6 مقتنعة فيها برأى خواطر
ممكن يتم التصويت عن موضوعات معينة يكتب فيها ( المُذنب )فى مدونته عن طريق هيئة المحلفين زى فى القضاء الأمريكى كده :D

مادة رقم 7 اعترض على جزئية الهيئة الاستشارية دى :)

والباقى الله ينـور..

خواطر شابة يقول...

منار
انا معك الهيئة الاستشارية معناها مصادرة للسلطة ورقابة على اختيارات المشاركين بطريقة غير مباشرة مما يضرب اساس الديموقراطية الذي تقوم عليه فكرة الليالي

shimaa elkholy يقول...

الله عليكم

حلو حلو حلو حلو

جميله بجد ملاحظتكم


والبند السابع ده انا عاملاه تفصيل الحقيقه
عشان اسمع رايكم

عشان اسال الدكتور اسلام راضي عن الى هما عاملينه فينا

استفتوا وقولوا رايكم واحنا ادينا على راسكم ؟؟

عشان تفضل خيوط اللعبه دايما فى اديهم

بالنسبه للعقوبه حاضر هادرجها

طبعا الانتخاب هاغيره وهايبقى انتخاب حر بس هاغير شروط الترشيح

خواطر طبعا البند الاول لا يمنع ابدا ابدا اننا ندخل اشخاص من بره او جزء من الاحداث يدور بره

انما ما نعملش قصه لواحد هندي عايش فى السنغال يعنى

ده المقصود

غير معرف يقول...

ماده رقم 6:


على كل من يتاخر فى تسليم حلقته المعنى بتاليفها ان يقدم اسباب للسلطه القضائيه والا وقعت عليه العقوبه والتى ادناها كتابة اسمه فى اللوحه السوداء على السايد بار فى المدونه و اقصاها الحرمان من الكتابه لمدة عشرين حلقة لاحقه
"وفى حالة التكرار يحق للسلطه القضائيه فصله نهائيا من الليالي "

يالهوى ايه الافترا ده براحة شوية علينا ياريسة
___________________

ماده رقم 9: الفتره الرئاسيه مدة عشر حلقات من الليالي (ولا تحبوا نعملها اكتر ولا ايه )

فى رأيي انها فترة مناسبة

____________________

معايا فكرة..

ممكن نضيف مادة جديدة وهى ان كل مشارك فى ليالى مصرية لازم يكتب اعلان فى مدونته عن فكرة الليالى ومتكونش فى بوست ينزله فى مدونته لا يحطها فى السايد عنده بحيث انها تكون موجوده دايما لغاية ما تنتهى فترة الليالى فى حالة لا قدر الله تم فصله طبقا للمادة 6 ( اللى انا مش حبيتها ) أو لاى سبب من الأسباب ليه الحق فى انه يشيل الاعلان

ودمـتم :D

shimaa elkholy يقول...

منار

بصي يا جميل
انا موتي وسمي عدم الاهتمام والاهمال وعدم احترام الاخرين

انا عن نفسي مهتمه بالفكره وشايفاها حلوه ومعاد النشر عندي كان مقدس باسيب الى فى ايدى واجي انشر الحلقه

مش معقول اساوي ا لملتزم بالى واخدها لعبه

انا باكره الاهمال والاستهبال

والعقوبه مدرجه واقل عقوبه سهله يعنى ما تعتبرش عقوبه

والقضاء بقى يقول كلمته

اللى انتى بتقوليه ده هانعمله طبعا

بس اصبروا عليا لما ارجع من السفر وانا اعمل بنر حلو والى عنده بنر يجبهولي برضه مافيش مشكله

وطبعا كل المشاركين والى مش مشاركين ويحبوا يحطوا البانر عندهم مافيش مشكله

تقصدي فكرة الزام مش عارفه مش حباها

الانتماء ما بيتفرضش
لازم يكون نابع من الشخص نفسه

منوره يا منار

shimaa elkholy يقول...

لاخر مره نداء لسايكو هانم الى انا ما اعرفش مدونتها فين

انا اول ما ايدى تفضى هاقعد اكتب الحلقه انا وقلتلكم ما باصدق انا والله


اظهري بس قولي انك عارفه دورك

ولا حد يروح ينده عليها ولا اي حاجه

حاجات جوايا يقول...

حلو الدستور ده يا ريسة

وجميل جدا ان الحلقات هتبقى 30 حلقة بس
كفاية اوى فعلا
بقترح ان كل 30 حلقة يبقى ليها اسم مختلف فى الوقت اللى كلهم يندرجوا فيه تحت ليالى مصرية

يلا عالبركة

-----------------
اقتراحات اخرى من وحى الدستور
--------------

اللى يتأخر عن كتابة الليالى يتم سحله و دبحه وتشفيته وفرمه وبيعه .. اصل اللحمة غالية الايام دى
واهو يبقى استفدنا منه بحاجة

او نحشرله فى بقه لفافة بانجو ويموت باسفكسيا الخنق

او نركبه مركب ونطلعه على ايطاليا فى هجرة غير شرعية .. ويموت فى عرض البحر قضاء وقدر

بقولك ايه يا ريسة
ما تغيرى كلمة الدستور دى ربنا يخليكى بحاجة تانية
معاهدة
اتفاقية
اصل كلمة دستور دى بترتبط ارتباط شرطى بالطوارئ والتزوير .. والمصريين بقى عندهم حساسية منها

نقول ايه
منهم لله اللى عقدوووونا


تحياتى يا قمر

غير معرف يقول...

لا كويسه انا موافقه :)

ربنا معاكي يا ريسه ... ويخليكي لينا انتي والريسه الجديده ..

بس ايه دوله النساء دي :) ..

تحياتي

خواطر شابة يقول...

عزيزتي
المادة ليه مصرة على الرقم 20 حرام عليك كثير ده كأننا بنحكم عليه بالاقصاء النهائي انا اقترح انه يكون معندوش الحق يكتب خلال فترة الرئاسة اللي ما التزمش فيها ولما تتغير الرئاسة يسقط الحكم الا في حالة التكرار وقتها يمكن تشديد العقوبة
المادة 9 انا معها كل عشر حلقات يكون هناك تجديد ومافيه لا تمديد ولاثوريث ولا تزكية ههه
تحياتي لسيادة الرئيسة ولشعبها العزيز المهاود

حنعيش يعنى حنعيش يقول...

موافقة

shimaa elkholy يقول...

لا يا خواطر انا باحب الالتزام

وبعدين انا مدرجه العقوبه وشايفه انها كده عادله

وعموما الراي فى الاخير هايبقى للقضاء

الى هو الدكتور اسلام

shimaa elkholy يقول...

اوك يا دوك

هادي فرصه للكل يقول رايه لحد نشر الحلقه الجديده وبعد نشر الحلقه نكون اقرينا الدستور بقى

وشكلي كده انا الى هاكتب الحلقه

عندما نحب يقول...

و كمان كاتبه الدستور
طول عمرك جباره و قادره

ههههههههههههههه
وحشتينى يا ست انتى

صيدلانيه
و حاليا حاله ملل

بحبك

جنّي يقول...

السلام عليكم

دستور يا مباركين ..

اولا كنت أتأهب لكتابة اقتراح ووجدته في ذيل التدوينة وهو عمل تدوينة مستقلة حتى لا نحرم من كتاباتك الشخصية ..

ثانيا : فهمت ان من سيكتب القصة عليه تقديم الافكار ( مادة رقم واحد :ويتم اختيار كل قصه جديده بطرح افكار من كل من يريد كتابة اول حلقه وعلى الرئيس اختيار الفكره المناسبه .).. اراه انتقاص من حق الكاتب وهل لو كانت الافكار لا تروق للمشرف او الرئيس تلغى القصة او تعدل ؟ يجب ان يكتب الكاتب بكل حرية ما دام يلتزم بمواد الدستور وخاصة رقم 3

shimaa elkholy يقول...

حالة ملل

يا مجررررمه هاقططططعك انا وحشاني موت

shimaa elkholy يقول...

جني

استاذ سعيد

طيب حضرتك قدم اقتراح ازاي نختار قصه جديده ؟؟؟

يعنى ماهو لازم يكون فى اختيار من الرئيس او جهه

تحب حضرتك يكون الاختيار بالتصويت على الافكار المقدمه ؟؟

ولا تقصد ايه حضرتك بانتقاص من حق الكاتب ؟؟
ماهو لازم لازم يكون فى افكار ونختار منها فكره مش مصادره ولا حاجه
عادي جدا

بس ده هايعتبر تغيير فى الدستور ومحتاج لواحده استفتاء
شكرا لك يا فندم وحضرتك نورت