الثلاثاء، 6 يوليو 2010

كتاب زوجي ما زال حبيبى .... ساره درويش

لسه جايه حالا حالا من حفل توقيع كتاب زوجي ما زال حبيبى  لساره درويش عندنا فى المنصوره فى مكتبة بوك اند بينز

حقيقى سعيده جدا جدا انى روحت واتعرفت على بنوتين عسولين موت ومن اول مره كده حسيت انى اعرفهم من زمان

منونه وساره درويش بجد  حبوبين اوي اوي والحقيقه قابلوني بحفاوه جامده اوي احرجتنى موت  والله

فى الحقيقه انا ما كنتش هاروح لانى ما كنتش اعرف اصلا
ولما عرفت قلت شكل كده ما حدش هناك يعرفنى هاروح  اعمل ايه بقى
بعدين منونه سابتلى رساله وقالتلى عايزه اشوفك وكده
قلت لا بقى نروح يا رجاله
وكمان ابراهيم قالي رايح

الحقيقه كنت فى تدريب الباسكت بتاع العيال والمفروض كنت هارجع البيت البس الحته الى على الحبل بقى واروح بس ما لحقتش الكابتن حبكت معاه يادبهم بربع ساعه سويدى زياده
قمت جبت العيال بقى ورحتلهم بترابي بقى عشان الحقهم الساعه كانت 8 


وكان هناك ابراهيم العدوي  كأنى اتكلم

ومحمد الغرباوي  رحلة بحث

ومحمد متولي بوكيه ورد

يارب اكون قايله الاسامي صح والنبى عشان انا دماغي وحشه اوي والله

وكان فى شباب من طنطا
وكان فى ناس تانيه اكيد كتير بس انا ما اعرفهمش بقى

اتكلمنا عن موضوع بنك الدم الى حكيت عنه لكم البوست الى فات

ومنونه قالت انها هاتنظم لقاء للتبرع بالدم فى طنطا  واديتها الوصايا العشر بقى عشان انا ليا سوابق

وعموما شايفه فى حماسه ربنا يكرمها يارب

حقيقى مبسوطه بكم  يا شباب وبحماسكم وروحكم الحلوه

وربنا يوفقك يا محمد ويثبت اقدامك وتستمر فى موضوع بنك الدم

و ابراهيم كان هايموت اعزمه على كشري بس انا ما رضيتش بقى قلتله ياعم روح نام بقى كشري ايه دلوقتي

الكتاب انا خدت نسخه بس له ما قريتهاش طبعا هاقراها واقولكم رايي ان شاء الله

يا ساره اتمنالك كل توفيق ونجاح ان شاء الله وسعيده انى شوفتك انتى ومنونه بجد

وبس خلاص
كان معاكم مراسلكم من المنصوره 

هناك 27 تعليقًا:

richardCatheart يقول...

يارب ديما متجمعين فى الخير

ومبروك على الكتاب الف مبروك عقبال الكتاب المليون

ومين منونه ؟ منونه بتاعت واحد شاى ولا حد تانى ياعنى اصل لو هى فانا اول مره اعرف انها من المنصوره بردو

وانت ياست انت وحشتينى اوى اوى اوى

انا سيباكى تروقى كده وتظبطى حالك علشان انا عارفه دوشه الاستقرار دى

لما تكونى فاضيه ابعتيلى

عقبال ماتفرحى بالولاد يارب

richardCatheart يقول...

اشطه او تعليق احتلالالالالالالالالالالالالالالالالالالالالالالالال
مالحقتش احتل عند فكره احتل عند ندى
احتتتتتتتتتتتتتتتتتتتتتتتتلالالالالالالالالالالالال
هجووووووووووووووووووووووم

richardCatheart يقول...

درجن درجن درجن درجن درجن درجن درجن درجن



دا طبعا الحصان امال هاحتل على رجلى مايصحش

مساكى ورد ياقمر

sweet angel يقول...

يارب دائما متجمعين في كل خير
وبالنجاح للجميع

قلم رصاص يقول...

ألف مليون مبروك لساره درويش
وعقبال الكتاب التاني والتالت
وعقبال كمان كتب الكتاب ههههههه
ان شاء الله

كان نفسي احضر والله كالعاده ومبطلعش اد كلمتي طببببببببببعا في اللقاءات التدوينيه وتوقيعات الكتب وخلافه

شكرا أستاذ طارق عبد الجابر كبير المراسلين ههههههههههه على هذه التغطيه الحصريه

اما اهرب بقى قبل ما المطوة تطلع

خواطر شابة يقول...

ربي يخلي لنا الراسل بتاعنا فشر مراسلي الجزيرة ههه
مبروك لسارة الكتاب وعقبال القادم ان شاء الله
تحياتي وودي

جنّي يقول...

السلام عليكم

فيكي الخير والله يا ست ندى ودايما مجاملة .. منتظرين تلخيص الكتاب ..

على فكرة عملت تحديث بسبب تعليقك لأن كنت كاتبه بطريقة تحتاج لتشكيل الكلمات فلست انا من اطلب الحجر عليهم بل كان ذلك قولهم ..

shimaa elkholy يقول...

قطتي

والله العظيم وانتى وحشاني يا جميل

منونه درويش والله نسيت اسم مدونتها تصوري ؟

والله فى حاجه عجيبه انا بقيت انسى بشكل اهبل

ان شاء الله يا جميل هافضالكم واقعد بقى ونرغي وكده


ونورتي يا بطه اول تعليق ودرجن دي حلوه موووووووووووت
ههههههههههههههههههههه

shimaa elkholy يقول...

سويت انجل

مرسي يا جميل ربنا يخليكى

shimaa elkholy يقول...

قلم رصاص
اااااه
نعمل فيك ايه بس

ومين طارق عبد الجابر ده يا اخويا

ده يجى ايه جمبي والنبى
ههههههههههههههه

shimaa elkholy يقول...

خواطر شابه

مش كده والنبى يا اختي جزيرة مين بقى
هانمسحهم كلهم

shimaa elkholy يقول...

جني

ربنا يخليك يارب ومتشكره اوي ربنا يكرمك

هاروح اشوف التحديث حالا
وميرسي لانك بتتقبل كلامي انا عارفه ان انا معذباك ودماغي ناشفه
هههههههههههههه

ذو الوجه المبتسم يقول...

مبروك على الكتاب

وبانتظار تكتبي لنا مقتطفات منه

وربنا يجمعكم على خير دايما

تحياتى

sony2000 يقول...

الف مبرووووووووووووووووووك
وبجد كان نفسي اكون معاكو
بأذن الله فالمرات اللي جيه مهو انا فضيتلكو بأ÷:)

فاتيما يقول...

يا مصيتانا ف المنصورة
يا أجدع مراسل
ف بر مصر كلها


الف مبروك لسارة و لولا المسافة كنت جيت و الله كان نفسى بجد ..بس معلش

لو كان الحكاية فيها كشرى
كنت فكرت شوية و شوفتلى صرفة !!
بس طلع مفيهاش أهو


ربنا يوفق محمد ف بنك الدم
انا حاسة ان الفكرة بقت بتاعتنا كلنا
و يا رب تكبر و تنجح و تستمر
يبقى عملنا حاجة توزاى كل اخفاق بنقابله ف الحياة .. على الأقل بنحس اننا عملنا فرق و تغيير و لو بادى صغير لكن بيكبر و يزيد و يبقى حاجة ثابتة بمرور الزمن و كل حلم ابتدى من مفيش


بوسيلى العيال
و سلامى للأستاذ رضا


و خلى بالك من نفسك
و من صحتك بلاش الإفترا ع الذات
بتاع الست المصرية الصميمة
اللى تيجى على روحها
و المهم البيت و العيال


و لا ملوش لازمة أنصح ..
منا عارفة انك مش هتنفذى
و عارفة ان كلامى صح شكلاً
لكن مستحيل موضوعا
لأن دا اوبشن مولودة بيه
البنت ف مصر و لا يجوز ابطاله

بوسات و حضونات
يا ست الصبصوبات

mrmr يقول...

عذرا
لعدم التعليق
فهذه دعوه خاصه
http://jokes-egyptian.blogspot.com/

سارة درويش يقول...

:)) بجد انا انبسطت اوووووووووووووووي اني شوفتك بجد

ومن اول ما دخلتي وعيني جات عليكي حسيت اني اعرفك اوي :)

بجد حبيتك جداً ربنا يسعدك يارب يا جميلة ومبسوطة انك نورتيني :)

shimaa elkholy يقول...

ذو الوجه المبتسم

متشكره اوي يا استاذ ناجي وان شاء الله اقراه بس ونكتب عنه ان شاء الله

نورت يافندم

وعود حميد للبلوج

shimaa elkholy يقول...

سوني

ان شاء الله يا جميل تنورينا فى كل اللقاءات

وبالنجاح اعتقد انك خلصتى امتحانات

shimaa elkholy يقول...

فاتيما

حبيبتى ربنا يخليكى ليا يارب

تصدقي انتى حاسه بيا
تصدقى عنيه اتلمت دموع من كلامك لما حسيت انك حاسه بالى بيجرالي والله

والله غصب عني يا فاتيما يعنى لو فكرت انا اريح نفسي ما حدش بيدينى فرصه والله الكل اخد على كده

مرسي بجد يا فطومه يا جميله يا حبيب قلبي انت بطوط


انا نفسي اعمل لقاء مخصوص فى المنصوره عشان اشوفك انتى وكل الحبيايب

باذن الله بعد رمضان بقى

shimaa elkholy يقول...

مرمر

تمام يا جميل انا شوفته من الصبح واتفقت مع اسامه انى احط بانر عندي للمدونه بس لما يعمله ويدهوني

نورتي يا جميل

shimaa elkholy يقول...

سمو الاميره ساره

ايه ده النور ده عظمتك شرفتينا يا جميل

مبروك يا جميل الكتاب ويارب التوفيق دايما
ومرسي على الكلام الحلو كثفتوني خالث والله

غير معرف يقول...

نشكر مراسلنا في طنطا :)

مبرووووك وعقبال حفل نشر كتابك يا رب

تحياتي

shimaa elkholy يقول...

فتاه من الصعيد

يا بت انا فى المنصوره
ههههههههههه

اصحي بقى
نورتي يا جميل

мαησηα يقول...

انا اسمى مكتوووووووووووووووووووووووب
ههههههههههههههههههههه

ده انا اللى اتشرفت بيكى وانبسطت اوى اوى انى شفتك وغريبة فعلا انى حسيتك مش غريبة عنى حسيت انى شفتك قبل كده وبصيت لسارة ساعتها

عارفة اللى هو بسالها مين دى فكرينى بسرعة ههههههههههههه

انتى زى العثل يا ست الكل وميرسى اوى اوى انك قدرتينا وجيتى ونوريتنا بجد يا حبيبتى

يارب يكون الكتاب عجبك وحاولى تطبقيه يا اوختى وماتقوليش لا خلاص راحت علينا هه

--------------

قطتى

انا منونة اه بتاعة الشاااااااى

ههههههههه

انا قاهرية حبيبتى ولكننى

اترزعت عيشت ف طنطا

عااااااااااااا

مش من المنصورة انا حبيبتى وان كان

يشرفنى ان اكون من الناس الحلوة

الجميلة الجدعة اوى اللى ف المنصورة

shimaa elkholy يقول...

منونه

مرسي يا جميل ربنا يخليكى

والله انا الى اتشرفت بيكى يا قمر

وطبعا لازم اجي امال لا يعنى

منوراني يا جميل

shimaa elkholy يقول...

وايه يا بت راحت علينا دي
فشر يا اختي ما راحتش ولا حاجه

وبعدين ... ولا اقولك هاكمل الخناقه بقى بعدين
ههههههههههههه