السبت، 10 يناير 2009

قلب ايمان ... مقدمه




تحدييييييييييث ::: الصوره دي يا جماعه مهداه للبرنامج قصدي لقصة قلب ايمان ههههههههه

من الفنان بيبرس صاحب مدونة سهران لوحدي

جميله يا استاذ بيبرس تسلم اديك وبعد كده هانطمع فيك وتعملنا صوره لكل بوست

==============================================================

السلام عليكم






النهارده يا حلوين انا قررت اننا احكيلكم حدوته ههههههههههههههههه






لا بجد هابدأ اكتب قصه مش عارفه هاعرف ولا لا بس انا هاجرب وانتم معايا






القصه دي انا عايزه اتكلم من خلالها عن حاجات كتير اوي وموضوعات مهمه اوي ما لقيتش طريقه سهله وبسيطه غير انى اسوقها من خلال ا حداث القصه دي






انتم عارفين انى باكتب فى المدونه دي على صفحات البلوج مباشرة مش محضره حاجه يعنى والقصه هاكتبها على كذا مره عشان ما تزهقوش وباقي الاحداث متأكده ان ردودكم وارائكم هاتكون مؤثره فى باقي الاحداث الى لسه ما كتبتهاش اصلا






مش هاعرفكم بشخصيات القصه هاتعرفوها من خلال الكلام ان شاء الله لكن اتمنى اسمع رايكم بسررررعه عشان انا قلقانه شويه



يلا نشوف قلب ايمان ماله بقى






قلـــــــــب ايمـــــان






على مكتبها ما يقرب من 200 ورقه مبعثره الى جانب جهاز الكمبيوتر الخاص بها وهى تنقل بصرها بين الورق والشاشه وغارقه فى عملها . وفجأه شعرت ان هناك من يراقبها من بعيد ولكنها لما تلفت واكملت عملها




وبعد دقائق وفجأه رفعت عينيها الى امامها مباشره ونظرت فى عينى مراقبها مباشرة بنظره تعرف طريقها ولكنه لم يبعد بناظريه عنها وانما اشرأب بعنقه اكثر ليراها بوضوح من بين مايفصلهم من زملاء وجدار زجاجي .




فابتسمت له عن استحياء وابتسم لها .




ثم نظرت لمن هم هولها فى ارتباك وعادت تنظر للاوراق والعمل ثانية . وبعد لحظات سمعت صوت جهازها المحمول يعلن عن وجود رساله فتحت الرساله وقرأتها وعلت ملامحها ابتسامه شغوفه راضيه .






داليا : يلا يا بنتى مش هاتصلي ؟؟






سمعتها ايمان ولم تعي ما تقول ولم ترد او تلتفت اليها وظلت تنظر للموبايل






فكررت داليا فى عجب : ايماااااااااااان يلااا الظهر اذن مش هاتصلي ؟؟؟!!!






فنظرت لها ايمان كأنها لمت تلحظ وجودها الا الآن : حاااااااضر فى ايييييه ؟؟ هاصلي طبعا .






ووقفت ايمان تجمع حاجيتها ورفعت عيناها تنظر فى نفس الاتجاه عبر الزجاج وابتسمت الابتسامه نفسها وعلى وجهها احمرارا.






داليا وهى تنظر لها وتنتقل بنظرها بسرعه فى اتجاه نظر ايمان : يووووووه وبعدين معاكي يا بنتى مش هاتعقلي بقى وايه اخرتها القصه دي ؟؟؟






ايمان وهى تهرب بعينيها ومن داليا نفسها : قصة ايه ؟؟!! تقصدي ايه مش فاهمه ؟؟!!






داليا : ما تستهبليش يا حلوه ده انا داليا . كانت منه الرساله دي ؟؟؟






ايمان بغير رضا عن الموقف أو عن نفسها : ايوه منه ...... بس عادي يعنى مافيش حاجه .






داليا : ما تضحكيش على نفسك يا ايمان وما تدخليش نفسك فى مشكله انتى مش قدها .






ايمان وفى غاية الضيق : داليااااا انتى بتتكلمي كده ليه ؟؟ أنا مافيش بينى وبينه اي حاجه انتى بتهرجي انتى هاتجبيلى تهمه ؟؟!!






داليا : افهمي يا هبله هانم انا خايفه عليكى لو انا ما نبهتكيش الناس حواليكى هايتكلموا عليكى وبعدين اصلا الوضع غلط.






ما تنسيش انك متجوزه وهو كمان متنيل متجوز ولا نسيييييتى دي كمااااان .






ايمان : يالااااا الصلاه هايبدأ ........






================================






وكفايه عليكم كده النهارده






الى اللقاء فى الحلقه القادمه






يتبع









سمعوني رايكم بسررررررررعه



هناك 40 تعليقًا:

عمرو يقول...

أسلوبك حلو و مشوق و بسيط و سهل فى نفس الوقت
بس متهيألى كده أن لا هى متجوزه و لا هو كمان و حيحبوا بعض و حبتجوزوا :)

صبرني يارب يقول...

عمرو

هههههههههههههههههههههه

مش عايزه مجامله بليز عايزه اسمع رايكم بكل صراحه ده هايساعدني اكيد

وبعدين لا انت عندك تهيؤات مش هاتحصل ان شاء الله
ههههههههههههههههههههه

واحدة مفروسة يقول...

صوصو يا قمرة
انا جيت
القصة باين عليها حلوة
وواقعية
انا شخصيا عاوزة اعرف حتخلص على ايه؟؟؟
اقولك
بلاش تقولى حتخلص على ايه
سيبي كل واحد يحط النهاية و يبعتهالك
بس طبعا ما تكتبي القصة
و كل اللى يبعتلك نهاية
انشريها و شوفى وقعها على القراء ايه
و بعدين اكتبي النهاية اللى انتى كاتباها اصلا
تحياتي يا قمرة
انتى 7 صنايع
ههههههههههههه
زوجة
وسيدة اعمال
و ربة منزل
و صابرة
و طباخة
و شيخة
و كاتبة
ههههههههههههههههههه

صبرني يارب يقول...

مفروستي حبيبتى

سيده اعمال يارب يا اختي يارب اسمع منها يارب

لسه القصه ما بانتش دى المقدمه بس

انتظرونا بقى
ههههههههههههههههه

حاسوباتيه يقول...

انطلاقه جميله ومشوقه ومستنيين الباقي

mahasen saber يقول...

ايه ده اغيب اغيب ارجع الاقيكى

بقيتى مطحونه السباعى

بس بجد حلوه قوى
استمرى فى اعطائنا المزيد


وبعدين اروح المطبخ الاقيكى عامله فراخ اعملى حاجه بحبها

وحشتينى وحشتينى بجد
اوى العيال واخبار صيد السمك ايه
استنى غدوة سمك من اليى بتخطفيه من امه
هستاها فى المطبخ اتفقنا
بس تسلم ايدك على الفراخ منتحرمش ابدا ابدا من ابداعاتك المختلفه
من مجال الادب لمجال المطبخ
لصيد السمك طبعا عبال ما تصطادى قرش
فك مفترس يعنى مش قرش صاغ

صبرني يارب يقول...

محااااااااااسن


انتى فين يا جميل
مستخبيه ليه كل ده انا كنت جيت سألت عليكى وبعدين قلت نسيتنا محاسن ولا ايه

نورتي يا جميل عنيه ليكى سمك وفراخ وكل الى تحبيه يا جميل

واحشاني موووووت

صبرني يارب يقول...

حاسوباتيه

ايه ده انطلاقه مره واحده ؟؟؟

نورتي يا جميل

بس يا جدعان عايزه حد فيكم جدع يقولي انتى كويسه بس ......

اهو النقط دي الى عايزاها بلييييييييز

Che يقول...

بجد انا متشوق انى اسمع باقى الحكايه .. و على فكرة انك تكتبى على البلوج من غير تحضير دى فكرة جامده عشان الافكار بتكون لسه محتفظه بعذريتها و جمالها الطبيعى .. بس احب انبهك لحاجه لو عايزة تفضلى تكتبى على البلوج على طول من غير تحضير يبقى لازم تكونى حافره اللى هتكتبيه فى دماغك عشان ماتحسيش بعد كده انك محتاجه تعدليه و مش عارفه ازاى
مستنى الحلقه الجايه

mayada يقول...

ازيك ياام مريم
يلا كملي عشان انا نفسي اجيب الس ايمان من شعرها
وحشتني ياجميل وانا كمان مش لقيه اميلك
خالص هو اميل البلوج لو كده قولي ضيف
ههه عشان حتي تقوليلي ايمان فين اروح اعمل معاها واجب

romansy يقول...

يلا بقى
فين الباقى

صبرني يارب يقول...

che
الله يخليك يارب

بس حقيقى انا مش عايزه اغير لكن قول ممكن اضيف

واكيد بيكون فى دماغي الفكره قبل ما اكتبها

تحياتي لحضرتك

صبرني يارب يقول...

بيبرس

اوووووك موافقون بس مش سريالي بلييييييييز

هههههههههههههههههه
نورت

صبرني يارب يقول...

رومانسي

شويه عليه القط نفسي
ههههههههههههههه

صبرني يارب يقول...

مياده حبيبتى بقيتى تغيبى علينا اوييا جميل
واحشاني خالص

والاميل طيب هابقى اسيبهولك عندك

نهر الحب يقول...

ازيك يا قمر
لية مختفية مش بتكلمنى ؟
انتى فين زعلانة منى ولا اية .؟
عموما القصة اسلوبها حلو بسيطة لكن معبرة جدا
وفقك الله
وعايزة اشوفك قريب ان شاء الله على الماسنجر

Anonymous يقول...

سلام عليكم
كل كتابات بتقول ان مكانك وبجد مش هزار الصحافه وفى مجال النقد بالذت .. لكن حكاية الاديبه دى مش عاوز احكم عيها بسرعه لكن صبرنى اللى اعرفها ياريت تخلى الاتنين مش متجوزين .. وتكملى بعد كده لانى انا شخصيا اعتقد ان المتجوز اى كانت ظروفه فى خط احمر وتحته 100 خط عشان النضرات ورسايل الموبايل دى ( مين عارف يمكن انا استعجلت) هستنى الحلقه الجايه وبالتوفيق
عمك / مدحت

أليس في بلاد العجائب يقول...

عارفة لو حطوا الجزء دا ما بين كتابات مؤلفين الدنيا هطلعه واقول عليه بتاعك

عايزة حد غتت ينقد ،، انا هقولك :)

راجعي الكلام بس علشان في حروف زيادة

وركزي علشان مش كله لغة عربية ولو اني اعتقد لو كتبتيها بالعامية هتبقي لايقة اكتر علي طبيعة الكلام لانهم اتكلموا بالعامية اوي اوي يا اما توديهم مدرسة اتيكيت لحسن دول حوارهم مش بتاع زمايل شغل ابدا P:

ومش عايزة ضرب اوك :)

بنت الغربة يقول...

حبيبتى ياصبرنى
القصه كانت ماشيه حلوة قوى وانا مستمتعه بقرايتها خصوصا ان واحده من ابطالها اسمها على اسمى
بس غصب عنى لما وصلت لمقطع (انت متجوزة وهو متجوز )
قلت يانهاار ...........
انا عايزه تكملتها بسرعه
وفكرينى احكيلك حدوته زيها بس حصلت فعلا للأسف هنا فى دبى
وكانت النهايه حزينه جدا
يارب ماتكونش نهاية القصه زيها
تحياتى ياقمر

صبرني يارب يقول...

عمو مدحت

لا لا ما تقلقش هى انا صبرني الى انت عارفها ههههههههههههههههه هاتشوف ان شاء الله

وبلاش الكلام الكبير ده يا عمو ده انا غلبانه اوي
نورت يا عمو ما اتحرمش منك يارب

صبرني يارب يقول...

نهر
يا جميل والله والله انا كل ما افتح الاميل بادور عليكى طبعا انتى وباقي البنات بس مش لقيتك اون ولا مره

والمدونات معلش انا مقصره فى حق الجميع غصب عني والله كنت تعبانه اوي

وانتى واحشاني يا جميل والقصه اتمنى تتبعيها وتقولي رايك


هو انا اقدر ازعل منك يا جميييييييل
اشقطي البوسه دي

صبرني يارب يقول...

أليس فى بلاد العجائب

حروف زياده ؟؟؟

ده اقل واجب يا بنتى ده كنت كاتبه وانا شكلي طالع من القرافه هههههههههههههههههه

وبالنسبه للغه العربيه هو كان اقتراح من صديق يعنى انى اكتب كده بس مش عارفه ليه شكله مش لايق

عموما هاشوف ولسه بافكر

وبعدين بالنسبه لتعليق على حوار داليا وايمان انتى لسه ما تعرفيش ابعاد الشخصيات وطبيعة علاقتهم ببعض

الحكايه مش مجرد زماله عمل

غتتي يا باشا زي ما انتى عايزه

صبرني يارب يقول...

بنت الغربه

هههههههههههههههههه ايه رايك انا والله بعد ما اخترت الاسم وعلى فكره كان فى لحظه ما باكتب يعنى

جيتى على بالي انتى وداليا قوس قزح
وقلت يلا بقى عيشواااااا

وما تقلقيش وما تزعليش ان شاء الله مش هاتكون تزعلك

نورتي يا قمر

mony يقول...

ان ان ان


و بعدين يا صبرني

انت شغلتينا و جريتي

الباقي بسرعة لو سمحتي بأه

صبرني يارب يقول...

موني
هههههههههههههههههه

طيب بس اركز واكمل
عنيه

حسن حنفى يقول...

انتي كده قلتي جزء صغير في الاول بس :((

انا اكتر حاجه مش بحبها ان القصه تقطع في النص :(

بس ادينا مستنين الجزء التاني

صبرني يارب يقول...

حسن

لا ماهو لازم بقى نقولها اجزاء هانعمل ايه

عنينا بكره ان شاء الله

نهر الحب يقول...

اللقاء يوم الجمعه 16/1
عدد الجرحى فى الاسماعيلية 19 حالة
بعد ان توفيت شابه هذا الصباح
منهم سيدة تبلغ من العمر 58 عام
وشابة فى العناية المركزة عندها 17 سنة
والباقى رجال من سن 17 عام الى الاربيعنيات
ومازالت المستشفى تستقبل المزيد
محتاجين تبرعات مالية
وبعض الملابس
رقم تلفونى هو 0188047779

صبرني يارب يقول...

نهر

يا حبيبتى يا ريت اعرف اجي والله انا هاشوف كده

ولو ما كانش انا هاحاول ابعتلك ناس حبايبي هناك

شمس النهار يقول...

البدايه لطيفه جدا وتبشر بالخير
ياريت بقه نوري الرجاله الستوتات لما يكتبوا هيعملوا ايه
عايزين نشلفتهم
ونقاش بقه اللي مابيحبوش ينقشوه والا يجوا جنبه
اكتبي ونحن وراكي

بس خلاص ... يقول...

حلوه البدايه فى انتظار باقى القصة
وحشتينى ووحشنى كلامك الحلو

صبرني يارب يقول...

شمس النهار

ايه ده معقوله النور ده كله شموسه بحالها عندي

نورتينى يا شمس بجد وفرحانه بوجودك

وطبعا ما تعرفيش انا عايزه اعمل فيهم ايه ستات ورجاله بصراحه ههههههههههههههههه

وربنا يسهل

صبرني يارب يقول...

بس خلاص

ايه ده انتى كنتى فين اخدتك غياب

وانتى كمان وحشتينى

نورتي يا جميل

Mo7ammed يقول...

اوعى .. القصة على فكرة شكلها كده ليها كام منحنى حلوين وهيبقى فيها كام موعظة احلى .. وهتنتهى نهاية احلى واحلى ,,

تسلم ايدك يا .. مش عارف اقولك ايه .. هقولك يا صابرة زى مابيقولولك

بالسلامة ..

ahmed_k يقول...

البدايه مشوقه
وتبعث على التفكر في تلك العلاقه الوليده
أيكتب لها التمادي رغم علم إيمان بمدى خطأ ما هي مقبلة عليه
أم ستستمع لصوت العقل والحكمه الصادر من داليا صديقتها
خلينا منسبقش الأحداث
في إنتظار العدد القادم
وآآآآآآآه من قلب إيمان
واللي ممكن يحصلها بسببه
بدايه موفقه يا أم مريم
بس في بعض الأخطاء الإملائيه ياريت تصلحيها

تقبلي خالص تحياتي

أنا حر يقول...

ما ينفعش كده لازم تزودي شوية المرة الجاية
بدايتها مشوقة في انتظارها كلها وياريت لو كتباها على ملف وورد انا ايميلي عندي في المدونة ابعتيهالي علشان اقراها مرة واحدة
تحياتي

صبرني يارب يقول...

محمد

يا اهلا وسهلا نووورت

والله انا نفسي مش عارفه الاحداث هاتنتهي على ايه

وبعدين هما بيقولولي صبرني مش صابره هههههههههههههه

صبرني يارب يقول...

احمد كيه

تصور انا والله ما راجعتش فعلا الكتابه كويس كنت مستعجله لكن حاضر هاشوفها

تحياتي لحضرتك ونورت

صبرني يارب يقول...

انا حر

لا طبعا مش كاتباها امال انا باقولكم ايه يا جودعان هههههههههههه

انا باكتب القصه على البلوج على طول غالبا حاجه وليدة اللحظه يعنى

وبعدين انت عايزنى اديلك القصه قبل اما انشرها ايه ده امال اقعد انا هنا اعمل حضرتك هههههههههههههههه

نووووووووووورت

حنعيش يعنى حنعيش يقول...

دا انت اللى طلعت استاذ يا عم الحاج .....بجد الله ينور عليكى